Begin typing your search above and press return to search.
exit_to_app
exit_to_app
infant
cancel
Homechevron_rightNewschevron_rightCrimechevron_rightപെൺകുഞ്ഞിന്​ ജന്മം...

പെൺകുഞ്ഞിന്​ ജന്മം നൽകിയതിന്​ ബന്ധുക്കളുടെ പീഡനം; പിഞ്ചുകുഞ്ഞിനെ വെള്ളത്തിൽ മുക്കിക്കൊന്നു

text_fields
bookmark_border

മുംബൈ: പെൺകുഞ്ഞിന്​ ജന്മം നൽകിയതിന്​ ഭർതൃവീട്ടിൽനിന്ന്​ നിരന്തരം പീഡനം ഏറ്റുവാങ്ങിയതിനെ തുടർന്ന്​ മൂന്നുമാസം പ്രായമായ കുഞ്ഞിനെ അമ്മ വെള്ളത്തിൽ മുക്കിക്കൊന്നു. മുംബൈയിലെ കാലചൗക്കി പ്രദേശത്താണ്​ സംഭവം.

കുഞ്ഞിനെ കാണാനില്ലെന്ന അമ്മയുടെ പരാതിയെ തുടർന്നായിരുന്നു പൊലീസിന്‍റെ അ​േന്വഷണം. തന്നെ മയക്കികിടത്തി ഒരു സ്​ത്രീ കുഞ്ഞുമായി കടന്നുകളഞ്ഞുവെന്നായിരുന്നു യുവതിയുടെ പരാതി. തുടർന്ന്​ പൊലീസ്​ കേസ്​ രജിസ്റ്റർ ചെയ്യുകയും മാതാവ്​ വിവരിച്ചതിന്‍റെ അടിസ്​ഥാനത്തിൽ പ്രതിയുടെ രേഖാചിത്രം തയാറാക്കുകയും ചെയ്​തു. കുഞ്ഞിനെ കണ്ടെത്താനായി പ്രദേശത്തെ സി.സി.ടി.വി ദൃശ്യങ്ങളും പരിശോധിച്ചു.

എന്നാൽ, യുവതിയെ പൊലീസ്​ ചോദ്യം ചെയ്​തതോടെ കൊലപാതകത്തിന്‍റെ ചുരുളഴിയുകയായിരുന്നു. 2011ലായിരുന്നു യുവതിയുടെ വിവാഹം. 2013ൽ ഇവർക്കൊരു പെൺകുഞ്ഞ്​ പിറന്നു.​

യുവതി വീണ്ടും ഗർഭിണിയായി. കുട്ടി ആണാണോ പെണ്ണാണോ എന്നറിയാൻ ഭർതൃമാതാപിതാക്കൾ അവളെ ദുർമന്ത്രവാദത്തിന്​ വിധേയമാക്കുകയും ഗർഭച്ഛിദ്രത്തിന്​ നിർബന്ധിക്കുകയും ചെയ്​തു. ഇത്തരത്തിൽ മൂന്നുതവണ യുവതിയെ ഗർഭച്ഛിദ്രത്തിന്​ വിധേയമാക്കി.

എന്നാൽ ഒരു വർഷം മുമ്പ്​ യുവതി വീണ്ടും ഗർഭം ധരിക്കുകയും കുഞ്ഞിനെ പ്രസവിക്കാൻ തീരുമാനിക്കുകയുമായിരുന്നു. ആഗസ്റ്റിൽ യുവതി പെൺകുഞ്ഞിന്​ ജന്മം നൽകി. ഇതോടെ ഭർതൃമാതാപിതാക്കൾ യുവതിക്ക്​ വിലക്ക്​ ഏർപ്പെടുത്തി. തുടർന്ന്​ സ്വന്തം വീട്ടുകാർക്കൊപ്പമായിരുന്നു യുവതിയുടെ താമസമെന്നും പൊലീസ്​ പറഞ്ഞു.

Show Full Article
TAGS:Murder Crime daughter Gender discrimination 
News Summary - Harassed over giving birth to girl woman drowns 3 month old daughter
Next Story