Begin typing your search above and press return to search.
exit_to_app
exit_to_app
Police
cancel
Homechevron_rightNewschevron_rightCrimechevron_rightഅന്യജാതിക്കാരനെ വിവാഹം...

അന്യജാതിക്കാരനെ വിവാഹം കഴിച്ചതിൽ വി​േരാധം; ഏഴുമാസത്തിന്​ശേഷം​ ഗർഭിണിയായ മകളെ പിതാവ്​ കഴുത്തറുത്ത്​ കൊന്നു

text_fields
bookmark_border

റാഞ്ചി: ഝാർഖണ്ഡിൽ അന്യജാതിക്കാ​രനെ പ്രണയിച്ച്​ വിവാഹം കഴിച്ചതിന്​ ഗർഭിണിയായ മകളുടെ കഴുത്തറുത്ത്​ കൊന്ന്​ പിതാവ്​. ധാൻബാദിലാണ്​ സംഭവം.

ഭൂമി കാണിച്ചു തരാമെന്ന വ്യാജേന മകളെയും ഭാര്യയെയും കൂട്ടി വിജനമായ സ്​ഥലത്തെത്തുകയും കൊല​െപ്പടുത്തുകയുമായിരുന്നു. കൊലപാതകത്തിന്​ ശേഷം പ്രതി സംഭവ സ്​ഥലത്തുനിന്ന്​ കടന്നുകളഞ്ഞു. 20കാരിയായ ഖുഷ്​ബൂ കുമാരിയാണ്​ കൊല്ലപ്പെട്ടത്​.

ബുധനാഴ്ച വൈകിട്ട്​ ആറുമണിയോടെയാണ്​ സംഭവം. പ്രതി രാം പ്രസാദ്​ ഭാര്യയെയും ഖുഷ്​ബൂവിനെയും കൃഷിസ്​ഥലം കാണിക്കാനെന്ന വ്യാജേന ഒാ​ട്ടോറിക്ഷയിൽ കൂട്ടി ജാരിയയിൽനിന്ന്​ ഗോവിന്ദ്​പുർ നവതന്ദിയിലെത്തിക്കുകയായിരുന്നു.

കൃഷിസ്​ഥലം കണ്ടുകൊണ്ട്​ നടക്കുന്നതിനിടെ രാം പ്രസാദ്​ ഖുഷ്​ബൂവിന്‍റെ കഴുത്തിൽ മൂർച്ഛയുള്ള ആയുധം ഉപയോഗിച്ച്​ നിരവധി തവണ കുത്തി. മകളുടെ കഴുത്തിൽനിന്ന്​ രക്തം വന്നതോടെ സഹായത്തിനായി മാതാവ്​ ഉച്ചത്തിൽ കരയാൻ തുടങ്ങി. ഇതോടെ രാം പ്രസാദ്​ ഒാടി​രക്ഷപ്പെടുകയായിരുന്നു. മകൾ രക്തത്തിൽ കുളിച്ച്​ കിടക്കുന്നത്​ കണ്ടതോടെ മാതാവ്​ കുഴഞ്ഞുവീണു. പിന്നീട്​, നാട്ടുകാർ വിവരം അറിയിച്ചതിനെ തുടർന്ന്​, പൊലീസ്​ സ്​ഥലത്തെത്തുകയും പെൺകുട്ടിയെയും മാതാവിനെയും ആശുപത്രിയി​ലെത്തിക്കുകയുമായിരുന്നു.

പെൺകുട്ടിയുടെ മാതാവിന്‍റെ പരാതിയിൽ പൊലീസ്​ കേസെടുത്തു. ആറുമാസം മുമ്പ്​ ഖുഷ്​ബൂ അന്യജാതിക്കാരനെ വിവാഹം കഴിച്ചതിൽ രാം പ്രസാദിന്​ എതിർപ്പുണ്ടായിരുന്നതായി മാതാവ്​ മൊഴി നൽകി. പ്രതിക്കെതിരെ ലുക്ക്​ ഔട്ട്​ നോട്ടീസ്​ പുറപ്പെടുവിച്ചതായി ജാരിയ പൊലീസ്​ സ്​റ്റേഷൻ ഒാഫിസർ ഇൻ ചാർജ്​ പങ്കജ്​ കുമാർ ഝാ പറഞ്ഞു.

Show Full Article
TAGS:Murder honour killing 
News Summary - Father slits pregnant daughter’s throat for marrying outside caste
Next Story