കാപ്പ നിയമം ലംഘിച്ച ഗുണ്ട അറസ്റ്റിൽ

കറ്റാനം: കാപ്പ നിയമം ലംഘിച്ച ഗുണ്ടയെ കുറത്തികാട് പൊലീസ് അറസ്റ്റ് ചെയ്തു. ഭരണിക്കാവ് തെക്ക് മനീഷ് ഭവനത്തിൽ മനീഷാണ് (കാണി -20) പിടിയിലായത്. ലഹരി കടത്ത് ഉൾപ്പെടെ ഒട്ടേറെ ക്രിമിനൽ കേസുകളിൽ പ്രതിയാണെന്ന് പൊലീസ് പറഞ്ഞു.

നവംബർ 19ന് കാപ്പ നിയമപ്രകാരം ജില്ലയിൽനിന്ന് നാടുകടത്തി. ഇത് ലംഘിച്ച് നാട്ടിലെത്തിയ പ്രതിയെ ഭരണിക്കാവ് ജങ്ഷനിൽനിന്ന് കുറത്തികാട് എസ്.ഐ എ. ഷെഫീഖിന്‍റെ നേതൃത്വത്തിൽ പിടികൂടുകയായിരുന്നു