കണ്ണൂരിൽ സ​മൂ​ഹി​ക​വി​രു​ദ്ധ​ർ ചേർന്ന് വയോധികയുടെ വീട് കത്തിച്ചു

ക​ണ്ണൂ​ർ: പാ​റ​ക്ക​ണ്ടി​യി​ല്‍ അ​ഗ​തി​യാ​യ വ​യോ​ധി​ക​യു​ടെ വീ​ട് സ​മൂ​ഹി​ക​വി​രു​ദ്ധ​ർ ക​ത്തി​ച്ചു.

പാ​റ​ക്ക​ണ്ടി​യി​ലെ കോ​യ്യ​ക്ക​ണ്ടി ശ്യാ​മ​ള​യു​ടെ (75) വീ​ടാ​ണ് തി​ങ്ക​ളാ​ഴ്ച പു​ല​ര്‍ച്ചെ മൂ​ന്ന​ര​യോ​ടെ ക​ത്തി​ന​ശി​ച്ച​ത്. വീ​ട്ടി​ന​ക​ത്ത് ഉ​റ​ങ്ങു​ക​യാ​യി​രു​ന്ന ശ്യാ​മ​ള ശ​ബ്ദം കേ​ട്ട് പു​റ​ത്തി​റ​ങ്ങി​യ​തി​നാ​ൽ അ​ത്ഭു​ത​ക​ര​മാ​യി ര​ക്ഷ​പ്പെ​ട്ടു.

വ​യോ​ധി​ക​യാ​യ ശ്യാ​മ​ള ബ​ന്ധു​ക്ക​ൾ മ​രി​ച്ച ശേ​ഷം വ​ർ​ഷ​ങ്ങ​ളാ​യി ഒ​റ്റ​ക്കാ​ണ് താ​മ​സം.

വീ​ടി​നോ​ടു​ചേ​ര്‍ന്ന് പ​ഴ​യ ആ​ക്രി​സാ​ധ​ന​ങ്ങ​ളും ട​യ​റു​ക​ളും കാ​ര്‍ബോ​ര്‍ഡു​ക​ളും കൂ​ട്ടി​യി​ട്ടി​രു​ന്നു. ഇ​തി​ന് തീ​​കൊ​ടു​ത്ത​പ്പോ​ൾ വീ​ട്ടി​ലേ​ക്ക് പ​ട​രു​ക​യു​മാ​യി​രു​ന്നു​വെ​ന്നാ​ണ് ക​രു​തു​ന്ന​ത്. ക​ഴി​ഞ്ഞ ദി​വ​സ​വും ആ​ക്രി​സാ​ധ​ന​ങ്ങ​ൾ​ക്ക് ആ​രോ തീ​യി​ട്ടി​രു​ന്നു.

വി​ൽ​ക്കാ​നാ​യി ശേ​ഖ​രി​ച്ച കു​പ്പി​യും മ​റ്റും പൊ​ട്ടി​ത്തെ​റി​ക്കു​ന്ന ശ​ബ്ദം കേ​ട്ട് പു​റ​ത്തി​റ​ങ്ങി​യ​തി​നാ​ലാ​ണ് ര​ക്ഷ​പ്പെ​ട്ട​തെ​ന്നും ഉ​റ​ക്ക് ഞെ​ട്ടി​യി​ല്ലാ​യി​രു​ന്നു​വെ​ങ്കി​ൽ ആ ​തീ​യി​ൽ എ​ല്ലാം അ​വ​സാ​നി​ക്കു​മാ​യി​രു​ന്നു​വെ​ന്നും ശ്യാ​മ​ള പ​റ​ഞ്ഞു. ക​ണ്ണൂ​രി​ല്‍ നി​ന്ന് അ​സി. സ്റ്റേ​ഷ​ന്‍ ഓ​ഫി​സ​ര്‍ വേ​ണു​വി​ന്റെ നേ​തൃ​ത്വ​ത്തി​ല്‍ മൂ​ന്ന് യൂ​നി​റ്റ് എ​ത്തി​യാ​ണ് തീ​യ​ണ​ച്ച​ത്. തീ​പി​ടി​ച്ച​യു​ട​ന്‍ ഗ്യാ​സ് സി​ലി​ണ്ട​ര്‍ മാ​റ്റി​യ​തി​നാ​ല്‍ വ​ലി​യ അ​പ​ക​ടം ഒ​ഴി​വാ​യി.

ഏ​ക​ദേ​ശം ഒ​രു​ല​ക്ഷം രൂ​പ​യു​ടെ നാ​ശ​ന​ഷ്ടം സം​ഭ​വി​ച്ച​താ​യി ഫ​യ​ർ​ഫോ​ഴ്സ് പ​റ​ഞ്ഞു. ക​ണ്ണൂ​ർ ബീ​വ​റേ​ജി​ൽ ശു​ചീ​ക​ര​ണ സ​ഹാ​യി​യാ​യും ആ​ക്രി സാ​ധ​ന​ങ്ങ​ൾ ശേ​ഖ​രി​ച്ചു​വി​റ്റു​മാ​ണ് ഉ​പ​ജീ​വ​നം ന​ട​ത്തു​ന്ന​ത്.

അ​വ​ശ​നി​ല​യി​ലാ​യ ശ്യാ​മ​ള​യ ആ​ശു​പ​ത്രി​യി​ലേ​ക്ക് മാ​റ്റി.

ടൗ​ണ്‍ പൊ​ലീ​സി​ൽ പ​രാ​തി ന​ല്‍കി. സ​മീ​പ​ത്തെ നി​രീ​ക്ഷ​ണ കാ​മ​റ​യി​ൽ ഒ​രാ​ൾ ചൂ​ട്ടു​മാ​യി ശ്യാ​മ​ള​യു​ടെ വീ​ടി​നെ ല​ക്ഷ്യ​മാ​ക്കി വ​രു​ന്ന ദൃ​ശ്യം പ​തി​ഞ്ഞി​ട്ടു​ണ്ട്. ഇ​തു​കേ​ന്ദ്രീ​ക​രി​ച്ച് പൊ​ലീ​സ് അ​ന്വേ​ഷ​ണം ഊ​ർ​ജി​ത​മാ​ക്കി.