വിദേശ യുവതിയെ കൊലപ്പെടുത്തിയ കേസ്: വിചാരണ ഇന്ന് തുടങ്ങും

തി​രു​വ​ന​ന്ത​പു​രം: കോ​വ​ള​ത്ത് ലാ​ത്വി​യ സ്വ​ദേ​ശി​നി​യെ കൊ​ല​പ്പെ​ടു​ത്തി​യ കേ​സി​ന്‍റെ വി​ചാ​ര​ണ ന​ട​പ​ടി​ക​ൾ ബു​ധ​നാ​ഴ്ച ആ​രം​ഭി​ക്കും. പ്ര​ദേ​ശ​വാ​സി​ക​ളാ​യ ഉ​ദ​യ​ൻ, ഉ​മേ​ഷ് എ​ന്നി​വ​രാ​ണ് പ്ര​തി​ക​ൾ. 2019 ജൂ​ൺ 22ന് ​കു​റ്റ​പ​ത്രം സ​മ​ർ​പ്പി​ച്ചെ​ങ്കി​ലും വി​ചാ​ര​ണ ആ​രം​ഭി​ച്ചി​ല്ല. യു​വ​തി​യു​ടെ കു​ടും​ബാം​ഗ​ങ്ങ​ൾ ഹൈ​കോ​ട​തി​യെ സ​മീ​പി​ച്ച​തി​നെ തു​ട​ർ​ന്നാ​ണ് വി​ചാ​ര​ണ ന​ട​പ​ടി​ക​ൾ ആ​രം​ഭി​ക്കു​ന്ന​ത്. കൊ​ല്ല​പ്പെ​ട്ട യു​വ​തി​യു​ടെ സ​ഹോ​ദ​രി​യെ അ​ട​ക്കം 104 സാ​ക്ഷി​ക​ളെ വി​സ്‌​ത​രി​ക്കും. തി​രു​വ​ന​ന്ത​പു​രം പ്രി​ൻ​സി​പ്പ​ൽ സെ​ഷ​ൻ​സ് കോ​ട​തി​യാ​ണ് വി​ചാ​ര​ണ പ​രി​ഗ​ണി​ക്കു​ന്ന​ത്.

2018 മാ​ർ​ച്ച്​ 14 നാ​ണ്​ സ​ഹോ​ദ​രി​ക്കൊ​പ്പം യു​വ​തി കേ​ര​ള​ത്തി​ൽ ചി​കി​ത്സ​ക്കെ​ത്തി​യ​ത്. കോ​വ​ള​ത്തെ​ത്തി​യ യു​വ​തി​യെ ടൂ​റി​സ്റ്റ് ഗൈ​ഡെ​ന്ന വ്യ​ജേ​ന പ്ര​തി​ക​ൾ സ​മീ​പി​ച്ചു. ബോ​ട്ടി​ങ് ന​ട​ത്താ​മെ​ന്ന പേ​രി​ൽ വ​ള്ള​ത്തി​ൽ കു​റ്റി​ക്കാ​ട്ടി​ലെ​ത്തി​ച്ചു. അ​വി​ടെ​വെ​ച്ച്​ ലൈം​ഗി​ക​മാ​യി പീ​ഡി​പ്പി​ച്ച്​ കൊ​ന്ന​ശേ​ഷം മൃ​ത​ദേ​ഹം പൊ​ന്ത​ക്കാ​ട്ടി​ൽ ത​ള്ളി. വി​ദേ​ശ വ​നി​ത​യു​ടെ മൃ​ത​ദേ​ഹം തേ​ടി​യു​ള്ള തി​ര​ച്ചി​ലി​ലും പ്ര​തി​ക​ൾ പ​ങ്കാ​ളി​ക​ളാ​യി.

ദി​വ​സ​ങ്ങ​ൾ നീ​ണ്ട ചോ​ദ്യം ചെ​യ്യ​ലി​നു​ശേ​ഷ​മാ​ണ് യു​വ​തി​യു​ടെ ശ​രീ​രം ക​ണ്ട​ൽ കാ​ട്ടി​ലു​ണ്ടെ​ന്ന് പ്ര​തി​ക​ൾ അ​റി​യി​ച്ച​ത്. ഇ​തി​നി​ടെ, കേ​സി​ൽ സി.​ബി.​ഐ അ​ന്വേ​ഷ​ണ​മാ​വ​ശ്യ​പ്പെ​ട്ട് സു​ഹൃ​ത്ത്​ ഹൈ​കോ​ട​തി​യെ സ​മീ​പി​ച്ചെ​ങ്കി​ലും ഹ​ര​ജി ത​ള്ളി. കേ​സി​ലെ സാ​ക്ഷി​ക്കു​നേ​രെ ഭീ​ഷ​ണി​യു​യ​ർ​ന്ന​ത്​ അ​ടു​ത്തി​ടെ വാ​ർ​ത്ത​പ്രാ​ധാ​ന്യം നേ​ടി​യി​രു​ന്നു.