താഴ്ന്ന ജാതിക്കാരനുമായി പ്രണയം; യുവതിയെയും കാമുകനെയും കൊന്ന് പുഴയിൽ തള്ളി

ബംഗളൂരു: പെൺകുട്ടിയെയും ആൺസുഹൃത്തിനെയും പെൺകുട്ടിയുടെ സഹോദരനും ബന്ധുക്കളും ചേർന്ന് കൊന്ന് പുഴയിൽ തള്ളി. കർണാടക ബാഗൽകോട്ട് ജില്ലയിലെ ബേവിനമട്ടിയിലാണ് സംഭവം. ദിവസവേതന തൊഴിലാളിയായ വിശ്വനാഥ നെൽഗി (22), രാജേശ്വരി കരാദി (18) എന്നിവരാണ് കൊല്ലപ്പെട്ടത്.

രണ്ടുവർഷമായി ഇരുവരും പ്രണയത്തിലായിരുന്നു. സെപ്റ്റംബർ 30നാണ് സംഭവം. ദുരഭിമാനക്കൊലയാണെന്നും സംഭവത്തിൽ മൂന്നുപേരെ അറസ്റ്റ് ചെയ്തതായും പൊലീസ് പറഞ്ഞു. പെൺകുട്ടിയുടെ സഹോദരൻ രവി ഹുല്ലുന്നനവാര (19), ബന്ധുക്കളായ ഹനുമന്ത മൽനദാദ (22), ബീരപ്പ ദൽവായ് (18) എന്നിവരാണ് പിടിയിലായത്.