വ്യാജ ആദായ നികുതി ഓഫിസർ ചമഞ്ഞ നാലുപേർ അറസ്റ്റിൽ

വീ​രാ​ജ്പേ​ട്ട: കു​ശാ​ൽ ന​ഗ​റി​ന​ടു​ത്ത ഗു​മ്മ​ന​ക്കൊ​ല്ലി​യി​ൽ വ്യാ​ജ ആ​ദാ​യ നി​കു​തി ഒ​ഫി​സ​ർ ച​മ​ഞ്ഞ യു​വ​തി​ക​ള​ട​ക്കം നാ​ലു​പേ​ർ അ​റ​സ്റ്റി​ൽ. ആ​ദാ​യ നി​കു​തി ഒ​ഫി​സ​ർ​മാ​രെ​ന്നു പ​റ​ഞ്ഞ് സ്ഥ​ല​ത്തെ ഡോ. ​പ്ര​വീ​ൺ എ​ന്ന​യാ​ളു​ടെ വീ​ട്ടി​ൽ റെ​യ്ഡ് ന​ട​ത്തി​യ നാ​ലുപേ​രെ​യാ​ണ് കു​ശാ​ൽ ന​ഗ​ർ പൊ​ലീ​സ് അ​റ​സ്റ്റ് ചെ​യ്ത​ത്. വി​രാ​ജ്പേ​ട്ട​ക്ക​ടു​ത്ത ബി​ട്ട​ങ്കാ​ല​യി​ലെ ടീ​ന ന​ഞ്ച​പ്പ (37), ബേ​ത്തു​വി​ലെ കാ​ര്യ​പ്പ, പൊ​ന്നം പേ​ട്ട​യി​ലെ നീ​താ മി​ളി​ന്(45), ദേ​വ​ന​ഹ​ള്ളി​യി​ലെ ഹ​രീ​ഷ്(33) എ​ന്നി​വ​രാ​ണ് അ​ റ​സ്റ്റി​ലാ​യ​ത്. ഇ​ന്നോ​വ കാ​റി​ൽ ഗു​മ്മ​ന​ക്കൊ​ല്ലി​യി​ലു​ള്ള ഡോ​ക്ട​റു​ടെ വീ​ട്ടി​ലെ​ത്തി​യ സം​ഘം ഇ​ൻ​കം ടാ​ക്സ്‌ ഓ​ഫി​സ​ർ​മാ​രാ​ണെ​ന്നും താ​ങ്ക​ളു​ടെ വീ​ട്ടി​ലേ​ക്ക് ക​ഴി​ഞ്ഞ ദി​വ​സം ആം​ബു​ല​ൻ​സി​ൽ ഇ​രു​നൂ​റ് കോ​ടി രൂ​പ കൊ​ണ്ടു വ​ന്നി​ട്ടു​ണ്ടെ​ന്നും പ​രി​ശോ​ധ​ന ന​ട​ത്ത​ണ​മെ​ന്നു​മാ​ണ് ഇ​വ​ർ പ​റ​ഞ്ഞ​ത്.

ഒ​രു മ​ണി​ക്കൂ​റോ​ളം വീ​ട്ടി​ൽ തി​ര​ച്ചി​ൽ ന​ട​ത്തി. ഒ​ന്നും കി​ട്ടാ​തെ വ​ന്ന​പ്പോ​ൾ പ​ണ​ത്തെ​ക്കു​റി​ച്ച് എ​ല്ലാ രേ​ഖ​ക​ളും താ​ങ്ക​ളു​ടെ പ​ക്ക​ൽ ഉ​ണ്ടെ​ന്നും ഒ​രാ​ഴ്ച​ക്ക​കം ബം​ഗ​ളൂ​രു​വി​ലു​ള്ള ഓ​ഫി​സി​ൽ വ​ന്ന് കാ​ണ​ണ​മെ​ന്നും പ​റ​ഞ്ഞു മ​ട​ങ്ങു​ക​യാ​യി​രു​ന്നു​വ​ത്രെ. സം​ശ​യം തോ​ന്നി​യ ഡോ​ക്ട​ർ ര​ണ്ടു ദി​വ​സം ക​ഴി​ഞ്ഞ് കു​ശാ​ൽ ന​ഗ​ർ പൊ​ലീ​സി​ൽ പ​രാ​തി​പ്പെ​ടു​ക​യാ​യി​രു​ന്നു. ബാം​ഗ​ളൂ​രുവിലു​ള്ള ഇ​ൻ​കം​ടാ​ക്സ് അ​ധി​കൃ​ത​രു​മാ​യി ബ​ന്ധ​പ്പെ​ട്ട​പ്പോ​ഴാ​ണ് ഇ​ത് വ്യാ​ജ തി​ര​ച്ചി​ൽ ആ​യി​രു​ന്നു​വെ​ന്ന് പൊ​ലീ​സി​ന് മ​ന​സ്സി​ലാ​യ​ത്. ഇ​വ​രെക്കു​റി​ച്ച് അ​ന്വേ​ഷ​ണം ആ​രം​ഭി​ച്ച ജി​ല്ല ക്രൈം​ബ്രാ​ഞ്ച് ബൈ​ല കൊ​പ്പ​യി​ലെ റി​സോ​ർ​ട്ടി​ൽ​വെ​ച്ച് നാ​ലുപേ​രെ​യും പി​ടി​കൂ​ടു​ക​യാ​യി​രു​ന്നു.