മദ്യപിച്ച് തെരുവിൽ ഏറ്റുമുട്ടി; നാല് യുവാക്കൾ അറസ്റ്റിൽ

മംഗളൂരു: മണിപ്പാൽ ഈശ്വർ നഗറിലെ ബാർ റസ്റ്റാറന്റിന് സമീപം തെരുവിൽ ഏറ്റുമുട്ടി ഭീകരാന്തരീക്ഷം സൃഷ്ടിച്ച നാല് യുവാക്കളെ പൊലീസ് അറസ്റ്റ് ചെയ്തു. എം. അമർ ഷെട്ടി (34), ചന്ദൻ സി. സാലിയൻ (31), കെ. ധനുഷ് (30), സി. അജയ് (33) എന്നിവരാണ് അറസ്റ്റിലായത്. നിസ്സാര പ്രശ്നത്തെച്ചൊല്ലിയുണ്ടായ തർക്കം ഏറ്റുമുട്ടലിൽ കലാശിക്കുകയായിരുന്നുവെന്ന് പൊലീസ് പറഞ്ഞു. സംഭവത്തിന്റെ വിഡിയോ സമൂഹ മാധ്യമങ്ങളിൽ വൈറലായി.