അം​ഗ​പ​രി​മി​ത​രെ​യും വയോധികരെയും ലക്ഷ്യമിട്ട്​ തട്ടിപ്പ് സംഘങ്ങൾ

ക​റു​ക​ച്ചാ​ൽ: പ്രാ​യ​മാ​യ​വ​രെ​യും അം​ഗ​പ​രി​മി​ത​രെ​യും ലോ​ട്ട​റി വിൽപനക്കാരെയും ല​ക്ഷ്യ​മാ​ക്കി​യു​മു​ള്ള ത​ട്ടി​പ്പ് പ​തി​വാ​കു​ന്നു. നെ​ടും​കു​ന്നം, ക​റു​ക​ച്ചാ​ൽ മേ​ഖ​ല​യി​ലാ​ണ് ത​ട്ടി​പ്പ് വ്യാ​പ​ക​മാ​യ​ത്. തി​ങ്ക​ഴാ​ഴ്ച നെ​ടും​കു​ന്നം സ്വ​ദേ​ശി​യാ​യ പ​ത്മ​കു​മാ​രി​യു​ടെ (61) ഒ​ന്ന​ര പ​വ​ന്‍റെ മാ​ല​യാ​ണ് ബൈ​ക്കി​ലെ​ത്തി​യ യു​വാ​ക്ക​ൾ ത​ട്ടി​യെ​ടു​ത്ത് മു​ങ്ങി​യ​ത്. സൊ​സൈ​റ്റി​യി​ൽ പാ​ൽ കൊ​ടു​ത്ത ശേ​ഷം വീ​ട്ടി​ലേ​ക്ക് ന​ട​ന്നു​പോ​കു​ക​യാ​യി​രു​ന്ന പ​ത്മ​കു​മാ​രി​യെ പി​ന്തു​ട​ർ​ന്നെ​ത്തി​യ സം​ഘം മാ​ല​യും പൊ​ട്ടി​ച്ചെ​ടു​ത്ത് ക​ട​ന്നു​ക​ള​യു​ക​യാ​യി​രു​ന്നു.

മൂ​ന്നാ​ഴ്ച മു​മ്പാ​ണ് നെ​ടും​കു​ന്നം ക​ന്നാ​ലി​പ്പ​ടി​യി​ൽ മാ​ട​ക്ക​ട ന​ട​ത്തു​ന്ന തെ​ക്കേ​ക്ക​ര പൂ​ണാ​റ്റ് കു​ഞ്ഞു​കു​ട്ട​ന്‍റെ 4000 രൂ​പ വ്യാ​ജ​നോ​ട്ട് ന​ൽ​കി ത​ട്ടി​യെ​ടു​ത്ത​ത്. പ്ര​തി​യെ പി​ന്നീ​ട് കാ​ഞ്ഞി​ര​പ്പ​ള്ളി​യി​ൽ​നി​ന്ന്​ പി​ടി​കൂ​ടി. ക​റു​ക​ച്ചാ​ൽ-​നെ​ടും​കു​ന്നം മേ​ഖ​ല കേ​ന്ദ്രീ​ക​രി​ച്ച് ഇ​ത്ത​ര​ത്തി​ൽ ത​ട്ടി​പ്പ് തു​ട​ങ്ങി​യി​ട്ട് ഏ​റെ​ക്കാ​ല​മാ​യി. ലോ​ട്ട​റി ക​ച്ച​വ​ട​ക്കാ​ർ, പ്രാ​യ​മു​ള്ള വ്യാ​പാ​രി​ക​ൾ, വീ​ട്ട​മ്മ​മാ​ർ തു​ട​ങ്ങി​യ​വ​രാ​ണ് ഇ​ര​യാ​കു​ന്ന​ത്. നി​ര​വ​ധി കേസുകളാ​ണ് ക​റു​ക​ച്ചാ​ൽ പൊ​ലീ​സ് സ്‌​റ്റേ​ഷ​നി​ൽ ക​ഴി​ഞ്ഞ ഏ​താ​നും വ​ർ​ഷ​ങ്ങ​ളാ​യി ര​ജി​സ്റ്റ​ർ ചെ​യ്തി​ട്ടു​ള്ള​ത്.

എ​ന്നാ​ൽ, നാ​മ​മാ​ത്ര​മാ​യ കേ​സു​ക​ളി​ൽ മാ​ത്ര​മാ​ണ് പ്ര​തി​ക​ൾ അ​റ​സ്റ്റി​ലാ​കു​ന്ന​ത്. ലോ​ട്ട​റി​ക്ക​ച്ച​വ​ട​ക്കാ​രാ​ണ് ഏ​റ്റ​വു​മ​ധി​കം ത​ട്ടി​പ്പി​ന് ഇ​ര​യാ​കു​ന്ന​ത്. ടി​ക്ക​റ്റി​ന്‍റെ ന​മ്പ​റു​ക​ൾ തി​രു​ത്തി പ​ണം ത​ട്ടി​യെ​ടു​ക്കു​ക, ലോ​ട്ട​റി ടി​ക്ക​റ്റു​ക​ൾ ത​ട്ടി​യെ​ടു​ത്ത ശേ​ഷം ര​ക്ഷ​പ്പെ​ടു​ക തു​ട​ങ്ങി​യ സം​ഭ​വ​ങ്ങ​ൾ പ​തി​വാ​ണ്. ഒ​രു​മാ​സം മു​മ്പ്​ നെ​ടും​കു​ന്നം മ​ന​ക്ക​ര സ്വ​ദേ​ശി​യാ​യ ലോ​ട്ട​റി ക​ച്ച​വ​ട​ക്കാ​ര​നെ​യും ഇ​ത്ത​ര​ത്തി​ൽ 2000 രൂ​പ​യു​ടെ വ്യാ​ജ​നോ​ട്ട് ന​ൽ​കി ക​ബ​ളി​പ്പി​ച്ചി​രു​ന്നു.

ക​ഴി​ഞ്ഞ​മാ​സം ചാ​മം​പ​താ​ലി​ലും ടി​ക്ക​റ്റി​ന്‍റെ ന​മ്പ​റു​ക​ൾ തി​രു​ത്തി ലോ​ട്ട​റി ക​ച്ച​വ​ട​ക്കാ​ര​നി​ൽ​നി​ന്ന്​ 5000 രൂ​പ ത​ട്ടി​യെ​ടു​ത്തി​രു​ന്നു. നെ​ത്ത​ല്ലൂ​രി​ലും മാ​ന്തു​രു​ത്തി​യി​ലും പ്രാ​യ​മു​ള്ള ലോ​ട്ട​റി വി​ൽ​പ​ന​ക്കാ​രി​ൽ​നി​ന്ന്​ ടി​ക്ക​റ്റു​ക​ൾ ത​ട്ടി​യെ​ടു​ത്ത സം​ഭ​വു​ണ്ടാ​യി.

സ​മീ​പ​കാ​ല​ത്താ​ണ് മാ​ണി​കു​ള​ത്തി​ന് സ​മീ​പം റോ​ഡ​രി​ൽ ലോ​ട്ട​റി വി​ൽ​ക്കു​ന്ന ഭി​ന്ന​ശേ​ഷി​ക്കാ​ര​നാ​യ യു​വാ​വി​ന്‍റെ ലോ​ട്ട​റി​യും പ​ണ​വു​മ​ട​ങ്ങി​യ ബാ​ഗ് ത​ട്ടി​യെ​ടു​ത്ത​ത്. ര​ണ്ടാ​ഴ്ച മു​മ്പ്​ ക​റു​ക​ച്ചാ​ൽ ഗു​രു​മ​ന്ദി​ര​ത്തി​ന് സ​മീ​പം നാ​ര​ങ്ങ ക​ച്ച​വ​ടം ന​ട​ത്തു​ന്ന വ്യാ​പാ​രി​യു​ടെ 18,000 രൂ​പ ക​ട അ​ട​ക്കു​ന്ന​തി​നി​ടെ ത​ട്ടി​യെ​ടു​ത്തി​രു​ന്നു. പ​രാ​തി ന​ൽ​കി​യി​ട്ടും പ്ര​തി​യെ ക​ണ്ടെ​ത്തി​യി​ട്ടി​ല്ല.