നിരവധി ക്രിമിനൽ കേസുകളിലെ പ്രതി ഗുണ്ട നിയമപ്രകാരം അറസ്റ്റിൽ

തി​രു​വ​ന​ന്ത​പു​രം: നി​ര​വ​ധി ക്രി​മി​ന​ൽ കേ​സു​ക​ളി​ലെ പ്ര​തി​യെ ഗു​ണ്ടാ നി​യ​മ പ്ര​കാ​രം അ​റ​സ്റ്റ് ചെ​യ്തു. മേ​നം​കു​ളം തു​മ്പ പു​തു​വ​ൽ പു​ര​യി​ട​ത്തി​ൽ ഡാ​ലി​യ ഹൗ​സി​ൽ അ​ജി​ത് ലി​യോ​ൺ എ​ന്ന ലി​യോ​ൺ ജോ​ൺ​സ​നെ (29) യാ​ണ് ക​ഴ​ക്കൂ​ട്ടം പൊ​ലീ​സ് അ​റ​സ്റ്റ് ചെ​യ്ത​ത്.

ക​ഴ​ക്കൂ​ട്ടം, തു​മ്പ, മ​ണ്ണ​ന്ത​ല, ക​ഠി​നം​കു​ളം, ക​ട​യ്ക്കാ​വൂ​ർ തു​ട​ങ്ങി​യ പൊ​ലീ​സ് സ്റ്റേ​ഷ​നു​ക​ളി​ലാ​യി കൊ​ല​പാ​ത​ക ശ്ര​മം, മ​യ​ക്കു​മ​രു​ന്ന്​ ക​ച്ച​വ​ടം, മോ​ഷ​ണം തു​ട​ങ്ങി ഇ​യാ​ൾ​ക്കെ​തി​രെ ഇ​രു​പ​തോ​ളം കേ​സു​ക​ൾ നി​ല​വി​ലു​ണ്ട്.

2015ൽ ​മേ​നം​കു​ളം ആ​റാ​ട്ടു​വ​ഴി പാ​ല​ത്തി​നു സ​മീ​പം യു​വാ​വി​നെ ബോം​ബെ​റി​ഞ്ഞ് കൊ​ല്ലാ​ൻ ശ്ര​മി​ച്ച കേ​സ്, മ​ദ്യം വാ​ങ്ങാ​ൻ പ​ണം ന​ൽ​കാ​ത്ത​തി​ലു​ള്ള വി​രോ​ധം മൂ​ലം തു​മ്പ ആ​റാ​ട്ടു​കു​ഴി പാ​ല​ത്തി​നു സ​മീ​പം യു​വാ​വി​നെ കു​ത്തി​ക്കൊ​ല​പ്പെ​ടു​ത്താ​ൻ ശ്ര​മി​ച്ച കേ​സ്, ആ​റാ​ട്ടു​കു​ഴി ജ​ങ്​​ഷ​നു​ സ​മീ​പം വെ​ച്ച് സ്ത്രീ​യെ​യും മ​ക​നെ​യും സം​ഘം ചേ​ർ​ന്ന് ദേ​ഹോ​പ​ദ്ര​വ​മേ​ൽ​പി​ച്ച കേ​സ്, ക​ഠി​നം​കു​ളം പു​തു​ക്കു​റി​ച്ചി​യി​ലു​ള്ള വീ​ട്ടി​ൽ ക​യ​റി സ്വ​ർ​ണ​വും പ​ണ​വും മൊ​ബൈ​ൽ ഫോ​ണും ക​വ​ർ​ന്ന കേ​സ്, പ​ള്ളി​ത്തു​റ ശാ​ന്തി​ന​ഗ​റി​ലു​ള്ള വീ​ട്ടി​ൽ ക​യ​റി സ്വ​ർ​ണ​വും പ​ണ​വും ക​വ​ർ​ന്ന കേ​സ്, നി​രോ​ധി​ത മ​യ​ക്കു​മ​രു​ന്നാ​യ എം.​ഡി.​എം.​എ വി​ൽ​പ​ന​ക്കി​ടെ ക​ട​യ്​​ക്കാ​വൂ​ർ റെ​യി​ൽ​വേ സ്റ്റേ​ഷ​ൻ പ​രി​സ​ര​ത്തു​നി​ന്ന്​ പി​ടി​യി​ലാ​യ കേ​സ്, പെ​രു​മാ​തു​റ ഭാ​ഗ​ത്തു​വെ​ച്ച് മ​യ​ക്കു​മ​രു​ന്ന് വി​ൽ​പ​ന​ക്കി​ടെ പി​ടി​യി​ലാ​യ​തു​ൾ​പ്പെ​ടെ​യു​ള്ള നി​ര​വ​ധി കേ​സു​ക​ളി​ലെ പ്ര​തി​യാ​ണി​യാ​ൾ.

ഡെ​പ്യൂ​ട്ടി പൊ​ലീ​സ് ക​മീ​ഷ​ണ​ർ അ​ജി​ത് കു​മാ​റി​ന്‍റെ നി​ർ​ദേ​ശ​പ്ര​കാ​രം സൈ​ബ​ർ സി​റ്റി എ.​സി.​പി ഹ​രി സി.​എ​സി​ന്‍റെ നേ​തൃ​ത്വ​ത്തി​ൽ ക​ഴ​ക്കൂ​ട്ടം എ​സ്.​എ​ച്ച്. ഒ ​പ്ര​വീ​ൺ ജെ.​എ​സ്, എ​സ്.​ഐ​മാ​രാ​യ മി​ഥു​ൻ, ജി​നു, എ​സ്.​സി.​പി.​ഒ​മാ​രാ​യ സ​ജാ​ദ് ഖാ​ൻ, ന​സി​മു​ദ്ദീ​ൻ, സി.​പി.​ഒ അ​രു​ൺ എ​ന്നി​വ​ര​ട​ങ്ങി​യ പൊ​ലീ​സ് സം​ഘ​മാ​ണ് ഇ​യാ​ളെ പി​ടി​കൂ​ടി​യ​ത്.