കാപ്പ ചുമത്തി നാടുകടത്തിയ ഗുണ്ടയെ നാട്ടില്‍നിന്ന് പിടികൂടി

കൊ​ട​ക​ര: കാ​പ്പ ചു​മ​ത്തി നാ​ടു​ക​ട​ത്തി​യി​ട്ടും വി​ല​ക്ക് ലം​ഘി​ച്ച് ജി​ല്ല​യി​ല്‍ പ്ര​വേ​ശി​ച്ച കു​പ്ര​സി​ദ്ധ ഗു​ണ്ട​യെ കൊ​ട​ക​ര പൊ​ലീ​സ് അ​റ​സ്റ്റു​ചെ​യ്തു. നെ​ല്ലാ​യി പ​ന്ത​ല്ലൂ​ര്‍ മ​ച്ചി​ങ്ങ​ല്‍ ഷൈ​ജു എ​ന്ന പ​ല്ല​ന്‍ ഷൈ​ജു​വാ​ണ് (43) അ​റ​സ്റ്റി​ലാ​യ​ത്. നി​ര​വ​ധി ക്രി​മി​ന​ല്‍ കേ​സു​ക​ളി​ല്‍ പ്ര​തി​യാ​യ ഇ​യാ​ളെ ക​ഴി​ഞ്ഞ ജ​നു​വ​രി 21 മു​ത​ല്‍ ഒ​രു​വ​ര്‍ഷ​ത്തേ​ക്ക് കാ​പ്പ ചു​മ​ത്തി റൂ​റ​ല്‍ എ​സ്.​പി നാ​ട് ക​ട​ത്തി​യി​രു​ന്നു.

ജി​ല്ല​യി​ല്‍ പ്ര​വേ​ശി​ക്കാ​നു​ള്ള വി​ല​ക്ക് ലം​ഘി​ച്ച് നാ​ട്ടി​ലെ​ത്തി​യ പ​ല്ല​ന്‍ ഷൈ​ജു​വി​നെ നെ​ല്ലാ​യി പ​ന്ത​ല്ലൂ​രി​ല്‍നി​ന്നാ​ണ് കൊ​ട​ക​ര എ​സ്.​എ​ച്ച്.​ഒ ജ​യേ​ഷ് ബാ​ല​നും പാ​ർ​ട്ടി​യും ചേ​ര്‍ന്ന് പി​ടി​കൂ​ടി​യ​ത്.

വി​ല​ക്ക് ലം​ഘി​ച്ച് ഏ​താ​നും മാ​സം മു​മ്പ് ജി​ല്ല പ​രി​ധി​യി​ല്‍ പ്ര​വേ​ശി​ച്ച് പൊ​ലീ​സി​നെ വെ​ല്ലു​വി​ളി​ച്ച് സ​മൂ​ഹ​മാ​ധ്യ​മ​ങ്ങ​ളി​ല്‍ ഇ​യാ​ള്‍ വി​ഡി​യോ പോ​സ്റ്റ് ചെ​യ്ത​ത് വി​വാ​ദ​മാ​യി​രു​ന്നു. സം​സ്ഥാ​ന​ത്തി​ന് അ​ക​ത്തും പു​റ​ത്തു​മാ​യി മ​യ​ക്കു​മ​രു​ന്ന്, കു​ഴ​ല്‍പ​ണം, അ​ടി​പി​ടി തു​ട​ങ്ങി ഇ​രു​പ​ത്ത​ഞ്ചോ​ളം ക്രി​മി​ന​ല്‍ കേ​സു​ക​ളി​ല്‍ പ്ര​തി​യാ​ണ്​ ഷൈ​ജു​വി​നെ ക​ഴി​ഞ്ഞ ജ​നു​വ​രി​യി​ലാ​ണ് കാ​പ്പ ചു​മ​ത്തി ജി​ല്ല​യി​ല്‍നി​ന്ന് നാ​ടു​ക​ട​ത്തി​യ​ത്.

പി​ടി​കൂ​ടി​യ പൊ​ലീ​സ് സം​ഘ​ത്തി​ല്‍ പ്ര​ബേ​ഷ​ന്‍ എ​സ്.​ഐ അ​നീ​ഷ്, സീ​നി​യ​ര്‍ സി​വി​ല്‍ പൊ​ലീ​സ് ഓ​ഫി​സ​ര്‍മാ​രാ​യ എം.​എ​സ്. ബൈ​ജു, ലി​ജോ​ണ്‍, ഷാ​ജു ചാ​തേ​ലി എ​ന്നി​വ​രു​ണ്ടാ​യി​രു​ന്നു. പ്ര​തി​യെ ഇ​രി​ങ്ങാ​ല​ക്കു​ട മ​ജി​സ്ട്രേ​റ്റ് കോ​ട​തി​യി​ല്‍ ഹാ​ജ​രാ​ക്കി റി​മാ​ൻ​ഡ് ചെ​യ്തു.