ഗ​ർ​ഭി​ണി​യാ​യ ഭാ​ര്യ​യെ മ​ണ്ണെ​ണ്ണ ഒ​ഴി​ച്ച് തീ ​കൊ​ളു​ത്തിക്കൊന്ന പ്രതിക്ക്​ ജീവപര്യന്തം

തൊ​ടു​പു​ഴ: ഗ​ർ​ഭി​ണി​യാ​യ ഭാ​ര്യ​യെ മ​ണ്ണെ​ണ്ണ ഒ​ഴി​ച്ച് തീ ​കൊ​ളു​ത്തി കൊ​ല​പ്പെ​ടു​ത്തി​യ കേ​സി​ലെ പ്ര​തി​ക്ക്​ ജീ​വ​പ​ര്യ​ന്തം ത​ട​വും 25,000 രൂ​പ പി​ഴ​യും. ഇ​ടു​ക്കി ബൈ​സ​ൺ​വാ​ലി കോ​മാ​ളി​ക്കു​ടി ആ​ദി​വാ​സി കോ​ള​നി​യി​ലെ താ​മ​സ​ക്കാ​ര​നാ​യ ചി​ന്ന​നെ​യാ​ണ്​ തൊ​ടു​പു​ഴ അ​ഡീ​ഷ​ന​ൽ സെ​ഷ​ൻ​സ്​ കോ​ട​തി ശി​ക്ഷി​ച്ച​ത്. പി​ഴ അ​ട​ച്ചി​ല്ലെ​ങ്കി​ൽ ആ​റ്​ മാ​സം കൂ​ടി ത​ട​വ്​ അ​നു​ഭ​വി​ക്ക​ണം.

2012 മേ​യ്​ 14നാ​ണ്​ കേ​സി​നാ​സ്​​പ​ദ​മാ​യ സം​ഭ​വം. ര​ണ്ടാം ഭാ​ര്യ ഇൗ​ശ്വ​രി​​ക്കൊ​പ്പം (26) മാ​ങ്കു​ളം സി​ങ്കു​കു​ടി ആ​ദി​വാ​സി കോ​ള​നി​യി​ലാ​യി​രു​ന്നു ചി​ന്ന​ൻ താ​മ​സം. സം​ഭ​വ ദി​വ​സം ഇൗ​ശ്വ​രി​യു​മാ​യി ചി​ന്ന​ൻ വ​ഴ​ക്കി​ടു​ക​യും തു​ട​ർ​ന്ന്​ മ​ണ്ണെ​ണ്ണ ദേ​ഹ​ത്തൊ​ഴി​ച്ച് തീ ​കൊ​ളു​ത്തു​ക​യു​മാ​യി​രു​ന്നു.

അ​ഞ്ച്​ മാ​സം ഗ​ർ​ഭി​ണി​യാ​യി​രു​ന്ന ഇൗ​ശ്വ​രി ശ​രീ​ര​മാ​സ​ക​ലം ഗു​രു​ത​ര പൊ​ള്ള​ലേ​റ്റ്​ കോ​ട്ട​യം മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ൽ ചി​കി​ത്സ​യി​ൽ ഇ​രി​ക്ക​വെ​യാ​ണ് മ​രി​ച്ച​ത്. സം​ഭ​വ​സ​മ​യം വീ​ട്ടി​ൽ മ​റ്റാ​രും ഉ​ണ്ടാ​യി​രു​ന്നി​ല്ല. ആ​ദ്യ ഭാ​ര്യ​ക്കൊ​പ്പം താ​മ​സി​ക്കാ​നു​ള്ള ചി​ന്ന​െൻറ തീ​രു​മാ​ന​ത്തെ ചൊ​ല്ലി​യു​ണ്ടാ​യ ത​ർ​ക്ക​മാ​ണ്​ കൊ​ല​പാ​ത​ക​ത്തി​ൽ ക​ലാ​ശി​ച്ച​ത്.

ദൃ​ക്സാ​ക്ഷി​ക​ൾ ഇ​ല്ലാ​തി​രു​ന്ന കേ​സി​ൽ ഇ​ൗ​ശ്വ​രി​യു​ടെ മ​ര​ണ​മൊ​ഴി​യും അ​യ​ൽ​വാ​സി​ക​ളു​ടെ മൊ​ഴി​ക​ളും സാ​ഹ​ച​ര്യ​ത്തെ​ളി​വു​ക​ളു​മാ​ണ്​ നി​ർ​ണാ​യ​ക​മാ​യ​ത്. മൂ​ന്നാ​ർ മു​ൻ എ​സ്.​ഐ സോ​ണി മ​ത്താ​യി, മു​ൻ സി.​ഐ പി.​ഡി. മോ​ഹ​ന​ൻ, അ​ന്ന​ത്തെ ഡി​വൈ.​എ​സ്.​പി വി.​എ​ൻ. സ​ജി എ​ന്നി​വ​രു​ടെ മേ​ൽ​നോ​ട്ട​ത്തി​ലാ​യി​രു​ന്നു അ​ന്വേ​ഷ​ണം. േപ്രാ​സി​ക്യൂ​ഷ​ന്​ വേ​ണ്ടി അ​ഡീ​ഷ​ന​ൽ പ​ബ്ലി​ക് േപ്രാ​സി​ക്യൂ​ട്ട​ർ അ​ഡ്വ. മ​നോ​ജ് കു​ര്യ​ൻ ഹാ​ജ​രാ​യി.