വിവാഹ വാഗ്ദാനം നൽകി പീഡനം; പഞ്ചായത്ത് ജീവനക്കാരൻ അറസ്റ്റിൽ

കുമ്പള: വിവാഹ വാഗ്ദാനം നല്‍കി 24കാരിയെ പീഡിപ്പിച്ചുവെന്ന യുവതിയുടെ പരാതിയിൽ പഞ്ചായത്ത് ജീവനക്കാരനെ കുമ്പള പൊലീസ് അറസ്റ്റ് ചെയ്തു. കുമ്പള പഞ്ചായത്ത് ഓഫിസ് ജീവനക്കാരന്‍ ഹൊസങ്കടി മിയാപ്പദവിലെ അഭിജിത്തിനെയാണ് (28) പൊലീസ്​ ഇൻസ്​പെക്ടർ പി. പ്രമോദ്​ അറസ്റ്റ് ചെയ്തത്.

മാതാവിന്​ സര്‍ക്കാര്‍ അനുവദിച്ച വീടിന്‍റെ ആവശ്യവുമായി ബന്ധപ്പെട്ട് പഞ്ചായത്ത് ഓഫിസിലെത്തിയ യുവതിയെ പ്രണയം നടിച്ച് വശപ്പെടുത്തിയെന്നും വിവാഹ വാഗ്​ദാനം നൽകി യുവതിയുടെ വീട്ടിലെത്തി പീഡിപ്പിച്ചുവെന്നുമാണ് പരാതി. കോടതിയില്‍ ഹാജരാക്കിയ പ്രതിയെ റിമാൻഡ്​​ ചെയ്തു.