വൈരാഗ്യം; ജ്യേഷ്​ഠൻ മാ​താ​വി​നെ കൊ​ല​പ്പെ​ടു​ത്തി​യെ​ന്ന്​ വ്യാ​ജ സ​ന്ദേ​ശം

കോ​വ​ളം: ജ്യേ​ഷ്​​ഠ​നോ​ടു​ള്ള വൈ​രാ​ഗ്യം തീ​ർ​ക്കാ​ൻ യു​വാ​വ്​ ന​ട​ത്തി​യ ക​ടും​കൈ പ്ര​യോ​ഗം പൊ​ലീ​സി​ന് ത​ല​വേ​ദ​ന​യാ​യി. മാ​താ​വി​നെ സ​ഹോ​ദ​ര​ൻ കൊ​ല​പ്പെ​ടു​ത്തി​യെ​ന്ന വ്യാ​ജ സ​ന്ദേ​ശ​മാ​ണ് വി​ഴി​ഞ്ഞം പൊ​ലീ​സി​നെ വ​ട്ടം​ചു​റ്റി​ച്ച​ത്.

വി​ഴി​ഞ്ഞം ചൊ​വ്വ​ര പ​ന​നി​ന്ന വ​ട​ക്ക​തി​ൽ വീ​ട്ടി​ൽ ജോ​സ് എ​ന്ന അ​ജി​കു​മാ​ർ ആ​ണ് (51) സ​ഹോ​ദ​ര​നെ കു​ടു​ക്കി​ലാ​ക്കാ​ൻ ക​ൺ​ട്രോ​ൾ റൂ​മി​ലേ​ക്ക്​ വ്യാ​ജ സ​ന്ദേ​ശം വി​ളി​ച്ച​റി​യി​ച്ച​ത്. തു​ട​ർ​ന്ന് മൊ​ബൈ​ൽ ഫോ​ൺ​സ്വി​ച്ച് ഓ​ഫാ​ക്കി സിം ​കാ​ർ​ഡ് ഊ​രി ഷ​ർ​ട്ടി​ന്റെ മ​ട​ക്കി​ൽ ഒ​ളി​പ്പി​ച്ച് വി​വ​രം ന​ൽ​കി​യ​യാ​ൾ മു​ങ്ങി. ഉ​ന്ന​ത​ങ്ങ​ളി​ൽ​നി​ന്ന് കൊ​ല​പാ​ത​ക സ​ന്ദേ​ശം ല​ഭി​ച്ച​തോ​ടെ ഉ​റ​വി​ടം തേ​ടി വി​ഴി​ഞ്ഞം പൊ​ലീ​സ് നെ​ട്ടോ​ട്ട​മോ​ടി. മ​ണി​ക്കൂ​റു​ക​ൾ നീ​ണ്ട അ​ല​ച്ചി​ലി​നൊ​ടു​വി​ൽ സ​ന്ദേ​ശ​മ​യ​ച്ച​യാ​ളി​നെ പി​ടി​കൂ​ടി​യ​തോ​ടെ​യാ​ണ് കൊ​ല​പാ​ത​ക നാ​ട​ക​ത്തി​ന് തി​ര​ശ്ശീ​ല വീ​ണ​ത്. മ​ദ്യ​പാ​ന​ത്തി​ന്റെ പേ​രി​ൽ സ​ഹോ​ദ​ര​നു​മാ​യി പി​ണ​ങ്ങി​യ അ​ജി​കു​മാ​ർ ശ​നി​യാ​ഴ്​​ച രാ​വി​ലെ​യാ​ണ് സ​ഹോ​ദ​ര​ൻ മാ​താ​വ് ബേ​ബി​യെ കൊ​ല​പ്പെ​ടു​ത്തി വീ​ട്ടി​ൽ ത​ള്ളി​യ​താ​യി പോ​ലീ​സ് ഹെ​ഡ്ക്വാ​ർ​ട്ടേ​ഴ്സ് ക​ൺ​ട്രോ​ൾ റൂം ​ന​മ്പ​റാ​യ 112-ൽ ​അ​റി​യി​ച്ച​ത്.

ചൊ​വ്വ​ര ക്ഷേ​ത്ര​ത്തി​നു സ​മീ​പ​മാ​ണ് സം​ഭ​വ​മെ​ന്നും പ​റ​ഞ്ഞു. തു​ട​ർ​ന്ന് മൊ​ബൈ​ൽ ഫോ​ണും സ്വി​ച്ച് ഓ​ഫാ​യ​തോ​ടെ ദു​രൂ​ഹ​ത വ​ർ​ധി​ച്ചു. ഒ​ന്ന​ര മാ​സ​ത്തി​നു​ള്ളി​ൽ ര​ണ്ട് കൊ​ല​പാ​ത​കം ന​ട​ന്ന വി​ഴി​ഞ്ഞം​സ്റ്റേ​ഷ​ൻ പ​രി​ധി​ക്കു​ള്ളി​ൽ മൂ​ന്നാ​മ​തും കൊ​ല​പാ​ത​ക​മെ​ന്ന് കേ​ട്ട​തോ​ടെ വി​ഴി​ഞ്ഞം പോ​ലീ​സും ഞെ​ട്ടി. എ​സ്.​ഐ അ​ജി​കു​മാ​റി​ന്റെ നേ​തൃ​ത്വ​ത്തി​ലെ പോ​ലീ​സും ര​ഹ​സ്യാ​ന്വേ​ഷ​ണ വി​ഭാ​ഗ​ത്തി​ലെ ഉ​ദ്യോ​ഗ​സ്ഥ​രും ചൊ​വ്വ​ര ഭാ​ഗ​ത്ത് രാ​വി​ലെ മു​ത​ൽ അ​രി​ച്ച് പെ​റു​ക്കി. മൊ​ബൈ​ൽ പ്ര​വ​ർ​ത്ത​ന​ര​ഹി​ത​മാ​യ​തോ​ടെ ഒ​രു​വേ​ള അ​ന്വേ​ഷ​ണ​വും വ​ഴി​മു​ട്ടി. തു​ട​ർ​ന്ന് ക​ൺ​ട്രോ​ൾ റൂ​മി​ലേ​ക്ക് വി​ളി​ച്ച​ഫോ​ൺ ന​മ്പ​ർ പ​രി​ശോ​ധി​ച്ച​തി​ൽ​നി​ന്ന് സിം ​കാ​ർ​ഡ് ബേ​ബി​യു​ടെ പേ​രി​ലാ​ണെ​ന്ന് പൊ​ലീ​സി​ന് മ​ന​സ്സി​ലാ​യി. നാ​ട്ടു​കാ​രി​ൽ ചി​ല​രു​ടെ​യും ജ​ന​പ്ര​തി​നി​ധി​യു​ടെ​യും സ​ഹാ​യ​ത്തോ​ടെ ഏ​റെ നേ​ര​ത്തെ പ​രി​ശ്ര​മ​ത്തി​നൊ​ടു​വി​ൽ ബേ​ബി​യു​ടെ വീ​ട് ക​ണ്ടു​പി​ടി​ച്ചു.

അ​ന്വേ​ഷ​ണ​വു​മാ​യി പൊ​ലീ​സ് എ​ത്തു​മ്പോ​ഴാ​ണ് ത​ന്നെ​ക്കു​റി​ച്ച് മ​ക​ൻ വ്യാ​ജ​സ​ന്ദേ​ശ​മ​റി​യി​ച്ച​ത് മാ​താ​വ് അ​റി​ഞ്ഞ​ത്. കൊ​ല​പാ​ത​ക​മ​ല്ലെ​ന്ന് മ​ന​സ്സി​ലാ​ക്കി ആ​ശ്വാ​സ​ത്തി​ലാ​യ പൊ​ലീ​സ് അ​ജി​കു​മാ​റി​നെ ത​പ്പി​യി​റ​ങ്ങി.

തി​ര​ച്ചി​ലി​നൊ​ടു​വി​ൽ വീ​ടി​ന് സ​മീ​പ​ത്തു​നി​ന്നു​ത​ന്നെ ഇ​യാ​ളെ പി​ടി​കൂ​ടി സ്റ്റേ​ഷ​നി​ൽ എ​ത്തി​ച്ചു. പൊ​ലീ​സി​നെ വ്യാ​ജ​സ​ന്ദേ​ശ​മ​യ​ച്ച് പ​റ്റി​ച്ച​തി​ന് കേ​ര​ള പൊ​ലീ​സ് ആ​ക്ട് 117 ഡി ​പ്ര​കാ​രം കേ​സെ​ടു​ത്ത് സ്റ്റേ​ഷ​ൻ ജാ​മ്യ​ത്തി​ൽ ഇ​യാ​ളെ വി​ട്ട​യ​ച്ച​താ​യി പൊ​ലീ​സ് പ​റ​ഞ്ഞു.