Begin typing your search above and press return to search.
exit_to_app
exit_to_app
Homechevron_rightNewschevron_rightCrimechevron_rightഫാത്തിമ ലത്തീഫ്​...

ഫാത്തിമ ലത്തീഫ്​ മരിച്ചിട്ട് രണ്ട് വർഷം; സി.ബി.ഐ അന്വേഷണം എങ്ങുമെത്തിയില്ലെന്ന് പിതാവ്

text_fields
bookmark_border
ഫാത്തിമ ലത്തീഫ്​ മരിച്ചിട്ട് രണ്ട് വർഷം; സി.ബി.ഐ അന്വേഷണം എങ്ങുമെത്തിയില്ലെന്ന് പിതാവ്
cancel

കൊല്ലം: മദ്രാസ് ഐ.ഐ.ടി വിദ്യാർത്ഥി ഫാത്തിമ ലത്തീഫ് ദുരൂഹ സാഹചര്യത്തിൽ മരണപ്പെട്ട കേസിന്‍റെ അന്വേഷണത്തിൽ ഒരു പുരോഗതിയുമില്ലെന്ന് പിതാവ് അബ്ദുൽ ലത്തീഫ്. ഫാത്തിമ മരിച്ചിട്ട് രണ്ട് വർഷം തികയുകയാണ്. അന്വേഷണവുമായി ബന്ധപ്പെട്ട്​ ഒരു വിവരവും അറിയുന്നില്ല. എട്ട്​ മാസം മുമ്പ്​ സി.ബി.ഐ സംഘം വീട്ടിൽ വന്ന് പോയതല്ലാതെ മറ്റൊരു വിവരവുമില്ലെന്നും പിതാവ്​ പറഞ്ഞു.

മൂന്ന് മാസം മുമ്പ്​ മകളുടെ ഒരു പ്രൊഫസർ രാജിവെച്ചിരുന്നു. രാജിക്കത്തിൽ ഫാത്തിമയുടെ പേര് പ്രതിപാദിക്കുകയും ചെയ്തിരുന്നുവെന്നും പിതാവ്​ പറഞ്ഞു.മകൾക്ക്​ നീതി ലഭിക്കാനായി കേരള മുഖ്യമന്ത്രി, ഗവർണർ, തമിഴ്‌നാട് മുഖ്യമന്ത്രി, പ്രധാനമന്ത്രി തുടങ്ങിയവരെ നേരിൽ കാണുമെന്നും എം.കെ സ്റ്റാലിനെ കാണാൻ അനുമതി ലഭിച്ചിട്ടുണ്ടെന്നും ലത്തീഫ്​ പറഞ്ഞു.

മകളുടെ മരണത്തിൽ ആരോപണ വിധേയരായ അധ്യാപകർ ഇപ്പോഴും കാമ്പസിലുണ്ട്​. പക്ഷെ അന്വേഷണം എങ്ങുമെത്തിയില്ലെന്ന​ും പിതാവ്​ പറയുന്നു.2019 നവംബർ ഒമ്പതിന് രാവിലെയാണ് ഫാത്തിമയെ ഹോസ്​റ്റൽ മുറിയിൽ മരിച്ചനിലയിൽ കണ്ടെത്തിയത്. മരണകാരണം ഐ.ഐ.ടിയിലെ ഒരു പ്രഫസറാണെന്ന് വ്യക്തമാക്കുന്ന കുറിപ്പ് ഫാത്തിമയുടെ ഫോണിൽനിന്ന് ലഭിച്ചിരുന്നു. കൂടുതൽ വിവരങ്ങൾ ഫോണിലുണ്ടെന്നും കുറിപ്പിലുണ്ടായിരുന്നു. പരീക്ഷക്ക്​ മാർക്ക് കുറഞ്ഞതിലെ മനോവിഷമമാണ് ആത്മഹത്യയുടെ കാരണമെന്നായിരുന്നു ഐ.ഐ.ടി ആഭ്യന്തര അന്വേഷണ റിപ്പോർട്ട്.

പൊലീസ് അന്വേഷണവും ഇതേവഴിക്ക് നീങ്ങിയതോടെയാണ് ബന്ധുക്കൾ സി.ബി.ഐ അന്വേഷണം ആവശ്യപ്പെട്ടത്. നവംബർ അവസാനമാണ്​ കേസ് സി.ബി.ഐക്ക് കൈമാറിയത്​.

Show Full Article
TAGS:fathima latheef CBI 
News Summary - Father says CBI probe into fathima latheef death is nowhere to be found
Next Story