കക്കയം വനമേഖലയോടുചേർന്ന പ്രദേശങ്ങളിൽ വ്യാജവാറ്റുസംഘം വിലസുന്നു

ബാ​ലു​ശ്ശേ​രി: ക​ക്ക​യം വ​ന​മേ​ഖ​ല​യോ​ട് ചേ​ർ​ന്ന പ്ര​ദേ​ശ​ങ്ങ​ളി​ൽ വ്യാ​ജ​വാ​റ്റു​സം​ഘം വി​ല​സു​ന്നു. വ​ന​മേ​ഖ​ല​യോ​ട് ചേ​ർ​ന്ന പ്ര​ദേ​ശ​ങ്ങ​ളാ​യ പേ​ര്യ​മ​ല, ചു​ര​ത്തോ​ട്, കാ​വും​പു​റം, 25-26ാം മൈ​ലു​ക​ൾ, വി​ല്ലം​പാ​റ, വ​യ​ല​ട തു​ട​ങ്ങി​യ മ​ല​യോ​ര​ഭാ​ഗ​ങ്ങ​ളി​ലാ​ണ് വ്യാ​ജ​വാ​റ്റു​സം​ഘം ത​മ്പ​ടി​ച്ച് പ്ര​വ​ർ​ത്തി​ക്കു​ന്ന​ത്. ഫോ​റ​സ്റ്റ്, പൊ​ലീ​സ്, എ​ക്സൈ​സ് ഉ​ദ്യോ​ഗ​സ്ഥ​ർ​ക്കെ​ത്തി​പ്പെ​ടാ​ൻ പ​റ്റാ​ത്ത സ്ഥ​ല​ങ്ങ​ളാ​ണി​വ. വ്യാ​ജ​വാ​റ്റ് നി​ർ​മാ​ണ​ത്തി​നാ​യു​ള്ള വ​സ്തു​ക്ക​ൾ ചാ​ക്കു​ക​ണ​ക്കി​ന് ത​ല​ച്ചു​മ​ടാ​യി മു​ക​ളി​ലേ​ക്കെ​ത്തി​ക്കാ​ൻ തൊ​ഴി​ലാ​ളി​ക​ളു​ണ്ട്. പു​ക​യി​ല്ലാ​ത്ത ഗ്യാ​സ് അ​ടു​പ്പു​ക​ളാ​ണ് ഉ​പ​യോ​ഗി​ക്കു​ന്ന​ത്. ഗ്യാ​സ് സി​ലി​ണ്ട​റു​ക​ൾ ബ്ലാ​ക്കി​ൽ വാ​ങ്ങു​ന്ന​തി​നാ​ൽ ഉ​ട​മ​യു​ടെ പേ​രു​പോ​ലും ല​ഭ്യ​മ​ല്ല. വ്യാ​ജ​ചാ​രാ​യം ജി​ല്ല​യു​ടെ പ​ല​ഭാ​ഗ​ങ്ങ​ളി​ലേ​ക്കും ഇ​വി​ടെ നി​ന്നും എ​ത്തി​ക്കു​ന്നു​ണ്ട്.

കാ​ന്ത​ലാ​ട് വി​ല്ലേ​ജി​ലെ 27ാം മൈ​ലി​ൽ താ​മ​ര​ശ്ശേ​രി എ​ക്സൈ​സ് റേ​ഞ്ച് പാ​ർ​ട്ടി ക​ഴി​ഞ്ഞ​ദി​വ​സം ന​ട​ത്തി​യ റെ​യ്ഡി​ൽ 1000 ലി​റ്റ​ർ വാ​ഷും വാ​റ്റു​പ​ക​ര​ണ​ങ്ങ​ളും ഗ്യാ​സ് സി​ലി​ണ്ട​റും ക​ണ്ടെ​ടു​ത്തി​രു​ന്നു. അ​സി. എ​ക്സൈ​സ് ഇ​ൻ​സ്പെ​ക്ട​ർ സി. ​സ​ന്തോ​ഷ് കു​മാ​ർ, ഗാ​ർ​ഡു​മാ​രാ​യ ച​ന്ദ്ര​ൻ കു​ഴി​ച്ചാ​ൽ, കെ.​കെ. ബി​നീ​ഷ് കു​മാ​ർ, ഡ്രൈ​വ​ർ രാ​ജ​ൻ എ​ന്നി​വ​രു​ടെ നേ​തൃ​ത്വ​ത്തി​ലാ​യി​രു​ന്നു റെ​യ്ഡ്. നാട്ടിൽ വ്യാ​ജ​വാ​റ്റി​നും ല​ഹ​രി​ക്കുമെ​തി​രെ​ ജാ​ഗ്ര​താ​പ്ര​വ​ർ​ത്ത​ന​ങ്ങ​ൾ ന​ട​ക്കു​ന്നു​ണ്ടെ​ങ്കി​ലും ഇ​തി​നെ​യെ​ല്ലാം മ​റി​ക​ട​ന്നാ​ണ് വ്യാ​ജ​വാ​റ്റു​സം​ഘ​ത്തി​ന്റെ പ്ര​വ​ർ​ത്ത​നം.