ഫിറ്റ്നസ് സെന്റർ ആക്രമണം: സി.പി.എം പ്രാദേശിക നേതാവ് ഉൾപ്പെടെയുള്ള പ്രതികൾ അറസ്റ്റിൽ

കാ​ക്ക​നാ​ട്: ഫി​റ്റ്ന​സ് സെ​ന്റ​ർ ആ​ക്ര​മി​ക്കു​ക​യും ക​വ​ർ​ച്ച ന​ട​ത്തു​ക​യും ചെ​യ്ത സം​ഭ​വ​ത്തി​ലെ പ്ര​തി​ക​ൾ അ​റ​സ്റ്റി​ൽ. ച​ങ്ങ​നാ​ശ്ശേ​രി പെ​രു​ന്ന വ​ലി​യ മാ​ളി​ക​പ്പു​റ​ത്ത് വീ​ട്ടി​ൽ ബി​ജു​മോ​ൻ വ​ർ​ഗീ​സ് (42), കാ​ക്ക​നാ​ടി​ന് സ​മീ​പം പ​ട​മു​ക​ൾ ഓ​ലി​ക്കു​ഴി വീ​ട്ടി​ൽ സ​ലാ​ഹു​ദ്ദീ​ൻ (32) എ​ന്നി​വ​രെ​യാ​ണ് ഇ​ൻ​ഫോ​പാ​ർ​ക്ക് പൊ​ലീ​സ് പി​ടി​കൂ​ടി​യ​ത്.

കേ​സി​ൽ ര​ണ്ടാം പ്ര​തി​യാ​യ സ​ലാ​ഹു​ദ്ദീ​ൻ സി.​പി.​എം തൃ​ക്കാ​ക്ക​ര വെ​സ്റ്റ് ലോ​ക്ക​ൽ ക​മ്മി​റ്റി അം​ഗ​മാ​ണ്. കാ​ക്ക​നാ​ട് ജി​ല്ല ജ​യി​ലി​ന് സ​മീ​പം പ്ര​വ​ർ​ത്തി​ക്കു​ന്ന ബ്രൗ​ണി ബ്രൂ​ട്ട് എ​ന്ന സ്ഥാ​പ​ന​ത്തി​ൽ സാ​മ്പ​ത്തി​ക ഇ​ട​പാ​ടി​ന്റെ പേ​രി​ൽ അ​തി​ക്ര​മി​ച്ചു​ക​യ​റി ക​വ​ർ​ച്ച ചെ​യ്യു​ക​യും ജീ​വ​ന​ക്കാ​രെ ദേ​ഹോ​പ​ദ്ര​വും ഏ​ൽ​പി​ക്കു​ക​യും ചെ​യ്ത കേ​സി​ലാ​ണ് അ​റ​സ്റ്റ്. സ്ഥാ​പ​ന ഉ​ട​മ പാ​ല​ക്കാ​ട് സ്വ​ദേ​ശി എ​സ്. സു​ധീ​ഷി​ന്റെ പ​രാ​തി​യി​ലാ​ണ് ന​ട​പ​ടി.

ക​ഴി​ഞ്ഞ ക്രി​സ്മ​സ് ദി​ന​ത്തി​ലാ​യി​രു​ന്നു സം​ഭ​വം. രാ​ത്രി 11.30ഓ​ടെ നാ​ൽ​പ​തോ​ളം ആ​ളു​ക​ൾ സ്ഥാ​പ​ന​ത്തി​ലെ​ത്തു​ക​യും ഉ​ട​മ​ക​ളെ​യും ജീ​വ​ന​ക്കാ​രെ​യും മാ​ര​കാ​യു​ധ​ങ്ങ​ളു​പ​യോ​ഗി​ച്ച് ദേ​ഹോ​പ​ദ്ര​വം ഏ​ൽ​പി​ക്കു​ക​യും ഭീ​ഷ​ണി​പ്പെ​ടു​ത്തി ചെ​ക്ക് ഒ​പ്പി​ട്ടു​വാ​ങ്ങു​ക​യും ക​വ​ർ​ച്ച ന​ട​ത്തു​ക​യു​മാ​യി​രു​ന്നു.എം.​ഡി.​എം.​എ ആ​ണെ​ന്ന് പ​റ​യി​പ്പി​ക്കാ​ൻ ഉ​പ്പ് വി​ത​റി​യും ഗ​ർ​ഭ​നി​രോ​ധ​ന ഉ​റ​ക​ൾ, സി​റി​ഞ്ചു​ക​ൾ തു​ട​ങ്ങി​യ​വ നി​ര​ത്തി​വെ​ച്ച് മ​യ​ക്കു​മ​രു​ന്ന് ക​ച്ച​വ​ട​ക്കാ​ര​നാ​ണെ​ന്ന രീ​തി​യി​ൽ വി​ഡി​യോ എ​ടു​ത്തെ​ന്നും പ​രാ​തി​യി​ലു​ണ്ടാ​യി​രു​ന്നു.

പ്ര​തി​ക​ൾ വൈ​റ്റി​ല ഭാ​ഗ​ത്ത് ഉ​ണ്ടെ​ന്ന് വി​വ​രം ല​ഭി​ച്ച ഇ​ൻ​ഫോ​പാ​ർ​ക്ക് സി.​ഐ വി​ബി​ൻ​ദാ​സി​ന്റെ നേ​തൃ​ത്വ​ത്തി​ലു​ള്ള സം​ഘ​മാ​ണ് ഇ​രു​വ​രെ​യും അ​റ​സ്റ്റ് ചെ​യ്ത​ത്. എ​സ്.​ഐ ശ്രീ​ജി​ത്, സീ​നി​യ​ർ സി​വി​ൽ പൊ​ലീ​സ് ഓ​ഫി​സ​ർ മു​ര​ളീ​ധ​ര​ൻ, സി​വി​ൽ പൊ​ലീ​സ് ഓ​ഫി​സ​ർ ജ​യ​കു​മാ​ർ എ​ന്നി​വ​രും സം​ഘ​ത്തി​ലു​ണ്ടാ​യി​രു​ന്നു. കാ​ക്കാ​നാ​ട് ഒ​ന്നാം ക്ലാ​സ് ജു​ഡീ​ഷ്യ​ൽ മ​ജി​സ്ട്രേ​റ്റ് കോ​ട​തി​ൽ ഹാ​ജ​രാ​ക്കി​യ ഇ​രു​വ​രെ​യും 15 ദി​വ​സ​ത്തേ​ക്ക് റി​മാ​ൻ​ഡ്​ ചെ​യ്തു.

കേ​സി​ലെ പ്ര​തി​ക​ളാ​യ ക​ള​മ​ശ്ശേ​രി സ്വ​ദേ​ശി ഷ​ഫീ​ക്ക​ലി, ഷാ​ഹു​ൽ ഹ​മീ​ദ്, സ​നൂ​പ്, ആ​ഷി​ക്, ഒ​ലി​മു​ക​ൾ സ്വ​ദേ​ശി അ​ഷ്ക​ർ, ആ​ലു​വ സ്വ​ദേ​ശി​യാ​യ സു​നീ​ർ എ​ന്നി​വ​രെ നേ​ര​ത്തേ അ​റ​സ്റ്റ് ചെ​യ്തി​രു​ന്നു. ഒ​ളി​വി​ലു​ള്ള മ​റ്റു പ്ര​തി​ക​ൾ​ക്കാ​യി തി​ര​ച്ചി​ൽ ഊ​ർ​ജി​ത​മാ​ക്കി​യെ​ന്ന്​ ഇ​ൻ​സ്പെ​ക്ട​ർ വി​പി​ൻ​ദാ​സ് അ​റി​യി​ച്ചു.