ബസിൽ മാല മോഷണം: രണ്ട് തമിഴ്നാട് സ്വദേശിനികൾ പിടിയിൽ

കൊല്ലം: ബസിൽനിന്ന് മാല മോഷണം നടത്തിയ രണ്ട് തമിഴ്നാട് സ്വദേശിനികളെ കൊല്ലം ഈസ്റ്റ് പൊലീസ് പിടികൂടി. തമിഴ്നാട് തൂത്തുകുടി അണ്ണാനഗർ എ-13 യിൽ മാരി (30), കാവ്യ (26) എന്നിവരാണ് പിടിയിലായത്. ബുധനാഴ്ച ആശ്രാമം-ദളവാപുരം റൂട്ടിലുള്ള സ്വകാര്യബസിൽ യാത്ര ചെയ്യുകയായിരുന്ന ലക്ഷ്മിക്കുട്ടിയുടെ കഴുത്തിൽ കിടന്ന മൂന്നര പവനോളം വരുന്ന താലിമാല ഇരുവരും പൊട്ടിച്ചെടുത്തു.

കൊല്ലം ഈസ്റ്റ് ഇൻസ്പെക്ടർ ജി. അരുണിന്‍റെ നേതൃത്വത്തിൽ എസ്.ഐ ജയശങ്കർ, എ.എസ്.ഐ ബിന്ദു, എസ്.സി.പി.ഒ സുനിൽ തോമസ്, സി.പി.ഒ ഷെഫീക്ക് എന്നിവരുടെ നേതൃത്വത്തിലാണ് ഇവരെ പിടികൂടിയത്.