യാ​ത്ര​ക്കാ​ര​നെ ആ​ക്ര​മി​ച്ച് കാ​റും പ​ണ​വും ക​വ​ർ​ന്ന കേസിലെ പ്ര​തി പി​ടി​യി​ൽ

വേ​ങ്ങ​ര: ര​ണ്ടു​വ​ര്‍ഷം മു​മ്പ് യാ​ത്ര​ക്കാ​ര​നെ ആ​ക്ര​മി​ച്ച് ആ​ഡം​ബ​ര കാ​റും പ​ണ​വും ക​വ​ര്‍ന്ന കേ​സി​ല്‍ ഒ​ളി​വി​ല്‍ പോ​യ പ്ര​തി പി​ടി​യി​ൽ. തൃ​ശൂ​ര്‍ ആ​ളൂ​ര്‍ ചേ​രി​യേ​ക്ക​ര വീ​ട്ടി​ല്‍ നി​ജി​ല്‍ തോ​മ​സാ​ണ് (33) വീ​ടി​ന​ടു​ത്തു​നി​ന്നും കോ​ങ്ങാ​ട് പൊ​ലീ​സി​െൻറ പി​ടി​യി​ലാ​യ​ത്.

2019 സെ​പ്​​റ്റം​ബ​ര്‍ 29ന് ​പു​ല​ര്‍ച്ച​യാ​യി​രു​ന്നു തി​രു​പ്പൂ​രി​ല്‍നി​ന്ന് മ​ല​പ്പു​റ​ത്തേ​ക്ക് വ​രു​ക​യാ​യി​രു​ന്ന വേ​ങ്ങ​ര സ്വ​ദേ​ശി സെ​യ്ത​ല​വി​യെ മു​ണ്ടൂ​ര്‍ എം.​ഇ.​എ​സ്‌ ഐ.​ടി.​ഐ​ക്ക്​ സ​മീ​പം ആ​ക്ര​മി​ച്ച് ഏ​ഴ​ര​ല​ക്ഷം രൂ​പ​യു​ടെ കാ​റും 40,000 രൂ​പ​യും ക​വ​ര്‍ന്ന​ത്. കാ​ർ നേ​ര​ത്തേ ക​ഞ്ചാ​വു​ക​ട​ത്തു​കേ​സി​ൽ എ​റ​ണാ​കു​ള​ത്തു​വെ​ച്ച് എ​ക്സൈ​സ് സം​ഘം പി​ടി​കൂ​ടി​യി​രു​ന്ന​താ​യി സെ​യ്ത​ല​വി പ​റ​ഞ്ഞു.

കാ​റി​െൻറ ന​മ്പ​ർ മാ​റ്റി​യാ​യി​രു​ന്നു ക​ഞ്ചാ​വു​ക​ട​ത്തു​കാ​ർ ഉ​പ​യോ​ഗി​ച്ചി​രു​ന്ന​ത്. കേ​സി​ൽ കൂ​ടു​ത​ൽ പ്ര​തി​ക​ളു​ണ്ടെ​ന്ന​റി​യു​ന്നു. നി​ജി​ൽ തോ​മ​ സും സം​ഘ​വും കാ​ർ ചു​രു​ങ്ങി​യ വി​ല​ക്കാ​ണ് ക​ഞ്ചാ​വു​ക​ട​ത്തു​കാ​ർ​ക്ക് വി​റ്റ​ത്. സ​മാ​ന​മാ​യ പ​ല കേ​സി​ലും ഇ​യാ​ള്‍ പ്ര​തി​യാ​ണെ​ന്ന് പൊ​ലീ​സ്​ പ​റ​ഞ്ഞു.

കോ​ങ്ങാ​ട് എ​സ്.​എ​ച്ച്.​ഒ ജെ.​ആ​ര്‍. ര​ഞ്ജി​ത്ത് കു​മാ​ര്‍, എ​സ്‌.​ഐ കെ. ​മ​ണി​ക​ണ്ഠ​ന്‍, എ.​എ​സ്‌.​ഐ​മാ​രാ​യ വി. ​ര​മേ​ശ്, കെ.​പി. നാ​രാ​യ​ണ​ന്‍കു​ട്ടി, എ​സ്‌.​സി.​പി.​ഒ​മാ​രാ​യ എം. ​മൈ​സ​ല്‍ ഹ​ക്കിം, പി. ​സ​ന്തോ​ഷ്, സി. ​ഷ​മീ​ര്‍, എ​സ്. സ​ജു എ​ന്നി​വ​ര​ട​ങ്ങു​ന്ന സം​ഘ​മാ​ണ് അ​ന്വേ​ഷ​ണ​ത്തി​ന് നേ​തൃ​ത്വം ന​ല്‍കി​യ​ത്.