തൃശൂർ വടക്കേക്കാട് വയോധിക ദമ്പതികൾ വെട്ടേറ്റ് മരിച്ച നിലയിൽ; പേരമകൻ കസ്റ്റഡിയിൽ

വ​ട​ക്കേ​ക്കാ​ട് (തൃ​ശൂ​ർ): വ​ട​ക്കേ​ക്കാ​ട്ട് വ​യോ​ധി​ക ദ​മ്പ​തി​ക​ൾ വെ​ട്ടേ​റ്റ് മ​രി​ച്ച നി​ല​യി​ൽ. വൈ​ല​ത്തൂ​ര്‍ അ​ണ്ടി​ക്കോ​ട്ട് ക​ട​വ് പ​ന​ങ്ങാ​വി​ല്‍ അ​ബ്ദു​ല്ല (75), ഭാ​ര്യ ജ​മീ​ല (64) എ​ന്നി​വ​രാ​ണ് മ​രി​ച്ച​ത്. സം​ഭ​വ​ത്തെ തു​ട​ർ​ന്ന് കാ​ണാ​താ​യ പേ​ര​മ​ക​ൻ മു​ന്ന എ​ന്ന അ​ഗ് മ​ലി​നെ (26) പൊ​ലീ​സ് ക​സ്റ്റ​ഡി​യി​ലെ​ടു​ത്തു. തി​ങ്ക​ളാ​ഴ്ച രാ​വി​ലെ​യാ​ണ് ദ​മ്പ​തി​ക​ളെ മ​രി​ച്ച നി​ല​യി​ല്‍ ക​ണ്ടെ​ത്തി​യ​ത്. മ​റ്റൊ​രു വീ​ട്ടി​ൽ താ​മ​സി​ക്കു​ന്ന മ​ക​ന്‍ നൗ​ഷാ​ദ് പ്ര​ഭാ​ത​ഭ​ക്ഷ​ണ​വു​മാ​യി എ​ത്തി​യ​പ്പോ​ഴാ​ണ് സം​ഭ​വ​മ​റി​യു​ന്ന​ത്. വീ​ട് പൂ​ട്ടി​യ​താ​യി ക​ണ്ട് മ​ക​ൻ വി​ളി​ച്ചെ​ങ്കി​ലും വാ​തി​ൽ തു​റ​ക്കാ​ത്ത​തി​നെ​തു​ട​ർ​ന്ന് ജ​ന​ൽ വ​ഴി ഉ​ള്ളി​ൽ​നി​ന്ന് കു​റ്റി നീ​ക്കി​യാ​ണ് അ​ക​ത്തു​ക​യ​റി​യ​ത്. ഞെ​ട്ടി​പ്പി​ക്കു​ന്ന കാ​ഴ്ച​യാ​യി​രു​ന്നു ഉ​ള്ളി​ൽ. ജമീലയുടെ അ​റു​ത്തെ​ടു​ത്ത ത​ല മു​ക​ളി​ലേ​ക്കു​ള്ള കോ​ണി​ക്ക് സ​മീ​പം കി​ട​ക്കു​ക​യാ​യി​രു​ന്നു. തു​ട​ർ​ന്ന് നാ​ട്ടു​കാ​രെ​യും വ​ട​ക്കേ​ക്കാ​ട് പൊ​ലീ​സി​നെ​യും അ​റി​യി​ച്ചു. പി​ന്നീ​ടു​ള്ള തി​ര​ച്ചി​ലി​ലാ​ണ് മ​റ്റൊ​രു മു​റി​യി​ൽ അ​ബ്ദു​ല്ല ക​ഴു​ത്തി​ൽ വെ​ട്ടേ​റ്റ് മ​രി​ച്ച നി​ല​യി​ലും മ​റ്റൊ​രു മു​റി​യി​ൽ ജമീലയുടെ ഉ​ട​ലും ക​ണ്ട​ത്.

തു​ട​ർ​ന്ന് അ​ഗ്മ​ലി​നെ അ​ന്വേ​ഷി​ച്ചെ​ങ്കി​ലും കാ​ണാ​താ​യ​തി​നെ തു​ട​ർ​ന്ന് പൊ​ലീ​സ് ന​ട​ത്തി​യ തി​ര​ച്ചി​ലി​ലാ​ണ് മ​ണി​ക്കൂ​റു​ക​ൾ​ക്കു​ശേ​ഷം പി​ടി​കൂ​ടി​യ​ത്. ക​ഴു​ത്ത​റു​ക്കാ​ൻ ഉ​പ​യോ​ഗി​ച്ച ആ​യു​ധം ചോ​ര പു​ര​ണ്ട നി​ല​യി​ൽ സം​ഭ​വ​സ്ഥ​ല​ത്തു​നി​ന്ന് ക​ണ്ടെ​ടു​ത്തു. കൊ​ല്ല​പ്പെ​ട്ട ദ​മ്പ​തി​ക​ളു​ടെ മൂ​ത്ത മ​ക​ള്‍ നി​മി​ത​യു​ടെ മ​ക​നാ​യ അ​ഗ്മ​ൽ മ​യ​ക്കു​മ​രു​ന്നി​ന് അ​ടി​മ​യാ​ണ്. ഇ​തി​ന്റെ ഭാ​ഗ​മാ​യി വീ​ട്ടി​ൽ പ​ല​പ്പോ​ഴും വ​ഴ​ക്കു​ണ്ടാ​ക്കാ​റു​ണ്ട്.

മ​യ​ക്കു​മ​രു​ന്ന് ഉ​പ​യോ​ഗ​ത്തെ​ത്തു​ട​ർ​ന്ന് മാ​ന​സി​ക​നി​ല തെ​റ്റി​യ​തി​നാ​ൽ അ​ഗ്മ​ൽ തി​രൂ​രി​ലെ ല​ഹ​രി വി​മു​ക്ത കേ​ന്ദ്ര​ത്തി​ൽ ചി​കി​ത്സ​ക്ക് വി​ധേ​യ​നാ​യി​രു​ന്നു. നി​മി​ത​യു​ടെ ആ​ദ്യ വി​വാ​ഹ​ത്തി​ലെ മ​ക​നാ​ണി​യാ​ൾ. വി​വാ​ഹ​മോ​ച​ന​ത്തെ​ത്തു​ട​ർ​ന്ന് നി​മി​ത മ​റ്റൊ​രു വി​വാ​ഹം ക​ഴി​ച്ച് കൊ​ല്ല​ത്താ​ണ് താ​മ​സം. അ​ഗ്മ​ല്‍, അ​ബ്ദു​ല്ല​യു​ടെ​യും ജ​മീ​ല​യു​ടെ​യും ഒ​പ്പ​മാ​ണ് താ​മ​സി​ക്കു​ന്ന​ത്. സം​ഭ​വ​മ​റി​ഞ്ഞ് ജി​ല്ല പൊ​ലീ​സ് മേ​ധാ​വി അ​ങ്കി​ത് അ​ശോ​ക​ൻ, ഗു​രു​വാ​യൂ​ർ എ.​സി.​പി കെ.​ജി. സു​രേ​ഷ്, എ​ൻ.​കെ. അ​ക്ബ​ർ എം.​എ​ൽ.​എ, വ​ട​ക്കേ​ക്കാ​ട് പ​ഞ്ചാ​യ​ത്ത് പ്ര​സി​ഡ​ന്റ് എ​ൻ.​എം.​കെ. ന​ബീ​ൽ, ജി​ല്ല പ​ഞ്ചാ​യ​ത്ത് അം​ഗം റ​ഹീം വീ​ട്ടി​പ​റ​മ്പി​ൽ, പ​ഞ്ചാ​യ​ത്ത് അം​ഗ​ങ്ങ​ളാ​യ ഖാ​ലി​ദ് പ​ന​ങ്ങാ​വി​ൽ, ശ്രീ​ധ​ര​ൻ മാ​ക്കാ​ലി​ക്ക​ൽ, റ​ഷീ​ദ് തു​ട​ങ്ങി​യ​വ​ർ സ്ഥ​ല​ത്തെ​ത്തി.

വി​ര​ല​ട​യാ​ള വി​ദ​ഗ്ധ​ൻ യു. ​രാം​ദാ​സ്, സ​യ​ന്റി​ഫി​ക് ഓ​ഫി​സ​ർ ബി. ​മ​ഹേ​ഷ് എ​ന്നി​വ​രും പ​രി​ശോ​ധ​ന​ക്കെ​ത്തി. മൃ​ത​ദേ​ഹ​ങ്ങ​ൾ തൃ​ശൂ​ർ ഗ​വ. മെ​ഡി​ക്ക​ൽ കോ​ള​ജ് ആ​ശു​പ​ത്രി മോ​ർ​ച്ച​റി​യി​ൽ. മ​ക്ക​ൾ: നി​മി​ത, നി​ഷി​ത, നൗ​ഷാ​ദ്. നൗ​ഷാ​ദ് ക​ഴി​ഞ്ഞ​ദി​വ​സ​മാ​ണ് ഗ​ൾ​ഫി​ൽ നി​ന്നെ​ത്തി​യ​ത്.