വാക്ക് തർക്കം: മർദനത്തിനിടെ പരിക്കേറ്റ വയോധികൻ കൊല്ലപ്പെട്ടു

തിരുവമ്പാടി: വാക്ക് തർക്കനിടെയുണ്ടായ മർദ്ദനത്തിൽ പരിക്കേറ്റ് വയോധികൻ കൊല്ലപ്പെട്ടു. തിരുവമ്പാടി മരക്കാട്ടുപ്പുറം ചാലിൽ തൊടികയിൽ മോഹൻ ദാസ് (58) ആണ് കൊല്ലപ്പെട്ടത്. ബുധനാഴ്ച ഉച്ചക്ക് രണ്ടരയോടെയാണ് സംഭവം.

തലക്ക് പരിക്കേറ്റ മോഹൻദാസിനെ ഉടൻ ആശുപത്രിയിലെത്തിച്ചെങ്കിലും മരിച്ചിരുന്നു. അയൽവാസിയായ ചാലിൽ തൊടികയിൽ രജിഷ് (36 ) ആണ് മോഹൻദാസിനെ മർദിച്ചതെന്ന് പൊലീസ് പറഞ്ഞു. ഇയാൾക്കായി തിരുവമ്പാടി പൊലീസ് ഹൗസ് ഓഫിസർ സുമിത്ത് കുമാറിൻ്റെ നേതൃത്വത്തിൽ അന്വേഷണം ആരംഭിച്ചു.