പോക്സോ കേസിൽ അഞ്ച് വർഷം കഠിനതടവ്

തൃശൂര്‍: പോക്സോ കേസിൽ മധ്യവയസ്കനെ അഞ്ച് വർഷം കഠിനതടവിന് കോടതി ശിക്ഷിച്ചു. ചെമ്പൂക്കാവ് സ്വദേശി ജോസഫ് തെക്കൂടനെയാണ് തൃശൂർ അസി. സെഷൻസ് പോക്സോ കോടതി ശിക്ഷിച്ചത്.

നഗരത്തിലെ ഹൈറോഡില്‍ കളിപ്പാട്ട കട നടത്തുകയാണ് പ്രതി. ഈ കടയിൽ വന്ന ബാലികയോടാണ് ഇയാള്‍ ലൈംഗിക അതിക്രമം നടത്തിയത്. പ്രതിയെ അഞ്ച് വർഷം കഠിന തടവിനും 35,000 രൂപ പിഴയടക്കാനുമാണ് കോടതി ശിക്ഷിച്ചത്. നിലവിൽ മറ്റൊരു കേസിൽ റിമാൻഡിൽ കഴിഞ്ഞു വരികയാണ് ഇയാൾ.