നാ​യ്​ പ​രി​ശീ​ല​ന കേ​ന്ദ്ര​ത്തി​ന്‍റെ മ​റ​വി​ൽ ക​ഞ്ചാ​വ്​ ക​ച്ച​വ​ടം; പൊലീസ് പരിശോധനയിൽ നായ്ക്കളെ അഴിച്ചുവിട്ട്​ യുവാവ്

കോ​ട്ട​യം: നാ​യ്​ പ​രി​ശീ​ല​ന കേ​ന്ദ്ര​ത്തി​ന്‍റെ മ​റ​വി​ൽ ന​ട​ത്തി​യ ക​ഞ്ചാ​വ്​ ക​ച്ച​വ​ടം പി​ടി​കൂ​ടി. ജി​ല്ല പൊ​ലീ​സി​ന്‍റെ നേ​തൃ​ത്വ​ത്തി​ൽ ന​ട​ത്തി​യ പ​രി​ശോ​ധ​ന​യി​ൽ 17.8 കി​ലോ ക​ഞ്ചാ​വ് പി​ടി​കൂ​ടി. പ്ര​തി​യാ​യ യു​വാ​വ് ക​ട​ന്നു​ക​ള​ഞ്ഞു. ഡോ​ഗ് ട്രെ​യി​ന​റാ​യ പാ​റ​മ്പു​ഴ തെ​ക്കേ​തു​ണ്ട​ത്തി​ൽ വീ​ട്ടി​ൽ റോ​ബി​ൻ ജോ​ർ​ജ് (35) വാ​ട​ക​ക്ക്​ താ​മ​സി​ക്കു​ന്ന കു​മാ​ര​നെ​ല്ലൂ​രി​ലെ വീ​ട്ടി​ൽ​നി​ന്നാ​ണ്​ പൊ​ലീ​സ്​ സാ​ഹ​സി​ക​മാ​യി ക​ഞ്ചാ​വ്​ പി​ടി​കൂ​ടി​യ​ത്. ജി​ല്ല പൊ​ലീ​സ് മേ​ധാ​വി കെ. ​കാ​ർ​ത്തി​ക്കി​ന് ല​ഭി​ച്ച ര​ഹ​സ്യ വി​വ​ര​ത്തെ തു​ട​ർ​ന്നാ​ണ്​ പ​രി​ശോ​ധ​ന ന​ട​ത്തി​യ​ത്.

ഇ​യാ​ൾ നാ​യ്ക്ക​ൾ​ക്ക്​ പ​രി​ശീ​ല​നം ന​ൽ​കു​ന്ന​തി​നൊ​പ്പം ഡെ​ൽ​റ്റ കെ ​ഒ​മ്പ​ത്​ എ​ന്ന പേ​രി​ൽ ഡോ​ഗ് ഹോ​സ്റ്റ​ലും ന​ട​ത്തി​വ​രു​ക​യാ​യി​രു​ന്നു. ഇ​തി​ന്‍റെ മ​റ​വി​ലാ​യി​രു​ന്നു ക​ഞ്ചാ​വ് ക​ച്ച​വ​ടം. തി​ങ്ക​ളാ​ഴ്ച അ​ർ​ധ​രാ​ത്രി​യോ​ടെ​യാ​ണ് പൊ​ലീ​സ് സം​ഘം പ​രി​ശോ​ധ​ന​ക്ക്​ വീ​ട് വ​ള​ഞ്ഞ​ത്. ഇ​ത് മ​ന​സ്സി​ലാ​ക്കി​യ റോ​ബി​ൻ മു​ന്തി​യ ഇ​ന​ത്തി​ൽ​പെ​ട്ട 13ഓ​ളം നാ​യ്ക്ക​ളെ പൊ​ലീ​സി​നെ ആ​ക്ര​മി​ക്കു​ന്ന​തി​നാ​യി അ​ഴി​ച്ചു​വി​ട്ട്​ മ​തി​ൽ ചാ​ടി പി​ന്നി​ലെ പാ​ടം വ​ഴി ക​ട​ന്നു​ക​ള​ഞ്ഞു.

തു​ട​ർ​ന്ന്​ ഡോ​ഗ് സ്‌​ക്വാ​ഡ് ഉ​ദ്യോ​ഗ​സ്ഥ​രാ​യ സീ​നി​യ​ർ സി​വി​ൽ പൊ​ലീ​സ് ഓ​ഫി​സ​ർ പ്ര​മോ​ദ്, ഗ്രേ​ഡ് ഹെ​ഡ് കോ​ൺ​സ്റ്റ​ബി​ൾ സ​ജി​കു​മാ​ർ എ​ന്നി​വ​ർ ചേ​ർ​ന്ന്​ ഡോ​ഗ് സ്‌​ക്വാ​ഡി​ലെ നാ​ർ​കോ​ട്ടി​ക് സ്‌​നി​ഫ​ർ ഡോ​ഗ്​​ ഡോ​ണി​ന്‍റെ സ​ഹാ​യ​ത്തോ​ടെ നാ​യ്ക്ക​ളെ കൂ​ട്ടി​ല​ട​ച്ചു. വീ​ടി​ന​ക​ത്തു​ണ്ടാ​യി​രു​ന്ന അ​മേ​രി​ക്ക​ൻ ബു​ള്ളി ഇ​ന​ത്തി​ൽ​പെ​ട്ട ര​ണ്ടു നാ​യ്ക്ക​ളെ മു​റി​യി​ല​ട​ച്ചി​ട്ട ശേ​ഷ​മാ​ണ്​ പ​രി​ശോ​ധ​ന ന​ട​ത്താ​നാ​യ​ത്.

ക​ട്ടി​ലി​ന​ടി​യി​ൽ സൂ​ക്ഷി​ച്ച നി​ല​യി​ലും മു​റി​ക്കു​ള്ളി​ൽ ര​ണ്ട് ട്രാ​വ​ൽ ബാ​ഗി​നു​ള്ളി​ൽ ഒ​ളി​പ്പി​ച്ച നി​ല​യി​ലു​മാ​യി​രു​ന്നു ക​ഞ്ചാ​വ്. ജി​ല്ല പൊ​ലീ​സ് മേ​ധാ​വി​യു​ടെ ല​ഹ​രി വി​രു​ദ്ധ സ്ക്വാ​ഡും കോ​ട്ട​യം നാ​ർ​കോ​ട്ടി​ക് സെ​ൽ ഡി​വൈ.​എ​സ്.​പി സി. ​ജോ​ൺ, കോ​ട്ട​യം ഡി​വൈ.​എ​സ്.​പി എ​ൻ.​കെ. മു​ര​ളി, ഗാ​ന്ധി​ന​ഗ​ർ എ​സ്.​എ​ച്ച്.​ഒ കെ. ​ഷി​ജി, എ​സ്.​ഐ സു​ധി കെ. ​സ​ത്യ​പാ​ല​ൻ, എ.​എ​സ്.​ഐ പ​ദ്മ​കു​മാ​ർ എ​ന്നി​വ​രും പ​രി​ശോ​ധ​ന സം​ഘ​ത്തി​ൽ ഉ​ണ്ടാ​യി​രു​ന്നു. വി​ശ​ദ അ​ന്വേ​ഷ​ണ​ത്തി​ന്​ കോ​ട്ട​യം ഡി​വൈ.​എ​സ്.​പി​യു​ടെ നേ​തൃ​ത്വ​ത്തി​ൽ പ്ര​ത്യേ​ക സം​ഘം രൂ​പ​വ​ത്​​ക​രി​ച്ചു. പ്ര​തി​യെ ഉ​ട​ൻ പി​ടി​കൂ​ടു​മെ​ന്നും കേ​സി​ൽ മ​റ്റ് ആ​ളു​ക​ൾ ഉ​ൾ​പ്പെ​ട്ടി​ട്ടു​ണ്ടോ എ​ന്ന്​ അ​ന്വേ​ഷി​ച്ച് വ​രു​ക​യാ​ണെ​ന്നും ജി​ല്ല പൊ​ലീ​സ് മേ​ധാ​വി അ​റി​യി​ച്ചു.