പ്ര​വാ​സി​യി​ല്‍നി​ന്ന് സ്വ​ര്‍ണ​വും മ​റ്റും ക​വ​ര്‍ന്ന കേ​സ്: തു​ട​ര​ന്വേ​ഷ​ണം ഊ​ർ​ജി​ത​മാ​ക്കി

കൊ​ണ്ടോ​ട്ടി: ക​ള്ള​ക്ക​ട​ത്ത് സ്വ​ര്‍ണ വാ​ഹ​ക​നാ​യ യു​വാ​വി​നെ ത​ട്ടി​ക്കൊ​ണ്ടു​പോ​യി സ്വ​ര്‍ണ​വും മ​റ്റു സാ​ധ​ന​ങ്ങ​ളും ക​വ​ര്‍ച്ച ചെ​യ്ത സം​ഭ​വ​ത്തി​ല്‍ ക​രി​പ്പൂ​ര്‍ പൊ​ലീ​സ് അ​ന്വേ​ഷ​ണം ഊ​ർ​ജി​ത​മാ​ക്കി. സ​മാ​ന​മാ​യ രീ​തി​യി​ല്‍ ക​വ​ര്‍ച്ച ന​ട​ത്തു​ന്ന സം​ഘ​ങ്ങ​ളെ നി​യ​മ​ത്തി​നു​മു​ന്നി​ല്‍ എ​ത്തി​ക്കാ​നു​ള്ള പ്ര​ത്യേ​ക അ​ന്വേ​ഷ​ണ​മാ​ണ് നി​ല​വി​ല്‍ തു​ട​രു​ന്ന​ത്. ഇ​തി​ന്റെ ഭാ​ഗ​മാ​യി സം​ഘ​ത്ത​ല​വ​ന്‍ കൂ​ടി​യാ​യ മോ​ങ്ങം പ​ള്ളി​യാ​ളി​യി​ല്‍ ആ​ദി​ര്‍ മൂ​സ​യെ (22) കോ​ട​തി​യി​ല്‍നി​ന്ന് ക​സ്റ്റ​ഡി​യി​ല്‍ വാ​ങ്ങി പൊ​ലീ​സ് തെ​ളി​വെ​ടു​പ്പ് ന​ട​ത്തി​യി​രു​ന്നു.

ക​രി​പ്പൂ​ര്‍ വി​മാ​ന​ത്താ​വ​ളം കേ​ന്ദ്രീ​ക​രി​ച്ച് വി​വി​ധ രീ​തി​ക​ളി​ല്‍ ന​ട​ക്കു​ന്ന സ്വ​ര്‍ണ​ക്ക​ട​ത്തി​നും ക്വ​ട്ടേ​ഷ​ന്‍ സം​ഘ​ങ്ങ​ളു​ടെ ക​വ​ര്‍ച്ച​ക്കു​മെ​തി​രെ നി​താ​ന്ത ജാ​ഗ്ര​ത​യാ​ണ് നി​ല​വി​ല്‍ പൊ​ലീ​സ് സ്വീ​ക​രി​ച്ചി​രി​ക്കു​ന്ന​ത്. പ​ര​സ്പ​ര ബ​ന്ധ​മു​ള്ള ക​ള്ള​ക്ക​ട​ത്ത് സം​ഘ​ങ്ങ​ളെ നി​ല​വി​ല്‍ പി​ടി​യി​ലാ​യ​വ​രി​ലൂ​ടെ ക​ണ്ടെ​ത്തു​ന്ന രീ​തി​യി​ലാ​ണ് അ​ന്വേ​ഷ​ണം.

ക​ള്ള​ക്ക​ട​ത്ത് സ്വ​ർ​ണം ക​വ​ര്‍ച്ച ചെ​യ്ത സം​ഘ​ത്തി​ലെ പ്ര​ധാ​നി ആ​ദി​ര്‍ മൂ​സ​യി​ല്‍നി​ന്ന് നി​ർ​ണാ​യ​ക വി​വ​ര​ങ്ങ​ള്‍ ല​ഭി​ക്കു​മെ​ന്ന പ്ര​തീ​ക്ഷ​യി​ലാ​ണ് അ​ന്വേ​ഷ​ണ സം​ഘം. ക​ഴി​ഞ്ഞ ഡി​സം​ബ​റി​ല്‍ ദു​ബൈ​യി​ല്‍നി​ന്ന് ക​രി​പ്പൂ​ര്‍ വി​മാ​ന​ത്താ​വ​ള​ത്തി​ല്‍ എ​ത്തി​യ കോ​ഴി​ക്കോ​ട് താ​മ​ര​ശ്ശേ​രി സ്വ​ദേ​ശി​യാ​യ യു​വാ​വി​നെ ത​ട്ടി​കൊ​ണ്ടു​പോ​യി മ​ർ​ദി​ച്ച് സ്വ​ര്‍ണ​വും സാ​ധ​ന​ങ്ങ​ളും ക​വ​ര്‍ച്ച ചെ​യ്ത സം​ഭ​വ​ത്തി​ല്‍ ഏ​പ്രി​ൽ 16നാ​ണ് ആ​ദി​ര്‍ മൂ​സ​യെ അ​റ​സ്റ്റ് ചെ​യ്ത​ത്.

ക​രി​പ്പൂ​ര്‍ പൊ​ലീ​സ് ഇ​ൻ​സ്പെ​ക്ട​ര്‍ പി. ​ഷി​ബു​വി​ന്റെ നേ​തൃ​ത്വ​ത്തി​ലു​ള്ള സം​ഘം മ​ഞ്ചേ​രി​യി​ലെ ര​ഹ​സ്യ കേ​ന്ദ്ര​ത്തി​ല്‍നി​ന്ന് പി​ടി​കൂ​ടു​ക​യാ​യി​രു​ന്നു. ക​രി​പ്പൂ​ര്‍ വി​മാ​ന​ത്താ​വ​ള​ത്തി​ലും ത​ട്ടി​ക്കൊ​ണ്ടു​പോ​യി മ​ർ​ദി​ച്ച വ​ള്ളു​വ​മ്പ്ര​ത്തും പ്ര​തി​യെ എ​ത്തി​ച്ചാ​യി​രു​ന്നു തെ​ളി​വെ​ടു​പ്പ്. കേ​സി​ല്‍ മോ​ങ്ങം സ്വ​ദേ​ശി നൂ​റു​ല്‍ ഇ​സ്​​ലാ​മി​നെ (35) നേ​ര​ത്തെ പൊ​ലീ​സ് പി​ടി​കൂ​ടി​യി​രു​ന്നു. യാ​ത്രി​ക​നാ​യ യു​വാ​വി​നെ ത​ട്ടി​ക്കൊ​ണ്ടു​പോ​കാ​നു​പ​യോ​ഗി​ച്ച കാ​റും ആ​ദ്യ ഘ​ട്ട​ത്തി​ല്‍ പി​ടി​ച്ചെ​ടു​ത്തു.

ഒ​രു സം​ഘം, ത​ന്നെ കാ​റി​ല്‍ ബ​ല​മാ​യി ത​ട്ടി​ക്കൊ​ണ്ടു​പോ​കു​ക​യും മ​ർ​ദി​ച്ചു അ​വ​ശ​നാ​ക്കു​ക​യും ബാ​ഗു​ക​ളും ഫോ​ണും ന​ഷ്ട​മാ​കു​ക​യും ചെ​യ്തെ​ന്നാ​യി​രു​ന്നു താ​മ​ര​ശ്ശേ​രി സ്വ​ദേ​ശി​യാ​യ 29കാ​ര​ന്റെ പ​രാ​തി. തു​ട​ര്‍ന്നു ന​ട​ത്തി​യ പ​രി​ശോ​ധ​ന​യി​ലാ​ണ് യു​വാ​വി​നെ ആ​ളൊ​ഴി​ഞ്ഞ ഭാ​ഗ​ത്ത് ഉ​പേ​ക്ഷി​ച്ച​തെ​ന്ന് പൊ​ലീ​സ് ക​ണ്ടെ​ത്തി​യ​ത്. സ്വ​ര്‍ണ​ക്ക​ട​ത്ത് സം​ഘം ത​ന്നെ​യാ​ണ് സം​ഭ​വ​ത്തി​നു പി​ന്നി​ലെ​ന്നും സ്വ​ർ​ണം ക​ട​ത്തി​ക്കൊ​ണ്ടു​വ​ന്ന യു​വാ​വി​നെ വാ​ഹ​ക​നാ​യി നി​യോ​ഗി​ച്ച സം​ഘം ത​ന്നെ​യാ​ണ്​ ആ​ക്ര​മ​ണ​ത്തി​നു പി​റ​കി​ലെ​ന്നു​മാ​ണ് സൂ​ച​ന. ഈ ​ദി​ശ​യി​ലാ​ണ് അ​ന്വേ​ഷ​ണം പു​രോ​ഗ​മി​ക്കു​ന്ന​ത്.

സം​ഭ​വ​ത്തി​ല്‍ കൂ​ട്ടു പ്ര​തി​ക​ളെ​ക്കു​റി​ച്ച് പൊ​ലീ​സി​നു വ്യ​ക്ത​മാ​യ വി​വ​ര​ങ്ങ​ള്‍ ല​ഭി​ച്ച​താ​യും സൂ​ച​ന​യു​ണ്ട്. യു​വാ​വി​ന്റെ മൂ​ന്നു ബാ​ഗു​ക​ളും മൊ​ബൈ​ല്‍ ഫോ​ണും വി​മാ​ന​ത്താ​വ​ള​ത്തി​ല്‍നി​ന്ന് പൊ​ലീ​സ് ക​ണ്ടെ​ടു​ത്തി​രു​ന്നു. ക​രി​പ്പൂ​ര്‍ പൊ​ലീ​സ് ഇ​ന്‍സ്പെ​ക്ട​റു​ടെ നേ​തൃ​ത്വ​ത്തി​ല്‍ പ്ര​ത്യേ​ക അ​ന്വേ​ഷ​ണ സം​ഘാം​ഗ​ങ്ങ​ളാ​യ അ​ബ്ദു​ൽ അ​സീ​സ്, സ​ത്യ​നാ​ഥ​ന്‍, ശ​ശി കു​ണ്ട​റ​ക്കാ​ട്, ഉ​ണ്ണി​കൃ​ഷ്ണ​ന്‍ മാ​രാ​ത്ത്, പി. ​സ​ഞ്ജീ​വ്, ര​തീ​ഷ്, സ്വ​പ്ന, വേ​ണു​ഗോ​പാ​ല്‍ എ​ന്നി​വ​രാ​ണ് പ്ര​തി​യെ പി​ടി​കൂ​ടി അ​ന്വേ​ഷ​ണം ന​ട​ത്തു​ന്ന​ത്.