Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightCrimechevron_rightഗുണ്ടുമലയിലെ ...

ഗുണ്ടുമലയിലെ കൊ​ല​പാ​ത​ക​ങ്ങ​ളും ദു​രൂ​ഹ മ​ര​ണ​വും; ആശങ്കയോടെ തൊഴിലാളികൾ

text_fields
bookmark_border
ഗുണ്ടുമലയിലെ  കൊ​ല​പാ​ത​ക​ങ്ങ​ളും ദു​രൂ​ഹ മ​ര​ണ​വും; ആശങ്കയോടെ തൊഴിലാളികൾ
cancel

മൂ​ന്നാ​ർ: തോ​ട്ടം തൊ​ഴി​ലാ​ളി​ക​ൾ തി​ങ്ങി​പ്പാ​ർ​ക്കു​ന്ന ഗു​ണ്ടു​മ​ല എ​സ്റ്റേ​റ്റി​ലെ മ​ര​ണ​ങ്ങ​ളി​ൽ ആ​ശ​ങ്ക​യോ​ടെ തൊ​ഴി​ലാ​ളി​ക​ൾ. എ​സ്റ്റേ​റ്റി​ൽ നാ​ലു​വ​ർ​ഷ​ത്തി​നി​ടെ മൂ​ന്ന് കൊ​ല​പാ​ത​ക​ങ്ങ​ളും ഒ​രു ദു​രൂ​ഹ മ​ര​ണ​വു​മാ​ണ്​ ന​ട​ന്ന​ത്​. ഒ​രു കൊ​ല​പാ​ത​ക​ത്തി​ൽ മാ​ത്ര​മാ​ണ് മാ​സ​ങ്ങ​ൾ​ക്കു​ശേ​ഷം പ്ര​തി​ക​ളെ അ​റ​സ്റ്റ് ചെ​യ്ത​ത്. മ​റ്റ്​ കേ​സു​ക​ൾ ഇ​നി​യും തെ​ളി​യി​ക്കാ​നാ​യി​ട്ടി​ല്ല. ക​ഴി​ഞ്ഞ 25ന് ​ഝാ​ർ​ഖ​ണ്ഡ് സ്വ​ദേ​ശി​ക​ളാ​യ ര​ണ്ടു​പേ​ർ ഒ​പ്പം ജോ​ലി ചെ​യ്തി​രു​ന്ന ശ​ര​ൺ സോ​യി​യെ(29) വെ​ട്ടി​യും കു​ത്തി​യും കൊ​ല​പ്പെ​ടു​ത്തു​ക​യാ​യി​രു​ന്നു. മൃ​ഗീ​യ​മാ​യ കൊ​ല​പാ​ത​കം ന​ട​ത്തി​യ പ്ര​തി​ക​ൾ സ്വ​ദേ​ശ​ത്തേ​ക്ക് ക​ട​ന്ന​താ​യാ​ണ് പൊ​ലീ​സ് ക​രു​തു​ന്ന​ത്. അ​ഞ്ചം​ഗ പൊ​ലീ​സ് സം​ഘം ഝാ​ർ​ഖ​ണ്ഡി​ലേ​ക്ക് പോ​യി​ട്ടു​ണ്ടെ​ങ്കി​ലും പ്ര​തി​ക​ൾ പി​ടി​യി​ലാ​യി​ട്ടി​ല്ല.

ഗു​ണ്ടു​മ​ല എ​സ്റ്റേ​റ്റ് ല​യ​ത്തി​ലെ മു​റി​യി​ൽ ഊ​ഞ്ഞാ​ലി​ന്‍റെ ക​യ​റി​ൽ തൂ​ങ്ങി​മ​രി​ച്ച നി​ല​യി​ൽ ഒ​മ്പ​ത് വ​യ​സ്സു​കാ​രി​യെ ക​ണ്ടെ​ത്തി​യ സം​ഭ​വ​വും നാ​ടി​നെ ന​ടു​ക്കി. പോ​സ്റ്റ്മോ​ർ​ട്ടം റി​പ്പോ​ർ​ട്ടി​ൽ പെ​ൺ​കു​ട്ടി ലൈം​ഗി​ക പീ​ഡ​ന​ത്തി​ന് ഇ​ര​യാ​യ​താ​യി തെ​ളി​ഞ്ഞ​തോ​ടെ കു​ട്ടി​യു​ടെ മ​ര​ണം കൊ​ല​പാ​ത​ക​മാ​ണെ​ന്നും ബോ​ധ്യ​മാ​യി. പ​ക്ഷേ, ലോ​ക്ക​ൽ പൊ​ലീ​സും ക്രൈം​ബ്രാ​ഞ്ചും അ​ന്വേ​ഷി​ച്ചി​ട്ടും കേ​സ് തെ​ളി​യി​ക്കാ​ൻ ക​ഴി​ഞ്ഞി​ല്ല. ഒ​ടു​വി​ൽ രാ​ഷ്ട്രീ​യ ക​ക്ഷി​ക​ളും നാ​ട്ടു​കാ​രും നി​ര​ന്ത​രം സ​മ​രം ന​ട​ത്തി​യ​തോ​ടെ ജി​ല്ല പൊ​ലീ​സ് മേ​ധാ​വി പ്ര​ത്യേ​ക അ​ന്വേ​ഷ​ണ സം​ഘ​ത്തെ നി​യോ​ഗി​ച്ചു. ഇ​വ​രു​ടെ അ​ന്വേ​ഷ​ണ​വും പ്ര​തി​യി​ലേ​ക്ക്​ എ​ത്താ​ൻ സ​ഹാ​യാ​മാ​യി​ട്ടി​ല്ല.

2018 ഫെ​ബ്രു​വ​രി 14ന് ​തേ​യി​ല ക​മ്പ​നി​യു​ടെ ശി​ശു​പ​രി​പാ​ല​ന കേ​ന്ദ്ര​ത്തി​ലെ ആ​യ രാ​ജ​ഗു​രു​വി​നെ കു​ട്ടി​ക​ളു​ടെ മു​ന്നി​ലി​ട്ട് വെ​ട്ടി​ക്കൊ​ല​പ്പെ​ടു​ത്തി. ഇ​വ​ർ ധ​രി​ച്ചി​രു​ന്ന 12 പ​വ​നോ​ളം സ്വ​ർ​ണ​വും ക​വ​ർ​ന്നാ​ണ് അ​ക്ര​മി ര​ക്ഷ​പ്പെ​ട്ട​ത്. സാ​ക്ഷി​ക​ളി​ല്ലാ​തി​രു​ന്ന കേ​സി​ലെ പ്ര​തി​യെ മാ​സ​ങ്ങ​ൾ​ക്കു​ശേ​ഷം പൊ​ലീ​സ് അ​റ​സ്റ്റ്​ ചെ​യ്തു. രാ​ജ​ഗു​രു​വി​ന്‍റെ ഇ​ള​യ​മ​ക​ൻ രാ​ജ്കു​മാ​റും ഇ​യാ​ളെ ര​ക്ഷ​പ്പെ​ടാ​ൻ സ​ഹാ​യി​ച്ച പി​താ​വ്​ മ​ണി​കു​മാ​റും ആ​യി​രു​ന്നു പ്ര​തി​ക​ൾ. രാ​ജ​ഗു​രു​വി​ന്‍റെ മു​ഖ​ത്തും ത​ല​യി​ലു​മാ​യി ആ​റോ​ളം വെ​ട്ടു​ക​ളാ​ണ് ഉ​ണ്ടാ​യി​രു​ന്ന​ത്. മ​ക​ൻ സ്വ​ന്തം അ​മ്മ​യെ മൃ​ഗീ​യ​മാ​യി കൊ​ല​പ്പെ​ടു​ത്തി​യ സം​ഭ​വം തോ​ട്ടം മേ​ഖ​ല​യെ ന​ടു​ക്കി. ഈ ​കൊ​ല​പാ​ത​കം ന​ട​ന്ന് അ​ധി​കം വൈ​കാ​തെ ഒ​രു അ​ന്ത​ർ​സം​സ്ഥാ​ന തൊ​ഴി​ലാ​ളി​യെ എ​സ്റ്റേ​റ്റി​ൽ തൂ​ങ്ങി​മ​രി​ച്ച നി​ല​യി​ൽ ക​ണ്ടെ​ത്തു​ക​യാ​യി​രു​ന്നു. ഈ ​മ​ര​ണ​ത്തി​ന്​ ​പി​ന്നി​ലെ ദു​രൂ​ഹ​ത​യും നീ​ങ്ങി​യി​ട്ടി​ല്ല.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:Murder CasesGundumala
News Summary - Deaths in Gundumala; Workers with anxiety
Next Story