സൈബർ ചതിക്കുഴികളിൽനിന്ന് കുട്ടികളെ രക്ഷിക്കുക

മ​നാ​മ: സ​മൂ​ഹ​മാ​ധ്യ​മ​ങ്ങ​ളി​ലും ഇ​ല​ക്ട്രോ​ണി​ക് ഗെ​യിം​സ് ആ​പ്പു​ക​ളി​ലും ഒ​ളി​ഞ്ഞി​രി​ക്കു​ന്ന ച​തി​ക്കു​ഴി​ക​ൾ സം​ബ​ന്ധി​ച്ച് കു​ട്ടി​ക​ളു​ടെ ര​ക്ഷി​താ​ക്ക​ൾ ബോ​ധ​വാ​ന്മാ​രാ​യി​രി​ക്ക​ണ​മെ​ന്ന് ആ​ഭ്യ​ന്ത​ര മ​ന്ത്രാ​ല​യം. കു​ട്ടി​ക​ളെ വ​ഴി​തെ​റ്റി​ക്കു​ന്ന നി​ര​വ​ധി ആ​പ്പു​ക​ളും ഗെ​യി​മു​ക​ളും ഇ​ന്റ​ർ​നെ​റ്റി​ൽ വ്യാ​പ​ക​മാ​യ പ​ശ്ചാ​ത്ത​ല​ത്തി​ലാ​ണ് ജ​ന​റ​ൽ ഡ​യ​റ​ക്ട​റേ​റ്റ് ഫോ​ർ ആ​ൻ​റി ക​റ​പ്ഷ​ൻ ആ​ൻ​ഡ് ഇ​ക്ക​ണോ​മി​ക് ആ​ൻ​ഡ് ഇ​ല​ക്‌​ട്രോ​ണി​ക് സെ​ക്യൂ​രി​റ്റി​ക്ക് കീ​​ഴി​ലെ ചൈ​ൽ​ഡ് സൈ​ബ​ർ പ്രൊ​ട്ട​ക്ഷ​ൻ യൂ​നി​റ്റ് ഇ​തു​സം​ബ​ന്ധി​ച്ച നി​ർ​ദേ​ശം പു​റ​പ്പെ​ടു​വി​ച്ച​ത്.

ആ​പ്പു​ക​ളും ഗെ​യി​മു​ക​ളും ഉ​പ​യോ​ഗി​ക്കു​ന്ന​തി​ന്റെ അ​പ​ക​ട​ങ്ങ​ളെ​ക്കു​റി​ച്ച് കു​ട്ടി​ക​ളെ ര​ക്ഷി​താ​ക്ക​ൾ ബോ​ധ​വ​ത്ക​രി​ക്ക​ണം. കു​ട്ടി​ക​ൾ എ​ന്താ​ണ് കാ​ണു​ന്ന​തെ​ന്ന കാ​ര്യ​ത്തി​ൽ ശ്ര​ദ്ധ​യു​ണ്ടാ​ക​ണം. സൈ​ബ​ർ സ്​​പേ​സ് വ​ഴി ഏ​തെ​ങ്കി​ലും ഭീ​ഷ​ണി നേ​രി​ടു​ക​യാ​ണെ​ങ്കി​ൽ സ​ധൈ​ര്യം അ​തി​നെ നേ​രി​ടാ​നും അ​ധി​കൃ​ത​ർ​ക്ക് റി​പ്പോ​ർ​ട്ട് ചെ​യ്യാ​നും കു​ട്ടി​ക​ൾ​ക്കാ​വ​ണം.

കു​ട്ടി​ക​ളു​ടെ സ്വ​കാ​ര്യ ഫോ​ട്ടോ​യും വി​ഡി​യോ​യും കൈ​വ​ശ​പ്പെ​ടു​ത്തി​യ​ശേ​ഷം ബ്ലാ​ക്ക് മെ​യി​ലി​ങ്ങി​നു​വി​ധേ​യ​മാ​ക്കു​ന്ന​താ​യി ക​ണ്ടു​വ​രു​ന്നു​ണ്ട്. വ്യാ​ജ പേ​രി​ലാ​ണ് ഇ​ത്ത​ര​ക്കാ​ർ കു​ട്ടി​ക​ളു​മാ​യി സൗ​ഹൃ​ദം സ്ഥാ​പി​ക്കു​ന്ന​ത്. വ്യാ​ജ ഫോ​ട്ടോ​യും വ്യാ​ജ പ്രൊ​ഫൈ​ലും അ​വ​ർ ഇ​തി​നാ​യി ഉ​പ​യോ​ഗി​ക്കു​ന്നു. സൈ​ബ​ർ ലോ​ക​ത്തി​ന്റെ സാ​ധ്യ​ത​ക​ൾ ഉ​പ​യോ​ഗ​പ്പെ​ടു​ത്തി ചാ​റ്റു​ക​ളി​ലൂ​ടെ അ​വ​ർ കു​ട്ടി​ക​ളു​ടെ വി​ശ്വാ​സം പി​ടി​ച്ചു​പ​റ്റും.

അ​തി​നു​ശേ​ഷം അ​വ​രു​ടെ സ്വ​കാ​ര്യ ചി​ത്ര​ങ്ങ​ൾ ആ​വ​ശ്യ​പ്പെ​ടും. അ​ത് കൈ​ക്ക​ലാ​ക്കി​യ​ശേ​ഷം അ​ത് ഇ​ൻ​റ​ർ​നെ​റ്റി​ൽ പ​ര​സ്യ​പ്പെ​ടു​ത്തു​മെ​ന്ന് പ​റ​ഞ്ഞ് ഭീ​ഷ​ണി മു​ഴ​ക്കു​ക​യാ​ണ് ചെ​യ്യാ​റ്. പ​ര​സ്യ​പ്പെ​ടു​ത്താ​തി​രി​ക്കാ​ൻ പ​ണ​വും മ​റ്റും ആ​വ​ശ്യ​പ്പെ​ടും. കു​ട്ടി​ക​ൾ പേ​ടി​ച്ച് അ​വ​രു​ടെ താ​ൽ​പ​ര്യ​ത്തി​ന് വ​ഴ​ങ്ങേ​ണ്ടി​വ​രും. എ​ന്നാ​ൽ, കു​ട്ടി​ക​ൾ ഇ​ത്ത​രം ത​ട്ടി​പ്പു​കാ​രെ​ക്കു​റി​ച്ച് ബോ​ധ​മു​ള്ള​വ​രാ​ണെ​ങ്കി​ൽ ഇ​ര​യാ​ക്ക​പ്പെ​ടു​ന്ന​ത് ഒ​ഴി​വാ​ക്കാ​ൻ ക​ഴി​യും.

രാ​ജ്യ​ത്തി​നു​പു​റ​ത്തു​നി​ന്നു​ള്ള അ​ജ്ഞാ​ത​ർ വ്യാ​ജ പേ​രു​ക​ളും അ​ക്കൗ​ണ്ടു​ക​ളും ഉ​പ​യോ​ഗി​ച്ച് ഇ​ത്ത​രം ത​ട്ടി​പ്പു​ന​ട​ത്തു​ന്ന​ത് സം​ബ​ന്ധി​ച്ച റി​പ്പോ​ർ​ട്ടു​ക​ൾ ല​ഭി​ച്ച​താ​യി ചൈ​ൽ​ഡ് സൈ​ബ​ർ പ്രൊ​ട്ട​ക്ഷ​ൻ യൂ​നി​റ്റ് ചൂ​ണ്ടി​ക്കാ​ട്ടി. മു​ൻ സം​ഭാ​ഷ​ണ​ങ്ങ​ളോ കു​ട്ടി​യു​ടെ അ​ക്കൗ​ണ്ടി​ൽ​നി​ന്ന് ല​ഭി​ച്ച സ്വ​കാ​ര്യ ഫോ​ട്ടോ​ക​ളോ ആ​പ്ലി​ക്കേ​ഷ​നി​ൽ പ്ര​സി​ദ്ധീ​ക​രി​ക്കു​മെ​ന്ന് ഭീ​ഷ​ണി​പ്പെ​ടു​ത്തി കു​ട്ടി​ക​ളെ ചൂ​ഷ​ണം ചെ​യ്യു​ക​യും പ​ണം ത​ട്ടി​യെ​ടു​ക്കു​ക​യും ചെ​യ്യു​ക എ​ന്ന​താ​ണ് അ​വ​ർ ഉ​പ​യോ​ഗി​ക്കു​ന്ന രീ​തി.

ഇ​ത്ത​രം ഭീ​ഷ​ണി വ​രു​മ്പോ​ൾ ഭ​യ​പ്പെ​ടാ​തെ ര​ക്ഷി​താ​ക്ക​ളെ അ​റി​യി​ക്കാ​നു​ള്ള വി​വേ​കം കു​ട്ടി​ക​ൾ​ക്കു​ണ്ടാ​ക​ണം. ര​ക്ഷി​താ​ക്ക​ളോ​ട് തു​റ​ന്നു സം​സാ​രി​ക്കാ​ൻ കു​ട്ടി​ക​ൾ​ക്ക് ക​ഴി​യു​ന്ന അ​ന്ത​രീ​ക്ഷം കു​ടും​ബ​ത്തി​ലു​ണ്ടാ​ക​ണം. കു​ട്ടി​ക​ൾ എ​ന്തു കാ​ണു​ന്നു​വെ​ന്നും ഏ​തൊ​ക്കെ ആ​പ്പു​ക​ൾ ഉ​പ​യോ​ഗി​ക്കു​ന്നു എ​ന്നും ര​ക്ഷി​താ​ക്ക​ൾ അ​റി​ഞ്ഞി​രി​ക്ക​ണം. സം​ശ​യാ​സ്പ​ദ​മാ​യി എ​ന്തെ​ങ്കി​ലും കാ​ണു​ക​യാ​ണെ​ങ്കി​ൽ ഉ​ട​ൻ പൊ​ലീ​സി​ൽ റി​പ്പോ​ർ​ട്ട് ചെ​യ്യ​ണം. ഇ​ൻ​റ​ർ​നെ​റ്റ് ശ​രി​യാ​യി ഉ​പ​യോ​ഗി​ക്കേ​ണ്ട​തെ​ങ്ങ​നെ എ​ന്ന​തു സം​ബ​ന്ധി​ച്ച് കു​ട്ടി​ക​ൾ​ക്ക് ബോ​ധ​വ​ത്ക​ര​ണം ന​ൽ​​കേ​ണ്ട​ത് അ​ത്യാ​വ​ശ്യ​മാ​ണ്. സ്കൂ​ൾ അ​ധി​കൃ​ത​ർ​ക്കും അ​ധ്യാ​പ​ക​ർ​ക്കും ഇ​തി​ൽ വ​ലി​യ പ​ങ്കു​വ​ഹി​ക്കാ​ൻ ക​ഴി​യും.