വിദേശജോലി തട്ടിപ്പ്: ഒരാൾ അറസ്റ്റിൽ

അടിമാലി: വിദേശത്ത് ജോലി വാഗ്ദാനം നൽകി യുവാവിനെ കബളിപ്പിച്ച് 13 ലക്ഷം രൂപ തട്ടിയെടുത്തയാൾ അറസ്റ്റിൽ. തിരുവനന്തപുരം നേമം സ്വദേശി റോജറിനെയാണ് (40) അടിമാലി പൊലീസ് അറസ്റ്റ് ചെയ്തത്. അടിമാലി മന്നാങ്കാല സ്വദേശി ലിനു പി. ജോസഫിന്‍റെ പരാതിയിലാണ് നടപടി.

ന്യൂസിലാന്‍റിലേക്ക് വിസ തരപ്പെടുത്താമെന്ന് പറഞ്ഞ് തട്ടിപ്പ് നടത്തിയ റോജർ പിന്നീട് മുങ്ങുകയായിരുന്നു. സമാനമായ നിരവധി തട്ടിപ്പുകൾ ഇയാൾ നടത്തിയതായി പരാതിയുണ്ട്.