ലഹരിഗുളിക ലഭിക്കാൻ ഹണിട്രാപ് ഭീഷണി; ദമ്പതികളുൾപ്പെടെ മൂന്നുപേർ അറസ്​റ്റിൽ

ആ​ല​പ്പു​ഴ: മ​രു​ന്നു​ക​ട ഉ​ട​മ​യെ ഹ​ണി​ട്രാ​പ്പി​ൽ​പെ​ടു​ത്തി ഭീ​ഷ​ണി​പ്പെ​ടു​ത്തി മാ​ന​സി​കാ​രോ​ഗ്യ ചി​കി​ത്സ​ക്കു​ള്ള ഗു​ളി​ക​ക​ൾ ധാ​രാ​ള​മാ​യി കൈ​ക്ക​ലാ​ക്കാ​ൻ ശ്ര​മി​ച്ച ദ​മ്പ​തി​ക​ളു​ൾ​െ​പ്പ​ടെ മൂ​ന്നു​പേ​ർ അ​റ​സ്​​റ്റി​ൽ. എ​റ​ണാ​കു​ളം ക​ട​വ​ന്ത്ര ചെ​മ​ങ്ങാ​ട് കോ​ള​നി പു​ഷ്​​പ ന​ഗ​റി​ൽ സ​ന​ൽ (24), ഭാ​ര്യ ക​ല​വൂ​ർ ക​ണ്ണ​ന്ത​റ​വെ​ളി ലി​ൻ​സി (സോ​ന -21), സ​ന​ലി​െൻറ സ​ഹോ​ദ​ര​ൻ ഷ​ഫീ​ഖ് (22) എ​ന്നി​വ​രെ​യാ​ണ് സൗ​ത്ത് പൊ​ലീ​സ് അ​റ​സ്​​റ്റ്​ ചെ​യ്​​ത​ത്. ല​ഹ​രി​മ​രു​ന്നാ​യി ഉ​പ​യോ​ഗി​ക്കാ​നാ​ണ് പ്ര​തി​ക​ൾ വ​ൻ​തോ​തി​ൽ ഗു​ളി​ക​ക​ൾ ആ​വ​ശ്യ​പ്പെ​ട്ട​തെ​ന്ന്​ പൊ​ലീ​സ് പ​റ‍ഞ്ഞു.

സം​ഭ​വം സം​ബ​ന്ധി​ച്ച് പൊ​ലീ​സ് പ​റ​യു​ന്ന​ത്: ഭ​ർ​ത്താ​വി​െൻറ മാ​ന​സി​ക ചി​കി​ത്സ​ക്കെ​ന്ന വ്യാ​ജേ​ന കു​റി​പ്പ​ടി കാ​ണി​ച്ച് ഗു​ളി​ക​ക​ൾ ആ​വ​ശ്യ​പ്പെ​ട്ടാ​ണ് ഒ​ക്​​ടോ​ബ​ർ 30ന് ​ഉ​ച്ച​ക്ക്​ ലി​ൻ​സി ന​ഗ​ര​ത്തി​ലെ ഒ​രു മെ​ഡി​ക്ക​ൽ സ്​​റ്റോ​റി‍ൽ എ​ത്തി​യ​ത്. നാ​ല്​ മാ​സ​ത്തേ​ക്കു​ള്ള മ​രു​ന്ന് ആ​വ​ശ്യ​പ്പെ​ട്ടെ​ങ്കി​ലും സ്​​റ്റോ​ക്കി​ല്ലെ​ന്ന്​ ക​ട​യു​ട​മ പ​റ‍ഞ്ഞു.മ​രു​ന്ന് എ​ത്തി​യാ​ൽ വി​ളി​ക്ക​ണ​മെ​ന്ന് ആ​വ​ശ്യ​പ്പെ​ട്ട് ലി​ൻ​സി ഫോ​ൺ ന​മ്പ​ർ ന​ൽ​കി. പി​ന്നീ​ട് ക​ട​യു​ട​മ​യു​മാ​യി ചാ​റ്റി​ങ് തു​ട​ർ​ന്നു. ന​വം​ബ​ർ ഒ​ന്നി​ന്​ 120 ഗു​ളി​ക എ​ടു​ത്തു​െ​വ​ച്ച​താ​യി ക​ട​യു​ട​മ അ​റി​യി​ച്ച​ത​നു​സ​രി​ച്ച് പ്ര​തി​ക​ൾ മൂ​വ​രും എ​ത്തി.

കൂ​ടു​ത​ൽ ഗു​ളി​ക ആ​വ​ശ്യ​പ്പെ​ട്ട് ക​ട​യി‍ൽ അ​തി​ക്ര​മി​ച്ചു ക​ട​ന്ന് ഷ​ട്ട​ർ താ​ഴ്ത്തി​യ​ശേ​ഷം 50,000 രൂ​പ ആ​വ​ശ്യ​പ്പെ​ട്ടു.പ​ണം ന​ൽ​കി​ല്ലെ​ന്നു​പ​റ​ഞ്ഞ ക​ട​യു​ട​മ​യെ മ​ർ​ദി​ച്ചു. ക​ട​യി​ലു​ണ്ടാ​യി​രു​ന്ന ബേ​ബി പൗ​ഡ​ർ, ബേ​ബി ക്രീം ​തു​ട​ങ്ങി​യ സാ​ധ​ന​ങ്ങ​ൾ അ​പ​ഹ​രി​ച്ചു. ഇ​ത്​ ത​ട​യാ​ൻ ശ്ര​മി​ച്ച ഉ​ട​മ​യെ ഇ​രു​മ്പു​വ​ടി​കൊ​ണ്ട് അ​ടി​ക്കാ​ൻ ശ്ര​മി​ച്ചു.ക​ത്തി കാ​ട്ടി ഭീ​ഷ​ണി​പ്പെ​ടു​ത്തി​യ ഷ​ഫീ​ഖ് ക​ട​യു​ട​മ ഓ​ടി​ച്ച ബൈ​ക്കി​നു പി​ന്നി​ൽ ഇ​രു​ന്ന്​ ന​ഗ​ര​ത്തി​ലെ മ​രു​ന്ന് മൊ​ത്ത​വി​ത​ര​ണ ക​മ്പ​നി​യി​ൽ എ​ത്തി.അ​വി​ടെ ക​മ്പ്യൂ​ട്ട​ർ കേ​ടാ​യ​തി​നാ​ൽ മ​രു​ന്ന് കി​ട്ടി​യി​ല്ല. തു​ട​ർ​ന്ന് മ​റ്റൊ​രു മൊ​ത്ത​വ്യാ​പാ​ര കേ​ന്ദ്ര​ത്തി​ലെ​ത്തി​യ ഉ​ട​മ 500 ഗു​ളി​ക വാ​ങ്ങി ന​ൽ​കി. ഗു​ളി​ക ഇ​നി​യും ആ​വ​ശ്യ​മു​ണ്ടെ​ന്നും വി​വ​രം പൊ​ലീ​സി​ൽ അ​റി​യി​ച്ചാ​ൽ ക​ട ക​ത്തി​ക്കു​മെ​ന്നും ഭീ​ഷ​ണി​പ്പെ​ടു​ത്തി സം​ഘം മ​ട​ങ്ങി. എ​ട്ടി​ന്​ വൈ​കീ​ട്ട് മൂ​വ​രും വീ​ണ്ടും ക​ട​യി​ൽ എ​ത്തി​യെ​ങ്കി​ലും ഉ​ട​മ ഇ​ല്ലാ​യി​രു​ന്നു. ഫോ​ണി​ൽ വി​ളി​ച്ച് ഉ​ട​ൻ ക​ട​യി​ൽ വ​ന്നി​ല്ലെ​ങ്കി​ൽ ചാ​റ്റി​ങ്​ വി​വ​ര​ങ്ങ​ൾ വീ​ട്ടി​ൽ അ​റി​യി​ക്കു​മെ​ന്ന് ഭീ​ഷ​ണി​പ്പെ​ടു​ത്തി. തു​ട​ർ​ന്ന് ഉ​ട​മ വി​വ​രം പൊ​ലീ​സി​ൽ അ​റി​യി​ച്ച​തോ​ടെ ഇ​വ​ർ സ​ഞ്ച​രി​ച്ച കാ​ർ ഉ​ൾ​പ്പെ​ടെ പൊ​ലീ​സ് പി​ടി​കൂ​ടു​ക​യാ​യി​രു​ന്നു. കോ​ട​തി​പ്ര​തി​ക​ളെ റി​മാ​ൻ​ഡ് ചെ​യ്​​തു.