സിമന്‍റ്​ നേരത്തേ കരുതി; തൂമ്പ വാങ്ങിയത്​ അയൽവീട്ടിൽനിന്ന്

ച​ങ്ങ​നാ​ശ്ശേ​രി: കൊ​ല​പ്പെ​ടു​ത്തി​യ ശേ​ഷം ബി​ന്ദു​കു​മാ​റി​ന്‍റെ മൃ​ത​ദേ​ഹം കു​ഴി​ച്ചി​ടാ​ൻ തൂ​മ്പ​യും ക​മ്പി​പ്പാ​ര​യും സം​ഘ​ടി​പ്പി​ച്ച​ത്​ സ​മീ​പ​ത്തെ വീ​ടു​ക​ളി​ൽ​നി​ന്ന്. തെ​ളി​വെ​ടു​പ്പി​നി​ടെ പ്ര​തി മു​ത്തു​കു​മാ​ർ മൃ​ത​ദേ​ഹം മ​റ​വു​ചെ​യ്യാ​ൻ ഉ​പ​യോ​ഗി​ച്ച തൂ​മ്പ​യും ക​മ്പി​പ്പാ​ര​യും സ​മീ​പ വീ​ടു​ക​ളി​ലെ​ത്തി പൊ​ലീ​സി​നു കാ​ണി​ച്ചു​കൊ​ടു​ത്തു. ക​മ്പി​പ്പാ​ര പ്ര​തി​യു​ടെ വീ​ടി​ന് സ​മീ​പ​ത്തെ വീ​ട്ടി​ൽ​നി​ന്നാ​ണ് വീ​ട്ടു​കാ​ര​റി​യാ​തെ എ​ടു​ത്ത​ത്. പി​റ്റേ​ന്ന്​ രാ​വി​ലെ പ്ര​തി ക​മ്പി​പ്പാ​ര തി​രി​കെ​വെ​ക്കു​ന്ന​ത് വീ​ട്ടു​ട​മ​സ്ഥ കാ​ണു​ക​യും അ​നു​വാ​ദ​മി​ല്ലാ​തെ എ​ടു​ത്ത​ത് ചോ​ദ്യം​ചെ​യ്യു​ക​യും ചെ​യ്തു.

ക​മ്പി​പ്പാ​ര​യു​ടെ തു​മ്പ് വ​ള​ഞ്ഞി​രി​ക്കു​ന്ന കാ​ര്യം വീ​ട്ടു​ട​മ​സ്ഥ പ​റ​ഞ്ഞ​തോ​ടെ മു​ത്തു​കു​മാ​ർ ചു​റ്റി​ക ഉ​പ​യോ​ഗി​ച്ച് നി​വ​ർ​ത്തി​ക്കൊ​ടു​ത്ത​താ​യി വീ​ട്ടു​ട​മ​സ്ഥ പൊ​ലീ​സി​നോ​ട് പ​റ​ഞ്ഞു. തൂ​മ്പ സ​മീ​പ​ത്തെ മ​റ്റൊ​രു വീ​ട്ടി​ൽ​നി​ന്ന്​ പു​ല്ലു​ചെ​ത്താ​നെ​ന്ന് വ്യാ​ജേ​ന ചോ​ദി​ച്ചു വാ​ങ്ങു​ക​യാ​യി​രു​ന്നു​വെ​ന്നും പ്ര​തി പൊ​ലീ​സി​നോ​ട് പ​റ​ഞ്ഞു. തു​ട​ർ​ന്ന്​ പ്ര​തി​യു​മാ​യി സം​ഭ​വം ന​ട​ന്ന വീ​ട്ടി​ലെ​ത്തി. കൊ​ല​പാ​ത​കം ന​ട​ത്തി​യ രീ​തി പൊ​ലീ​സി​ന് കാ​ണി​ച്ചു​കൊ​ടു​ത്തു. കൊ​ല്ല​പ്പെ​ടു​ത്താ​ൻ നേ​ര​ത്തേ തീ​രു​മാ​നി​ച്ച പ്ര​തി​ക​ൾ ഇ​തി​നാ​യി ബി​ന്ദു​കു​മാ​റി​നെ ച​ങ്ങ​നാ​ശ്ശേ​രി പൂ​വ​ത്തെ മു​ത്തു​കു​മാ​റി​ന്‍റെ വാ​ട​ക​വീ​ട്ടി​ലേ​ക്ക്​ വി​ളി​ച്ചു​വ​രു​ത്തു​ക​യാ​യി​രു​ന്നു​വെ​ന്നാ​ണ്​ നി​ഗ​മ​നം.

സം​ഭ​വ​ത്തി​നു​മു​മ്പ് പ്ര​തി​ക​ളും ബി​ന്ദു​കു​മാ​റും വീ​ട്ടി​ൽ ത​യാ​റാ​ക്കി​വെ​ച്ചി​രു​ന്ന ഭ​ക്ഷ​ണ​വും മ​ദ്യ​വും ക​ഴി​ച്ചു. ഇ​തി​നി​ടെ പ്ര​തി മു​ത്തു​കു​മാ​ർ ബി​ന്ദു​കു​മാ​റി​ന്‍റെ പി​റ​കി​ൽ​നി​ന്ന് ക​ഴു​ത്തി​ന് ചു​റ്റി​പ്പി​ടി​ക്കു​ക​യും കൂ​ട്ടു​പ്ര​തി​ക​ൾ ക്രൂ​ര​മാ​യി മ​ർ​ദി​ക്കു​ക​യു​മാ​യി​രു​ന്നു. ബി​ന്ദു​കു​മാ​ർ മ​രി​ച്ചെ​ന്ന് വ്യ​ക്ത​മാ​യ​തോ​ടെ കു​ഴി​ച്ചു​മൂ​ടാ​ൻ തീ​രു​മാ​നി​ച്ചു. ഇ​തി​നാ​യി നേ​ര​ത്തേ വാ​ങ്ങി​വെ​ച്ചി​രു​ന്ന തൂ​മ്പ​യും സ​മീ​പ​ത്ത വീ​ട്ടി​ൽ​നി​ന്ന് കൊ​ണ്ടു​വ​ന്ന ക​മ്പി​പ്പാ​ര​യും ഉ​പ​യോ​ഗി​ച്ച് അ​ടു​ക്ക​ളു​യോ​ട്​ ചേ​ർ​ന്നു​ള്ള ചാ​യ്​​പ്പി​ല്‍ പ്ര​തി​ക​ൾ ര​ണ്ട​ര അ​ടി താ​ഴ്ച​യി​ൽ കു​ഴി​യെ​ടു​ത്ത്​ മൃ​ത​ദേ​ഹം മൂ​ടി​യ​ശേ​ഷം ക​രു​തി​വെ​ച്ചി​രു​ന്ന സി​മ​ന്‍റ്​ ഉ​പ​യോ​ഗി​ച്ച് ത​റ തേ​ച്ചു​മി​നു​ക്കി. സി​മ​ന്‍റ്​ മു​ക്കാ​ട്ടു​പ​ടി​യി​ൽ​നി​ന്നും തേ​ക്കാ​നു​പ​യോ​ഗി​ച്ച ക​ര​ണ്ടി മാ​ർ​ക്ക​റ്റ് റോ​ഡി​ലെ ക​ട​യി​ൽ​നി​ന്നും വാ​ങ്ങി​യ​താ​യി മു​ത്തു​കു​മാ​ർ മൊ​ഴി ന​ൽ​കി.

വീ​ടി​നു​ള്ളി​ൽ​നി​ന്ന് ഒ​ഴി​ഞ്ഞ മ​ദ്യ​ക്കു​പ്പി​ക​ളും വെ​ള്ള​ക്കു​പ്പി​യും ഭ​ക്ഷ​ണാ​വ​ശി​ഷ്ട​ങ്ങ​ളും ക​ണ്ടെ​ടു​ത്തു. ച​ങ്ങ​നാ​ശ്ശേ​രി ഡി​വൈ.​എ​സ്.​പി സി.​ജി. സ​ന​ൽ​കു​മാ​ർ സി.​ഐ റി​ച്ചാ​ർ​ഡ് വ​ർ​ഗീ​സ് എ​ന്നി​വ​രു​ടെ നേ​തൃ​ത്വ​ത്തി​ലാ​ണ് തെ​ളി​വെ​ടു​പ്പ് ന​ട​ത്തി​യ​ത്. ആ​ല​പ്പു​ഴ​യി​ൽ​നി​ന്ന്​ ച​ങ്ങ​നാ​ശ്ശേ​രി സ്റ്റേ​ഷ​നി​ലെ​ത്തി​ച്ച പ്ര​തി​യെ ചോ​ദ്യം ചെ​യ്ത​തി​ന് ശേ​ഷം തെ​ളി​വെ​ടു​പ്പി​നാ​യി പൂ​വ​ത്തെ വീ​ട്ടി​ലെ​ത്തി​ച്ച​ത്.

ബിന്ദുകുമാറിന് ക്രൂരമർദനമേറ്റെന്ന് പോസ്റ്റ്മോർട്ടം റിപ്പോർട്ട്

ച​ങ്ങ​നാ​ശ്ശേ​രി: കൊ​ല്ല​പ്പെ​ട്ട ബി​ന്ദു​കു​മാ​റി​ന് ക്രൂ​ര​മ​ർ​ദ​നം ഏ​റ്റ​താ​യി പോ​സ്റ്റ്മോ​ർ​ട്ടം റി​പ്പോ​ർ​ട്ട്. ഞാ​യ​റാ​ഴ്ച ന​ട​ത്തി​യ പോ​സ്റ്റ്​​മോ​ർ​ട്ട​ത്തി​ലാ​ണ് മ​ർ​ദ​ന​മേ​റ്റ​താ​യി ക​ണ്ടെ​ത്തി​യ​ത്. ക​ടു​ത്ത മ​ർ​ദ​ന​മാ​ണ്​ മ​ര​ണ​കാ​ര​ണ​മെ​ന്നാ​ണ്​ പ്രാ​ഥ​മി​ക നി​ഗ​മ​നം. വാ​രി​യെ​ല്ലു​ക​ൾ ഒ​ടി​ഞ്ഞ​നി​ല​യി​ലാ​ണ്. ശ​രീ​ര​ത്തി​ന്‍റെ പ​ല ഭാ​ഗ​ങ്ങ​ളി​ലും എ​ല്ലു​ക​ൾ​ക്ക്​ പൊ​ട്ട​ൽ സം​ഭ​വി​ച്ച​താ​യും റി​പ്പോ​ർ​ട്ടി​ലു​ണ്ട്. പ്ര​തി​ക​ൾ ചേ​ർ​ന്ന്​ ബി​ന്ദു​കു​മാ​റി​നെ ക്രൂ​ര​മാ​യി മ​ർ​ദി​ച്ച്​ കൊ​ല​പ്പെ​ടു​ത്തി​യ​ശേ​ഷം കു​ഴി​ച്ചി​ട്ട​താ​കാ​മെ​ന്നാ​ണ്​ പൊ​ലീ​സ്​ വി​ല​യി​രു​ത്ത​ൽ. വൈ​കീ​ട്ട്​ 4.30യോ​ടെ മു​ത്തു​കു​മാ​റി​നെ കൃ​ത്യം ന​ട​ത്തി​യ പൂ​വം ക​ട​ത്തി​ലെ വീ​ട്ടി​ലെ​ത്തി​ച്ച് പൊ​ലീ​സ് തെ​ളി​വെ​ടു​പ്പ് ന​ട​ത്തി. ഇ​യാ​ൾ കു​റ്റ​കൃ​ത്യം ന​ട​ത്തി​യ​ത് പൊ​ലീ​സി​ന്​ കാ​ണി​ച്ചു​കൊ​ടു​ത്തു. വ്യ​ക്തി​വൈ​രാ​ഗ്യ​മാ​ണ് കൊ​ല​പാ​ത​ക​ത്തി​ലേ​ക്ക് ന​യി​ച്ച​തെ​ന്നാ​ണ് പൊ​ലീ​സ് നി​ഗ​മ​നം.

കൂ​ട്ടു പ്ര​തി​ക​ളെ കൂ​ടി ല​ഭി​ച്ചാ​ലെ കൃ​ത്യ​മാ​യ കാ​ര​ണം വ്യ​ക്​​ത​മാ​കു​​ക​യു​ള്ളൂ​വെ​ന്ന്​ പൊ​ലീ​സ്​ പ​റ​യു​ന്നു. കൊ​ല​പാ​ത​ക കാ​ര​ണ​മ​ട​ക്കം വ്യ​ക്​​ത​മാ​ക്കാ​ൻ പ്ര​തി​യെ വി​ശ​ദ​മാ​യി പൊ​ലീ​സ്​ ചോ​ദ്യം ചെ​യ്ത്​ വ​രി​ക​യാ​ണ്. ച​ങ്ങ​നാ​ശ്ശേ​രി ഡി​വൈ.​എ​സ്.​പി​യു​ടെ മേ​ൽ​നോ​ട്ട​ത്തി​ൽ ജി​ല്ല​യി​ലെ മൂ​ന്ന് സി.​ഐ​മാ​രും എ​സ്.​ഐ​മാ​രും അ​ട​ങ്ങു​ന്ന 20 അം​ഗ സം​ഘ​മാ​ണ് അ​ന്വേ​ഷ​ണം ന​ട​ത്തു​ന്ന​ത്.