പോസ്റ്റലായെത്തിയ കൂപ്പൺ ചുരണ്ടിയപ്പോൾ 'ബംപർ സമ്മാനം'; ഓൺലൈൻ തട്ടിപ്പിൽ വീട്ടമ്മക്ക് നഷ്ടം 1.27 ലക്ഷം

ത​ല​ശ്ശേ​രി: ഓ​ൺ​ലൈ​ൻ മാ​ർ​ക്ക​റ്റി​ങ് മ​റ​വി​ൽ സ്ത്രീ​യി​ൽനി​ന്നും പ​ണം ത​ട്ടി​യ സം​ഭ​വ​ത്തി​ൽ ന്യൂ​മാ​ഹി പൊ​ലീ​സ് കേ​സെ​ടു​ത്ത് അ​ന്വേ​ഷ​ണ​മാ​രം​ഭി​ച്ചു. പെ​രി​ങ്ങാ​ടി സ്വ​ദേ​ശി​നി ആ​മി​ന​യാ​ണ് പ​രാ​തി​ക്കാ​രി. ന്യൂ ​മാ​ഹി പൊ​ലീ​സ് സൈ​ബ​ർ സെ​ല്ലി​ന്റെ സ​ഹാ​യ​ത്തോ​ടെ ന​ട​ത്തി​യ അ​ന്വേ​ഷ​ണ​ത്തി​ൽ ഓ​ൺ​ലൈ​ൻ ആ​പ് ഹാ​ക്ക് ചെ​യ്ത് ത​ട്ടി​പ്പ് ന​ട​ത്തി​യ ആ​ളെ​ക്കു​റി​ച്ച് പൊ​ലീ​സി​ന് വി​വ​രം ല​ഭി​ച്ചു. 1,27,100 രൂ​പ പ​രാ​തി​ക്കാ​രി​ക്ക് ന​ഷ്ട​പ്പെ​ട്ട​താ​യാ​ണ് വി​വ​രം. വ​ഞ്ച​നാ​ക്കു​റ്റ​ത്തി​നാ​ണ് പൊ​ലീ​സ് കേ​സെ​ടു​ത്ത​ത്. ന്യൂ​മാ​ഹി ഇ​ൻ​സ്പെ​ക്ട​ർ പി.​വി. രാ​ജ​ന്റെ മേ​ൽ​നോ​ട്ട​ത്തി​ൽ പ്രി​ൻ​സി​പ്പ​ൽ എ​സ്.​ഐ മ​ഹേ​ഷ് ക​ണ്ട​മ്പേ​ത്തി​നാ​ണ് അ​ന്വേ​ഷ​ണ ചു​മ​ത​ല.

ഓ​ൺ​ലൈ​ൻ പോർട്ടലി​ലൂ​ടെ ഇ​ട​ക്ക് സാ​ധ​ന​ങ്ങ​ൾ വാ​ങ്ങു​ന്ന​യാ​ളാ​ണ് പ​രാ​തി​ക്കാ​രി. ഇ​വ​രു​ടെ പേ​രി​ൽ ഏ​താ​നും ദി​വ​സം മു​മ്പ് ഒ​രു ര​ജി​സ്ട്രേ​ഡ് ക​വ​ർ വീ​ട്ടി​ലെ​ത്തി. തു​റ​ന്ന് നോ​ക്കി​യ​പ്പോ​ൾ ക​ണ്ട സ്ക്രാ​ച്ച് ആ​ൻ​ഡ് വി​ൻ കൂ​പ്പ​ൺ ചു​ര​ണ്ടി നോ​ക്കി​യ​പ്പോ​ൾ 13, 50,000 രൂ​പ സ​മ്മാ​ന​മു​ണ്ടെ​ന്ന് ക​ണ്ടു. അ​തി​ൽ കാ​ണ​പ്പെ​ട്ട വാ​ട്സ് ആ​പ് ന​മ്പ​റി​ൽ തെ​ളി​വു​ക​ൾ അ​യ​ച്ചു​ന​ൽ​കി​യ​പ്പോ​ൾ മ​റു​പ​ടി മ​റ്റൊ​രു ന​മ്പ​റി​ൽ​നി​ന്ന് വ​ന്നു. ഓ​ൺ​ലൈ​ൻ എ​ക്സി​ക്യൂ​ട്ടി​വാ​ണെ​ന്ന് പ​റ​ഞ്ഞ് പ​രി​ച​യ​പ്പെ​ടു​ത്തി​യാ​ണ് ഫോ​ൺ കോ​ൾ വ​ന്ന​ത്. നി​ങ്ങ​ളു​ടെ കൂ​പ്പ​ൺ വെ​രി​ഫൈ ചെ​യ്യേ​ണ്ട​തു​ണ്ടെ​ന്നാ​യി​രു​ന്നു സ​ന്ദേ​ശം. സ​മ്മാ​ന​മു​ണ്ടെ​ന്ന് കേ​ട്ട സ്ത്രീ​ക്ക് പി​ന്നീ​ട് ഫോ​ൺ സ​ന്ദേ​ശ​ങ്ങ​ൾ വ​ന്നു​കൊ​ണ്ടേ​യി​രു​ന്നു.

ആ​ദ്യം ആ​വ​ശ്യ​പ്പെ​ട്ട​ത് സ​മ്മാ​ന​സം​ഖ്യ​യു​ടെ ഒ​രു ശ​ത​മാ​നം ഉ​ട​ൻ അ​യ​ക്ക​ണ​മെ​ന്നാ​യി​രു​ന്നു. പ​തി​മൂ​ന്ന​ര ല​ക്ഷ​ത്തി​നാ​യി വീ​ട്ട​മ്മ 14,000 മു​ത​ൽ 1,27,100 രൂ​പ​വ​രെ വി​വി​ധ ഗ​ഡു​ക്ക​ളാ​യി അ​യ​ച്ചു​ന​ൽ​കി​യെ​ങ്കി​ലും ചു​ര​ണ്ടി ക​ണ്ടെ​ത്തി​യ സ​മ്മാ​നം മാ​ത്രം വ​ന്നി​ല്ല. വ്യ​ത്യ​സ്ത കാ​ര​ണ​ങ്ങ​ൾ പ​റ​ഞ്ഞ് 1,21,500 രൂ​പ വീ​ണ്ടും ആ​വ​ശ്യ​പ്പെ​ട്ട​പ്പോ​ഴാ​ണ് ഇ​ത് ത​ട്ടി​പ്പാ​ണെ​ന്നും താ​ൻ വ​ഞ്ചി​ക്ക​പ്പെ​ട്ട​താ​യും ഇ​വ​ർ തി​രി​ച്ച​റി​ഞ്ഞ​ത്. തു​ട​ർ​ന്ന് ന്യൂ​മാ​ഹി പൊ​ലീ​സി​ൽ പ​രാ​തി​പ്പെ​ടു​ക​യാ​യി​രു​ന്നു.