എടവനക്കാട്ടെ കൊലപാതകം: ര​മ്യ ഉ​പ​യോ​ഗി​ച്ചി​രു​ന്ന ഫോ​ണി​ന്റെ അ​വ​ശി​ഷ്ടം കണ്ടെത്തി

എ​ട​വ​ന​ക്കാ​ട്: രമ്യ കൊലപാതകക്കേസിലെ തെളിവായ വ​ള​ർ​ത്തു​നാ​യു​ടെ ജ​ഡം ക​ണ്ടെ​ത്താ​ൻ പൊ​ലീ​സ് വെ​ള്ളി​യാ​ഴ്ച പ്ര​തി​യു​മാ​യി ചാ​ത്ത​ങ്ങാ​ട് ബീ​ച്ചി​ലെ​ത്തി തി​ര​ച്ചി​ൽ ന​ട​ത്തി. ​പൊ​ലീ​സി​നൊ​പ്പം വെ​റ്റ​റി​ന​റി ഡോ​ക്ട​ർ​മാ​രു​ടെ സം​ഘ​വും ഉ​ണ്ടാ​യി​രു​ന്നു.

പ്ര​തി അ​റി​യി​ച്ച പ്ര​കാ​രം ബീ​ച്ചി​ന്റെ വ​ട​ക്ക് ഭാ​ഗ​ത്താ​യി മ​ണ്ണു​മാ​ന്തി ഉ​പ​യോ​ഗി​ച്ച് മ​ണ്ണ് മാ​റ്റി​നോ​ക്കി​യെ​ങ്കി​ലും മൃ​താ​വ​ശി​ഷ്ട​ങ്ങ​ൾ ക​ണ്ടെ​ത്താ​ൻ ക​ഴി​ഞ്ഞി​ല്ല. 15 മാ​സം മു​മ്പാ​ണ് ര​മ്യ​യെ ഭ​ർ​ത്താ​വാ​യ സ​ജീ​വ് കൊ​ന്ന് കു​ഴി​ച്ചു​മൂ​ടി​യ​ത്. നാ​ലോ അ​ഞ്ചോ ദി​വ​സ​ത്തി​നു​ശേ​ഷം മൂ​ടി​യ​യി​ടം നാ​യ്​ തി​ര​യാ​ൻ തു​ട​ങ്ങി​യ​പ്പോ​ഴാ​ണ് നാ​യെ​യും ഇ​യാ​ൾ കൊ​ന്ന് കു​ഴി​ച്ചു​മൂ​ടി​യ​ത്. എ​ന്നാ​ൽ, ആ​റു​മാ​സ​ങ്ങ​ൾ​ക്ക് മു​മ്പ് രോ​ഗം ബാ​ധി​ച്ചാ​ണ് നാ​യ്​ ച​ത്ത​തെ​ന്നും അ​ന്നു​ത​ന്നെ ചാ​ക്കി​ലാ​ക്കി ക​ട​പ്പു​റ​ത്തെ​ത്തി​ച്ച് കു​ഴി​ച്ചി​ട്ടു​മെ​ന്നാ​ണ് പ്ര​തി ചോ​ദ്യം ചെ​യ്യ​ലി​ൽ അ​റി​യി​ച്ച​ത്.

ര​മ്യ ഉ​പ​യോ​ഗി​ച്ചി​രു​ന്ന ഫോ​ണി​ന്റെ അ​വ​ശി​ഷ്ടം വ്യാ​ഴാ​ഴ്ച​ത്തെ തെ​ളി​വെ​ടു​പ്പി​നി​ടെ ചെ​മ്മീ​ൻ​കെ​ട്ടി​ൽ​നി​ന്ന്​ ക​ണ്ടെ​ത്തി​യെ​ങ്കി​ലും സിം ​കാ​ർ​ഡ് എ​വി​ടെ​യെ​ന്ന ചോ​ദ്യ​ത്തി​നു ഇ​തു​വ​രെ പ്ര​തി വ്യ​ക്ത​മാ​യ മ​റു​പ​ടി ന​ൽ​കി​യി​ട്ടി​ല്ല. സിം​കാ​ർ​ഡ് ക​ത്തി​ച്ചു​ക​ള​ഞ്ഞെ​ന്നാ​ണ് പ്ര​തി ഇ​തു​വ​രെ പ​റ​ഞ്ഞി​ട്ടു​ള്ള​ത്. ഇ​നി നാ​ലു​ദി​ന​ങ്ങ​ൾ കൂ​ടി ശേ​ഷി​ക്കു​ന്നു​ള്ളൂ.

തെളിവ് നശിപ്പിക്കാൻ​ മാർഗങ്ങൾ തിരഞ്ഞത് യുട്യൂബിൽ

എ​ട​വ​ന​ക്കാ​ട്: കൊ​ല​പാ​ത​ക​ത്തി​നു​ശേ​ഷം യു​ട്യൂ​ബി​ൽ തി​ര​ഞ്ഞ വി​വ​ര​ങ്ങ​ൾ ശേ​ഖ​രി​ച്ചാ​ണ് പ്ര​തി സ​ജീ​വ് ര​മ്യ​യു​ടെ മൃ​ത​ദേ​ഹം കു​ഴി​ച്ചു മൂ​ടി​യ​ത്. തെ​ളി​വു​ക​ൾ ന​ശി​പ്പി​ച്ച​തി​ന്​ പി​ന്നി​ലെ ര​ഹ​സ്യം തേ​ടി​യ പൊ​ലീ​സ് പ്ര​തി​യെ വി​ശ​ദ​മാ​യി ചോ​ദ്യം ചെ​യ്ത​പ്പോ​ഴാ​ണ് ഈ ​വി​വ​രം പു​റ​ത്ത​റി​യു​ന്ന​ത്. കൊ​ല ന​ട​ന്ന​തി​നു​ശേ​ഷം കു​ഴി തി​ര​ഞ്ഞ​തും കു​ഴി​യി​ൽ കി​ട​ത്തി​യ​തും മൃ​ത​ദേ​ഹം വേ​ഗം അ​ഴു​കാ​ൻ കു​ഴി​ച്ചി​ടു​ന്ന​തി​ന്​ മു​മ്പാ​യി ഒ​രു അ​ടി​വ​സ്ത്ര​മൊ​ഴി​ച്ച് ബാ​ക്കി​യു​ള്ള​തെ​ല്ലാം ഊ​രി​മാ​റ്റി​യ​തു​മെ​ല്ലാം യു​ട്യൂ​ബി​ൽ​നി​ന്ന്​ വി​വ​ര​ങ്ങ​ൾ ശേ​ഖ​രി​ച്ച​ത് പ്ര​കാ​രം.

പി​ന്നീ​ട് തെ​ളി​വു​ക​ളാ​യി മാ​റി​യേ​ക്കാ​വു​ന്ന വ​സ്ത്ര​ങ്ങ​ൾ, മൊ​ബൈ​ൽ ഫോ​ൺ, എ​ന്നി​വ ക​ത്തി​ച്ചു​ക​ള​ഞ്ഞ​തും ഇ​ത്ത​ര​ത്തി​ൽ ഇ​ന്റ​ർ​നെ​റ്റി​ൽ​നി​ന്ന്​ മ​ന​സ്സി​ലാ​ക്കി​യാ​ണെ​ന്ന് പ്ര​തി വെ​ളി​പ്പെ​ടു​ത്തി.