കഞ്ചാവ് വില്‍പന തടഞ്ഞതിന് കൊലപാതകം; പ്രതികള്‍ നസീറിനെ വെട്ടിക്കൊല്ലുന്നത് കണ്ടതായി സാക്ഷികള്‍

തി​രു​വ​ന​ന്ത​പു​രം: ക​രി​മ​ഠം കോ​ള​നി​യി​ലെ ക​ഞ്ചാ​വ് വി​ല്‍പ​ന ത​ട​ഞ്ഞ ന​സീ​റി​നെ പ്ര​തി​ക​ള്‍ വെ​ട്ടി ക്കൊ​ല്ലു​ന്ന​ത് ക​ണ്ട​താ​യി ക​രി​മ​ഠം സ്വ​ദേ​ശി​ക​ളാ​യ ഷി​ബു​വും രാ​ജേ​ഷും കോ​ട​തി​യി​ല്‍ മൊ​ഴി ന​ല്‍കി. കൊ​ല്ല​പ്പെ​ട്ട വാ​ള്‍ ന​സീ​ര്‍ എ​ന്ന ന​സീ​ര്‍ മ​യ​ക്കുമ​രു​ന്ന് വി​ല്‍പ​ന​യെ എ​തി​ർ​ക്കു​ന്ന റെ​സ്റ്റ് ഓ​ഫ് ഇ​ന്ത്യ എ​ന്ന സം​ഘ​ട​ന​യി​ലെ ഭാ​ര​വാ​ഹി​യാ​ണ്.

ന​ഗ​ര​ത്തി​ലെ പ്ര​ധാ​ന മ​യ​ക്കുമ​രു​ന്ന് വി​ല്‍പ​ന​ക്കാ​ര​നും ക​രി​മ​ഠം സ്വ​ദേ​ശി​യു​മാ​യ അ​മാ​നം സ​തി എ​ന്ന സ​തി​യോ​ട് ഇ​നി മ​യ​ക്കുമ​രു​ന്ന്​ ക​ച്ച​വ​ടം ന​ട​ത്തി​യാ​ല്‍ പൊ​ലീ​സി​ൽ വി​വ​രം ന​ല്‍കു​മെ​ന്ന് ന​സീ​ര്‍ പ​റ​ഞ്ഞി​രു​ന്നു.

ഇ​ങ്ങ​നെ പ​റ​ഞ്ഞ് 10 മി​നി​റ്റ് ആ​കു​ന്ന​തി​ന് മു​മ്പ് സ​തി സു​ഹൃ​ത്തു​ക്ക​ളു​മാ​യെ​ത്തി ന​സീ​റി​നെ വെ​ട്ടി​യും കു​ത്തി​യും കൊ​ല​പ്പെ​ടു​ത്തി​യ​താ​യി സാ​ക്ഷി​ക​ള്‍ കോ​ട​തി​യി​ല്‍ മൊ​ഴി ന​ല്‍കി. ആ​റാം അ​ഡീ​ഷ​ന​ല്‍ ജി​ല്ല സെ​ഷ​ന്‍സ് ജ​ഡ്ജി കെ. ​വി​ഷ്ണു​വാ​ണ് കേ​സ് പ​രി​ഗ​ണി​ക്കു​ന്ന​ത്.2006 സെ​പ്റ്റം​ബ​ര്‍ 11ന് ​വൈ​കീ​ട്ട് 5.30ന് ​ക​രി​മ​ഠം കോ​ള​നി​ക്കു​ള്ളി​ലെ കാ​മാ​ക്ഷി അ​മ്മ​ന്‍ ക്ഷേ​ത്ര​ത്തി​ന് മു​ന്നി​ലാ​ണ് പ്ര​തി​ക​ള്‍ ന​സീ​റി​നെ ആ​ക്ര​മി​ച്ച​ത്. മെ​ഡി​ക്ക​ല്‍ കോ​ള​ജി​ലെ തീ​വ്ര​പ​രി​ച​ര​ണ വി​ഭാ​ഗ​ത്തി​ല്‍ ചി​കി​ത്സ​യി​ലാ​യി​രു​ന്ന ന​സീ​ര്‍ 23ാം ദി​വ​സം മ​രി​ച്ചു.

ക​രി​മ​ഠം കോ​ള​നി സ്വ​ദേ​ശി​ക​ളാ​യ ന​സീ​ര്‍, അ​യ്യ​പ്പ​ന്‍, തൊ​ത്തി സെ​യ്ദാ​ലി എ​ന്ന സെ​യ്ദാ​ലി, തൈ​ലം ഷാ​ജി എ​ന്ന ഷാ​ജി, മ​നു, ജ​യ​ന്‍, കാ​റ്റ് ന​വാ​സ് എ​ന്ന ന​വാ​സ് എ​ന്നി​വ​രാ​ണ് മ​റ്റ് പ്ര​തി​ക​ള്‍. ഇ​തി​ല്‍ അ​യ്യ​പ്പ​ന്‍, ഷാ​ജി, മ​നു എ​ന്നി​വ​ര്‍ വി​ചാ​ര​ണ ആ​രം​ഭി​ക്കു​ന്ന​തി​ന് മു​മ്പ് മ​രി​ച്ചു. പ്ര​ധാ​ന പ്ര​തി​യാ​യ സ​തി മ​റ്റൊ​രു മ​യ​ക്കുമ​രു​ന്ന് വി​ല്‍പ​ന കേ​സി​ല്‍ ശി​ക്ഷി​ക്ക​പ്പെ​ട്ട് ജ​യി​ലി​ലാ​ണ്. പ്രോ​സി​ക്യൂ​ഷ​ന് വേ​ണ്ടി അ​ഡീ​ഷ​ന​ല്‍ പ​ബ്ലി​ക് പ്രോ​സി​ക്യൂ​ട്ട​ര്‍ എം. ​സ​ലാ​ഹു​ദ്ദീ​ന്‍ ഹാ​ജ​രാ​യി.