വീട്ടുവളപ്പി​ലെ സ്‌ഫോടനം: ഒരാള്‍ പിടിയില്‍, രണ്ട് ഡിറ്റണേറ്റര്‍ ട്യൂബും നൈട്രേറ്റി‍​ന്‍റെ സാന്നിധ്യവും കണ്ടെത്തി

പെ​രു​മ്പാ​വൂ​ര്‍: വെ​ങ്ങോ​ല പൂ​നൂ​രി​ല്‍ വീ​ട്ടു​വ​ള​പ്പി​ലു​ണ്ടാ​യ സ്‌​ഫോ​ട​ന​ത്തി​ല്‍ ഒ​രാ​ളെ പൊ​ലീ​സ് അ​റ​സ്റ്റ്​ ചെ​യ്തു. കൊ​ല്ലം ക​ര​വാ​ളൂ​ര്‍ വേ​ന​ട ഭാ​ഗ​ത്ത് സ​ത്യ​രാ​ശ് കു​മാ​റാ​ണ് (45) പി​ടി​യി​ലാ​യ​ത്. തി​ങ്ക​ളാ​ഴ്ച രാ​ത്രി 7.30ന് ​ആ​യി​രു​ന്നു സ്‌​ഫോ​ട​നം. സം​ഭ​വ​ത്തി​ല്‍ ദു​രൂ​ഹ​ത നാ​ട്ടു​കാ​ര്‍ ആ​രോ​പി​ച്ചി​രു​ന്നു. ഒ​രു മാ​സ​മാ​യി പൂ​ട്ടി​ക്കി​ട​ന്ന വീ​ട് കേ​ന്ദ്രീ​ക​രി​ച്ച് സ്‌​ഫോ​ട​ക വ​സ്തു വ്യാ​പാ​രം ന​ട​ന്നി​രു​ന്നു​വെ​ന്ന സം​ശ​യ​ത്തെ അ​ടി​സ്ഥാ​ന​മാ​ക്കി​യാ​യി​രു​ന്നു പൊ​ലീ​സി‍െൻറ അ​ന്വേ​ഷ​ണം. പ​ഴ​ന്തോ​ട്ടം സ്വ​ദേ​ശി​യു​ടെ ഉ​ട​മ​സ്ഥ​ത​യി​ലു​ള്ള​താ​ണ് വീ​ട്.

10 വ​ര്‍ഷം മു​മ്പ് ഇ​യാ​ള്‍ ക്വാ​റി ന​ട​ത്തി​യി​രു​ന്ന​താ​യി പ​റ​യു​ന്നു. സ​ത്യ​രാ​ശ് കു​മാ​ര്‍ പാ​റ​മ​ട​യി​ലെ ജീ​വ​ന​ക്കാ​ര​നാ​യി​രു​ന്നു. 13 വ​ര്‍ഷ​മാ​യി സ​ത്യ​രാ​ശ് കു​മാ​റും കു​ടും​ബ​വു​മാ​ണ് ഇ​വി​ടെ താ​മ​സി​ക്കു​ന്ന​ത്.

ഒ​രു മാ​സം മു​മ്പ് ഇ​യാ​ളും കു​ടും​ബ​വും നാ​ട്ടി​ലേ​ക്ക് പോ​യി​രു​ന്നു. തി​ങ്ക​ളാ​ഴ്ച തി​രി​ച്ചെ​ത്തി പ​റ​മ്പി​ലെ ക​രി​യി​ല​ക​ളും മാ​ലി​ന്യ​വും ക​ത്തി​ക്കു​ന്ന​തി​നി​ടെ​യാ​യി​രു​ന്നു സ്‌​ഫോ​ട​നം. മൂ​ന്നു കി​ലോ​മീ​റ്റ​ര്‍ ദൂ​ര​ത്തി​ല്‍ ശ​ബ്ദ​വും പ്ര​ക​മ്പ​ന​വും ഉ​ണ്ടാ​യ​താ​യി നാ​ട്ടു​കാ​ര്‍ പ​റ​ഞ്ഞു. പ​രി​ശോ​ധ​ന​യി​ല്‍ ര​ണ്ട് ഡി​റ്റ​ണേ​റ്റ​ർ ട്യൂ​ബും നൈ​ട്രേ​റ്റി‍െൻറ സാ​ന്നി​ധ്യ​വും ക​ണ്ടെ​ത്തി​യ​താ​യി പൊ​ലീ​സ് പ​റ​ഞ്ഞു. എ​ക്‌​സ്‌​പ്ലോ​സീ​വ് ആ​ക്ട് പ്ര​കാ​ര​മാ​ണ് കേ​സ് ര​ജി​സ്റ്റ​ര്‍ ചെ​യ്തി​രി​ക്കു​ന്ന​തെ​ന്ന് പൊ​ലീ​സ് അ​റി​യി​ച്ചു. എ​ന്നാ​ല്‍, ഒ​രാ​ളെ മാ​ത്രം പ്ര​തി ചേ​ര്‍ത്ത​തി​ല്‍ ദു​രൂ​ഹ​ത​യു​ണ്ടെ​ന്ന് നാ​ട്ടു​കാ​ര്‍ ആ​രോ​പി​ച്ചു.