ഹോ​ട്ട​ൽ വ്യാ​പാ​രിയുടെ കൊല; ക്രൂരകൃത്യം വെളിപ്പെട്ടത്​ ​തുടർച്ചയായ ചോദ്യംചെയ്യലിൽ

തി​രൂ​ര്‍/​മ​ല​പ്പു​റം: ഹോ​ട്ട​ൽ വ്യാ​പാ​രി സി​ദ്ദീ​ഖി​നെ കൊ​ല​പ്പെ​ടു​ത്തി​യ കേ​സി​ല്‍ ഞെ​ട്ടി​ക്കു​ന്ന വി​വ​ര​ങ്ങ​ൾ​ വെ​ളി​പ്പെ​ട്ട​ത് പ്ര​തി​ക​ളാ​യ ഷി​ബി​ലി​യെ​യും ഫ​ര്‍ഹാ​ന​യെ​യും മ​ണി​ക്കൂ​റു​ക​ളോ​ളം ചോ​ദ്യം​ചെ​യ്ത ശേ​ഷം. ഹ​ണി ട്രാ​പ്പി​ല്‍ പെ​ടു​ത്താ​നു​ള്ള ശ്ര​മ​ത്തി​നി​ടെ​യാ​ണ് കൊ​ല​പാ​ത​ക​മെ​ന്ന​ പൊ​ലീ​സ്​ സം​ശ​യം ഒ​ടു​വി​ൽ സ​ത്യ​മാ​യി. പ്ര​തി​ക​ൾ ഹോ​ട്ട​ൽ റൂ​മി​ൽ സാ​മ്പ​ത്തി​ക​കാ​ര്യ​ങ്ങ​ള്‍ പ​റ​ഞ്ഞ് ക​ല​ഹ​മു​ണ്ടാ​വു​ക​യും തു​ട​ർ​ന്നു​ണ്ടാ​യ ആ​ക്ര​മ​ണ​ത്തി​ലാ​ണ്​ സി​ദ്ദീ​ഖ്​ മ​രി​ച്ച​തെ​ന്നും ക​ണ്ടെ​ത്തി. എ​ന്തെ​ങ്കി​ലും ക​ല​ഹ​മു​ണ്ടാ​യാ​ല്‍ പ്ര​തി​രോ​ധി​ക്കാ​ൻ ഫ​ര്‍ഹാ​ന ക​രു​തി​യി​രു​ന്ന ചു​റ്റി​ക ഷി​ബി​ലി​ക്ക് ന​ല്‍കു​ക​യും ഷി​ബി​ലി സി​ദ്ദീ​ഖി​ന്റെ ത​ല​ക്ക​ടി​ക്കു​ക​യു​മാ​യി​രു​ന്നു.

ട്രെയിൻ മാർഗം രക്ഷപ്പെടാൻ ശ്രമം; വിടാതെ പൊലീസ്​

തി​രൂ​ർ/​മ​ല​പ്പു​റം: കു​റ്റ​കൃ​ത്യ​ത്തി​നു ശേ​ഷം അ​യ​ൽ​സം​സ്ഥാ​ന​ത്തേ​ക്ക്​ ക​ട​ന്ന പ്ര​തി​ക​ളെ പൊ​ലീ​സ്​ കൃ​ത്യ​മാ​യ നി​രീ​ക്ഷ​ണ​ത്തി​ലൂ​ടെ​യാ​ണ്​ വ​ല​യി​ലാ​ക്കി​യ​ത്. സൈ​ബ​ർ പൊ​ലീ​സി​ന്‍റെ​യും മ​റ്റ് അ​ന്വേ​ഷ​ണ വി​ഭാ​ഗ​ങ്ങ​ളു​ടെ​യും പൂ​ർ​ണ സ​ഹ​ക​ര​ണ​ത്തോ​ടെ​യാ​ണ്​ പ്ര​തി​ക​ളെ ചെ​ന്നൈ​യി​ൽ​നി​ന്ന്​ പി​ടി​കൂ​ടി​യ​ത്. മൃ​ത​ദേ​ഹം മേ​യ് 19നാ​ണ്​ ചു​ര​ത്തി​ൽ ത​ള്ളി പ്ര​തി​ക​ൾ ക​ട​ന്ന​ത്. തു​ട​ർ​ന്ന് മേ​യ് 24ന് ​പു​ല​ര്‍ച്ച ഷി​ബി​ലി ഫ​ര്‍ഹാ​ന​യെ വീ​ട്ടി​ല്‍നി​ന്ന് കൊ​ണ്ടു​പോ​യി. അ​തേ​ദി​വ​സം വൈ​കീ​ട്ട്​ ഒ​റ്റ​പ്പാ​ല​ത്തു​നി​ന്ന് ട്രെ​യി​ന്‍ വ​ഴി ചെ​ന്നൈ​യി​ലെ​ത്തി. അ​വി​ടെ​നി​ന്ന് ട്രെ​യി​ന്‍ മാ​ര്‍ഗം അ​സ​മി​ലേ​ക്ക് ര​ക്ഷ​പ്പെ​ടാ​ന്‍ ശ്ര​മി​ക്കു​ന്ന​തി​നി​ടെ​യാ​ണ് പി​ടി​കൂ​ടി​യ​ത്. ആ​ർ.​പി.​എ​ഫ് സ​ഹാ​യ​ത്തോ​ടെ​യാ​ണ്​ കേ​ര​ള പൊ​ലീ​സ്​ പ്ര​തി​ക​ളെ ത​ന്ത്ര​പ​ര​മാ​യി വ​ല​യി​ലാ​ക്കി​യ​ത്. ശ​നി​യാ​ഴ്ച പു​ല​ർ​ച്ച മ​ല​പ്പു​റ​ത്തെ​ത്തി​ച്ച്​ അ​റ​സ്റ്റ്​ രേ​ഖ​പ്പെ​ടു​ത്തു​ക​യാ​യി​രു​ന്നു. ക​ഴി​ഞ്ഞ ദി​വ​സം കൂ​ട്ടു​പ്ര​തി​യാ​യ ആ​ഷി​ഖി​നെ​യും പി​ടി​കൂ​ടി​യി​രു​ന്നു.

ബാഗിൽ മൃതദേഹം കയറിയില്ല; കട്ടര്‍ ഉപയോഗിച്ച് മുറിച്ചു

തി​രൂ​ർ/​മ​ല​പ്പു​റം: ഹോ​ട്ട​ൽ വ്യാ​പാ​രി​യാ​യ സി​ദ്ദീ​ഖ് കൊ​ല്ല​പ്പെ​ട്ട ദി​വ​സം​ത​ന്നെ പ്ര​തി​ക​ൾ കോ​ഴി​ക്കോ​ട് മാ​നാ​ഞ്ചി​റ​യി​ല്‍ പോ​യി ഒ​രു ട്രോ​ളി ബാ​ഗ് വാ​ങ്ങി​യി​രു​ന്നു. എ​ന്നാ​ല്‍, ഒ​രു ബാ​ഗി​ല്‍ മൃ​ത​ദേ​ഹം ക​യ​റു​ന്നി​ല്ലെ​ന്ന് വ്യ​ക്ത​മാ​യ​തോ​ടെ അ​ടു​ത്ത ദി​വ​സം കോ​ഴി​ക്കോ​ട് ടൗ​ണി​ല്‍ പോ​യി അ​തേ ക​ട​യി​ല്‍നി​ന്ന് ഒ​രു ട്രോ​ളി ബാ​ഗ് കൂ​ടി വാ​ങ്ങി. കൂ​ടാ​തെ ഇ​ല​ക്ട്രി​ക് ക​ട്ട​റും വാ​ങ്ങി. തു​ട​ര്‍ന്ന് വീ​ണ്ടും ലോ​ഡ്ജ് മു​റി​യി​ലെ​ത്തി ബാ​ത്ത് റൂ​മി​ല്‍ വെ​ച്ച് സി​ദ്ദീ​ഖി​ന്റെ മൃ​ത​ദേ​ഹം ക​ട്ട​ര്‍ ഉ​പ​യോ​ഗി​ച്ച് ര​ണ്ടാ​ക്കി മു​റി​ച്ചു. തു​ട​ര്‍ന്ന് മൃ​ത​ദേ​ഹം ര​ണ്ട് ട്രോ​ളി ബാ​ഗി​ലാ​ക്കി സി​ദ്ദീ​ഖി​ന്റെ കാ​റി​ൽ അ​ട്ട​പ്പാ​ടി ചു​ര​ത്തി​ല്‍ കൊ​ണ്ടു​ത​ള്ളു​ക​യാ​യി​രു​ന്നു. മൃ​ത​ദേ​ഹം ത​ള്ളി​യ പ്ര​ദേ​ശ​ത്തെ​ക്കു​റി​ച്ച് കൃ​ത്യ​മാ​യ അ​റി​വു​ള്ള ആ​ഷി​ഖാ​ണ് മൃ​ത​ദേ​ഹ​മ​ട​ങ്ങി​യ ട്രോ​ളി ബാ​ഗ് അ​വി​ടെ ത​ള്ളാ​മെ​ന്ന് പ​റ​ഞ്ഞ​ത്. തു​ട​ർ​ന്ന് സി​ദ്ദീ​ഖി​ന്റെ വാ​ഹ​ന​ത്തി​ല്‍ത​ന്നെ സ​ഞ്ച​രി​ച്ച് ആ​യു​ധ​ങ്ങ​ളും തു​ണി​ക​ളും മ​റ്റൊ​രു സ്ഥ​ല​ത്തും ത​ള്ളി. പി​ന്നീ​ട് കാ​ര്‍ ചെ​റു​തി​രു​ത്തി​യി​ല്‍ ഉ​പേ​ക്ഷി​ക്കു​ക​യാ​യി​രു​ന്നു. ഫ​ര്‍ഹാ​ന​യെ വീ​ട്ടി​ല്‍ കൊ​ണ്ടു​വി​ടു​ക​യും ചെ​യ്തു.