എം.​ഡി.​എം.​എ മ​യ​ക്കു​മ​രു​ന്ന് ഉ​പ​യോ​ഗം വ്യാ​പ​ക​മാ​വു​ന്നു

പ​ട്ടാ​മ്പി: മാ​ര​ക ല​ഹ​രി മ​രു​ന്നാ​യ എം.​ഡി.​എം.​എ ഉ​പ​യോ​ഗം വ്യാ​പ​ക​മാ​വു​ന്നു. ക​ഞ്ചാ​വും മ​ദ്യ​വും വി​ട്ട് പു​തു​ത​ല​മു​റ എം.​ഡി.​എം.​എ വ​ല​യ​ത്തി​ലേ​ക്ക് ഒ​ഴു​കു​ന്ന​താ​യാ​ണ് റി​പ്പോ​ർ​ട്ട്. കൈ​കാ​ര്യം ചെ​യ്യാ​നും ഉ​പ​യോ​ഗി​ക്കാ​നു​മു​ള്ള സൗ​ക​ര്യ​മാ​ണ് വി​ദ്യാ​ർ​ഥി​ക​ളെ​യും യു​വാ​ക്ക​ളെ​യും മാ​ര​ക ല​ഹ​രി​യു​ടെ അ​ടി​മ​ക​ളാ​ക്കു​ന്ന​ത്. ശ​നി​യാ​ഴ്ച ന​ട​ന്ന താ​ലൂ​ക്ക്​ വി​ക​സ​ന​സ​മി​തി യോ​ഗ​ത്തി​ൽ എ​ക്സൈ​സ് ഉ​ദ്യോ​ഗ​സ്ഥ​ർ എം.​ഡി.​എം.​എ വ്യാ​പ​ന​ത്തി​ൽ ആ​ശ​ങ്ക പ്ര​ക​ടി​പ്പി​ച്ചി​രു​ന്നു. എം.​ഡി.​എം.​എ ഉ​പ​യോ​ഗ​മോ കൈ​മാ​റ്റ​മോ ശ്ര​ദ്ധ​യി​ൽ​പെ​ട്ടാ​ൽ അ​റി​യി​ക്ക​ണ​മെ​ന്നും എ​ക്സൈ​സ് ഉ​ദ്യോ​ഗ​സ്ഥ​ർ യോ​ഗ​ത്തി​ൽ അ​ഭ്യ​ർ​ഥി​ച്ചി​രു​ന്നു.

ക​ഴി​ഞ്ഞ മൂ​ന്നു​മാ​സ​ത്തി​നി​ടെ താ​ലൂ​ക്കി​ന്റെ വി​വി​ധ ഭാ​ഗ​ങ്ങ​ളി​ൽ​നി​ന്ന് 59.835 ഗ്രാം ​എം.​ഡി.​എം.​എ​യാ​ണ് പി​ടി​ച്ചെ​ടു​ത്ത​ത്. മാ​ർ​ച്ച് 28ന് ​കൊ​പ്പ​ത്തു​നി​ന്ന് പി​ടി​കൂ​ടി​യ​ത് 49 ഗ്രാം ​എം.​ഡി.​എം.​എ​യാ​ണ്. ഇ​തി​ന് വി​പ​ണി​യി​ൽ എ​ട്ടു​ല​ക്ഷം രൂ​പ വി​ല​വ​രും. ജി​ല്ല​യി​ലെ ഏ​റ്റ​വും വ​ലി​യ എം.​ഡി.​എം.​എ പി​ടി​ത്ത​മാ​ണി​തെ​ന്ന് എ​ക്സൈ​സ് ഉ​ദ്യോ​ഗ​സ്ഥ​ർ പ​റ​ഞ്ഞു. ബം​ഗ​ളൂ​രു​വി​ൽ​നി​ന്നെ​ത്തി​ച്ച് കൊ​പ്പം, പു​ലാ​മ​ന്തോ​ൾ ഭാ​ഗ​ങ്ങ​ളി​ൽ ചി​ല്ല​റ വി​ൽ​പ​ന ന​ട​ത്താ​നാ​ണ് മ​യ​ക്കു​മ​രു​ന്നെ​ത്തി​ച്ച​തെ​ന്ന് സം​ഭ​വ​ത്തി​ൽ അ​റ​സ്റ്റി​ലാ​യ തെ​ക്കും​മ​ല തി​രു​ത്തി അ​ഷ്‌​റ​ഫ​ലി മൊ​ഴി ന​ൽ​കി​യി​രു​ന്നു. ക​ഴി​ഞ്ഞ വ്യാ​ഴാ​ഴ്ച ഓ​ങ്ങ​ല്ലൂ​ർ കൊ​ണ്ടൂ​ർ​ക്ക​ര​യി​ൽ ത​ദ്ദേ​ശീ​യ​നാ​യ മാ​ച്ചാം​പു​ള്ളി മു​സ്ത​ഫ സ്‌​കൂ​ട്ട​റി​ൽ ക​ട​ത്തു​ക​യാ​യി​രു​ന്ന 3.233 ഗ്രാം ​പി​ടി​കൂ​ടി​യ​താ​ണ് അ​വ​സാ​ന സം​ഭ​വം. ബം​ഗ​ളൂ​രു​വി​ൽ​നി​ന്നും കൊ​ച്ചി​യി​ൽ​നി​ന്നും എം.​ഡി.​എം.​എ പ​ട്ടാ​മ്പി​യി​ലെ​ത്തു​ന്നു​ണ്ട്. സ്‌​കൂ​ൾ-​കോ​ള​ജ് കു​ട്ടി​ക​ളെ ല​ക്ഷ്യ​മി​ട്ടാ​ണ് പ്ര​ധാ​ന​മാ​യും ല​ഹ​രി​മാ​ഫി​യ പ്ര​വ​ർ​ത്തി​ക്കു​ന്ന​ത്. സൗ​ജ​ന്യ​മാ​യി ന​ൽ​കി ല​ഹ​രി​ക്ക​ടി​മ​ക​ളാ​ക്കു​ന്ന​താ​ണ് ല​ഹ​രി വ്യാ​പാ​ര​ത​ന്ത്രം.

പ​രീ​ക്ഷ​ണാ​ർ​ഥം ഉ​പ​യോ​ഗി​ച്ച് തു​ട​ങ്ങു​ന്ന​വ​ർ പി​ന്നീ​ട് സ്ഥി​രം ഉ​പ​ഭോ​ക്താ​ക്ക​ളാ​യി മാ​റും. 'പാ​ർ​ട്ടി ഡ്ര​ഗ്' എ​ന്ന പേ​രി​ല​റി​യ​പ്പെ​ടു​ന്ന സി​ന്ത​റ്റി​ക് ഇ​നം മ​യ​ക്കു​മ​രു​ന്നാ​യ എം.​ഡി.​എം.​എ ഡി.​ജെ പാ​ർ​ട്ടി​ക​ളി​ലും മ​റ്റും സ്ഥി​ര​സാ​ന്നി​ധ്യ​മാ​ണ്. ബം​ഗ​ളൂ​രു​വി​ൽ​നി​ന്ന് ട്രെ​യി​നി​ലും ഇ​രു​ച​ക്ര​വാ​ഹ​ന​ങ്ങ​ളി​ലു​മാ​ണ് ല​ഹ​രി ക​ട​ത്ത് ന​ട​ക്കു​ന്ന​ത്. ചെ​റി​യ അ​ള​വി​ലും ശ്ര​ദ്ധ​യി​ൽ​പെ​ടാ​തെ​യും കൊ​ണ്ടു​വ​രാ​മെ​ന്ന​താ​ണ് ക​ട​ത്തു​കാ​ർ​ക്ക് തു​ണ​യാ​വു​ന്ന​ത്.