ക്രൈം ഫയൽ

താ​യ് ലൻ​ഡി​ലെ മ​നു​ഷ്യ​ക്ക​ട​ത്തു​കാ​രു​ടെ​യും മ്യാ​ൻ​മ​റി​ലെ സൈ​ബ​ർ ക്രൈം ​സം​ഘ​ങ്ങ​ളു​ടെ​യും പി​ടി​യി​ലാ​കു​ക​യും പി​ന്നീ​ട് ര​ണ്ടാ​യി​രം ഇ​ന്ത്യ​ക്കാ​രു​ടെ മോ​ച​ന​ത്തി​ന് കാ​ര​ണ​ക്കാ​രാ​വു​ക​യും ചെ​യ്ത മ​ല​യാ​ളി യു​വാ​ക്ക​ളു​ടെ ഉ​ദ്വേ​ഗ​ജ​ന​ക​മാ​യ ജീ​വി​ത​ക​ഥ. സ്വ​ന്തം ജീ​വ​ൻ പ​ണ​യം​വെ​ച്ച് ര​ഹ​സ്യ​മാ​യി വി​ഡി​യോ​ക​ളെ​ടു​ത്തും അ​വ അ​ധി​കൃ​ത​രി​ലെ​ത്തി​ച്ചും അ​വ​ർ ര​ക്ഷ​ക​രാ​യി. പ​ല​ത​വ​ണ മ​ര​ണ​വ​ക്കി​ലെ​ത്തി, അ​തി​ക്രൂ​ര​മാ​യ പീ​ഡ​ന​ങ്ങ​ൾ​ക്കു വി​ധേ​യ​രാ​യി. ഒ​ടു​വി​ൽ നാ​ട​ണ​ഞ്ഞ ശേ​ഷം നി​യ​മ​പോ​രാ​ട്ടം തു​ട​രു​ന്ന ഈ ​യു​വാ​ക്ക​ളി​ലൂ​ടെ ര​ക്ത​മു​റ​യു​ന്ന അ​നു​ഭ​വ​ക​ഥ​യു​ടെ ചു​രു​ള​ഴി​യു​ന്നു

‘എ​നി​ക്കെ​ന്റെ ഉ​മ്മാ​യെ കാ​ണ​ണം’ -ഓ​ർ​മ തി​രി​ച്ചെ​ത്തി​യ നി​മി​ഷ​ങ്ങ​ളി​ലെ​ല്ലാം സി​നാ​ജ് പ​റ​ഞ്ഞു​കൊ​ണ്ടേ​യി​രു​ന്നു. എ​ന്നാ​ൽ, സി​നാ​ജ് ഇ​നി ജീ​വി​ത​ത്തി​ലേ​ക്ക് മ​ട​ങ്ങി​വ​രു​മെ​ന്ന പ്ര​തീ​ക്ഷ​യൊ​ന്നും കൂ​ടെ​യു​ള്ള​വ​ർ​ക്കു​ണ്ടാ​യി​രു​ന്നി​ല്ല. അ​വ​ര​പ്പോ​ൾ ചോ​ള​പ്പാ​ട​ങ്ങ​ൾ​ക്ക് ന​ടു​വി​ലെ കൂ​റ്റ​ൻ ക്യാ​മ്പി​ൽ, ഭാ​ഷ​യ​റി​യാ​ത്ത നാ​ട്ടി​ലെ സാ​യു​ധ​രാ​യ ഒ​രു​കൂ​ട്ടം ആക്ര​മി​ക​ൾ​ക്ക് ന​ടു​വി​ലാ​യി​രു​ന്നു. ആ ​പ്ര​ദേ​ശ​ത്തെ ക​റു​ത്ത പു​ക ശ്വ​സി​ച്ച്, അ​ല​ർ​ജി​മൂ​ലം ശ്വാ​സ​ത​ട​സ്സം നേ​രി​ട്ട്, ബോ​ധ​ത്തി​ന്റെ​യും അ​ബോ​ധ​ത്തി​ന്റെ​യും നേ​ർ​ത്ത വ​ര​മ്പി​ലൂ​ടെ ക​ട​ന്നു​പോ​യ്കൊ​ണ്ടി​രു​ന്ന സി​നാ​ജി​ന് വി​ദ​ഗ്ധ ചി​കി​ത്സ ന​ൽ​കാ​നു​ള്ള സൗ​ക​ര്യ​ങ്ങ​ളൊ​ന്നും അ​വി​ടെ​യു​ണ്ടാ​യി​രു​ന്നി​ല്ല. ശ​രീ​ര​ത്തി​ലെ ഓ​ക്സി​ജ​ൻ അ​ള​വ് താ​ഴ്ന്നു​പോ​യി​രു​ന്നു. അ​ഞ്ചാ​റ് ഓ​ക്സി​ജ​ൻ സി​ലി​ണ്ട​ർ ഉ​പ​യോ​ഗി​ച്ചി​ട്ടും അ​ബോ​ധ​ത്തി​ന്റെ ആ​ഴ​ത്തി​ൽ​നി​ന്ന് ര​ക്ഷ​പ്പെ​ടു​ത്താ​ൻ ക്ലി​നി​ക്കി​ലെ ന​ഴ്സി​നും ഫാ​ർ​മ​സി​സ്റ്റി​നും ക​ഴി​ഞ്ഞി​ല്ല. അ​വ​ർ നി​സ്സ​ഹാ​യ​ത​യോ​ടെ നി​ന്നു.

‘ര​ക്ഷി​ക്ക​ണേ, ര​ക്ഷി​ക്ക​ണേ’ എ​ന്നു​ള്ള സ​ഹ​മു​റി​യ​ന്റെ ക​ര​ച്ചി​ലു​ക​ളി​ൽ മ​ന​സ്സ​ലി​ഞ്ഞി​ട്ടാ​ക​ണം, തോ​ക്കേ​ന്തി​യ ഒ​രാ​ൾ ഒ​രു മ​ണി​ക്കൂ​ർ ക​ഴി​ഞ്ഞ​പ്പോ​ൾ ഡോ​ക്ട​റെ​യും കൂ​ട്ടി​വ​ന്നു. അ​ദ്ദേ​ഹ​ത്തി​ന്റെ ചി​കി​ത്സ​ക​ൾ നി​മി​ത്തം അ​ടു​ത്ത ദി​വ​സം സി​നാ​ജ് ര​ണ്ടാം​ജ​ന്മ​ത്തി​ലേ​ക്കു ക​ണ്ണു​തു​റ​ന്നു.

ജീ​വി​ത​പ്രാ​ര​ബ്ധ​ങ്ങ​ൾ​ക്ക് അ​റു​തി​വ​രു​ത്താ​നാ​ണ് സി​നാ​ജ് സ​ലീ​മെ​ന്നെ ബി.​ടെ​ക്കു​കാ​ര​ൻ താ​യ്ല​ൻ​ഡി​ന്റെ ത​ല​സ്ഥാ​ന​മാ​യ ബാ​ങ്കോ​കിലേ​ക്കു വി​മാ​നം ക​യ​റി​യ​ത്. നാ​ട്ടി​ലൊ​രു ജോ​ലി​യു​ണ്ടാ​യി​രു​ന്നു. 17,000 രൂ​പ ശ​മ്പ​ളം​കൊ​ണ്ട് അ​ടു​ത്തൊ​ന്നും ജീ​വി​തം പ​ച്ച​പി​ടി​ക്കി​ല്ലെ​ന്ന് ഉ​റ്റ​സു​ഹൃ​ത്ത് പ​റ​ഞ്ഞ​പ്പോ​ൾ സി​നാ​ജി​നും അ​തു​ത​ന്നെ തോ​ന്നി, വി​ദേ​ശ​ത്തു ജോ​ലി നേ​ട​ണം.

കോ​വി​ഡ് മ​ഹാ​മാ​രി മൂ​ലം 2019, 2020 വ​ർ​ഷ​ങ്ങ​ൾ മി​ക്ക​വ​ർ​ക്കും ന​ഷ്ട​മാ​യി​രു​ന്നു. 2021ൽ ​തൊ​ഴി​ല​ന്വേ​ഷ​ക​രെ​ല്ലാം വീ​ണ്ടും പു​തി​യ സ്വ​പ്ന​ങ്ങ​ളു​മാ​യി ജീ​വി​തം പു​ന​രാ​രം​ഭി​ച്ചി​രു​ന്നു. സി​നാ​ജി​ന് പ്രാ​യം 27. ഇ​പ്പോ​ൾ വി​ദേ​ശ​ത്തേ​ക്ക് പോ​യാ​ൽ ഏ​താ​നും വ​ർ​ഷം​കൊ​ണ്ട് ക​ട​ങ്ങ​ൾ തീ​ർ​ക്കാ​നും പു​തി​യ ജീ​വി​ത​മാ​രം​ഭി​ക്കാ​നും ക​ഴി​യു​മെ​ന്ന് സി​നാ​ജ് ക​ണ​ക്കു​കൂ​ട്ടി. സു​ഹൃ​ത്തി​ന്റെ പ​രി​ച​യ​ക്കാ​ര​നാ​യ റി​ക്രൂ​ട്ടി​ങ് ഏ​ജ​ൻ​സി​യി​ലെ ഏ​ജ​ന്റി​നെ പ​രി​ച​യ​പ്പെ​ട്ട​ത് അ​ങ്ങ​നെ​യാ​ണ്. ഉ​റ്റ ച​ങ്ങാ​തി​യു​ടെ കൂ​ട്ടു​കാ​ര​ൻ വ​ഴി താ​യ്ല​ൻ​ഡി​ൽ ഡേ​റ്റ എ​ൻ​ട്രി ജോ​ലി​ക്കാ​യി അ​പേ​ക്ഷ ന​ൽ​കാ​ൻ പ്ലാ​ൻ ചെ​യ്തു. പ്ര​തി​മാ​സം 70,000 രൂ​പ​യാ​ണ് തു​ട​ക്ക​ത്തി​ലേ ഓ​ഫ​ർ.

നി​ല​വി​ലെ ജോ​ലി​യു​മാ​യി താ​ര​ത​മ്യം ചെ​യ്യു​മ്പോ​ൾ ന​ല്ല ഓ​ഫ​റാ​ണ്. ആ ​നാ​ട്ടി​ൽ​നി​ന്നു​കൊ​ണ്ടു​ത​ന്നെ അ​തി​നേ​ക്കാ​ൾ മെ​ച്ച​പ്പെ​ട്ട ജോ​ലി നോ​ക്കാ​മെ​ന്നും അ​വ​ർ ക​ണ​ക്കു​കൂ​ട്ടി. നു​ള്ളി​പ്പെ​റു​ക്കി​യും സ​ഹോ​ദ​ര​നി​ൽ​നി​ന്ന് ക​ടം വാ​ങ്ങി​യും 1.20 ല​ക്ഷം രൂ​പ ഏ​ജ​ൻ​സി​യി​ലേ​ക്ക​യ​ച്ചു. ചെ​ന്നൈ ആ​സ്ഥാ​ന​മാ​യ ഏ​ജ​ൻ​സി​യി​ൽ​നി​ന്ന് വി​മാ​ന ടി​ക്ക​റ്റും താ​യ്ല​ൻ​ഡി​ൽ പ​ത്തു ദി​വ​സ​ത്തേ​ക്ക് ഹോ​ട്ട​ൽ മു​റി ബു​ക്ക് ചെ​യ്ത വി​ശ​ദാം​ശ​ങ്ങ​ളും ല​ഭി​ച്ചു. താ​യ്ല​ൻ​ഡി​ൽ ഇ​ന്റ​ർ​വ്യൂ ഉ​ണ്ടാ​കു​മെ​ന്നും അ​തി​ൽ ജ​യി​ച്ചാ​ൽ ജോ​ലി ല​ഭി​ക്കു​മെ​ന്നും ഇ​ല്ലെ​ങ്കി​ൽ മ​ട​ങ്ങി​വ​രേ​ണ്ടി​വ​രു​മെ​ന്നും ഏ​ജ​ൻ​സി വ്യ​ക്ത​മാ​ക്കി​യി​രു​ന്നു.

ഓ​ൺ അ​റൈ​വ​ൽ വി​സ​യാ​ണ് ല​ഭി​ക്കു​ക​യെ​ന്ന​തി​നാ​ൽ ഒ​ന്നോ ര​ണ്ടോ ഇ​ന്റ​ർ​വ്യൂ ക​ഴി​യു​മ്പോ​ഴേ​ക്കും ജോ​ലി ല​ഭി​ക്കു​മെ​ന്നും അ​തി​നാ​ൽ മ​ട​ങ്ങി​പ്പോ​രേ​ണ്ടി വ​രി​ല്ലെ​ന്നും അ​വ​ർ ഉ​റ​പ്പു ന​ൽ​കി. എ​ന്നാ​ൽ, ഈ ​ഏ​ജ​ൻ​സി മ​നു​ഷ്യ​ക്ക​ട​ത്തു​കാ​രു​ടെ പ്ര​ധാ​ന ക​ണ്ണി​യാ​ണെ​ന്നും ജോ​ലി സം​ബ​ന്ധി​ച്ച് അ​വ​ർ ന​ൽ​കി​യ വി​വ​ര​ങ്ങ​ളെ​ല്ലാം വ്യാ​ജ​മാ​യി​രു​ന്നെ​ന്നും സി​നാ​ജ് മ​ന​സ്സി​ലാ​ക്കു​മ്പോ​ഴേ​ക്കും അ​ക്ര​മി​ക​ളു​ടെ കൈ​യി​ൽ അ​ക​പ്പെ​ട്ടി​രു​ന്നു.

നെ​ഞ്ചു​രു​ക്ക​ങ്ങ​ളു​ടെ ക​ണ്ണീ​ർ

കൊ​ച്ചി​ൻ എ​യ​ർ​പോ​ർ​ട്ടി​ൽ ചെ​ക്ക്-​ഇ​ൻ ചെ​യ്യാ​ൻ ക​യ​റും​മു​മ്പ് അ​മ്മ സെ​ലീ​ന സി​നാ​ജി​നെ ചേ​ർ​ത്തു​പി​ടി​ച്ച് നെ​റു​കി​ലൊ​രു മു​ത്തം കൊ​ടു​ത്തു. ‘‘ഉ​മ്മാ​ന്റെ മോ​ൻ എ​പ്പ​ഴും ന​ന്നാ​യി​രി​ക്ക​ട്ടെ’’ -വേ​ർ​പി​രി​യു​ന്ന​തി​ന്റെ നെ​ഞ്ചു​രു​ക്ക​ത്തി​ൽ വാ​ക്കു​ക​ൾ അ​മ്മ​യു​ടെ തൊ​ണ്ട​യി​ൽ കു​ടു​ങ്ങി​നി​ന്നു. ‘എ​ന്തേ​ലും ബു​ദ്ധി​മു​ട്ടു​തോ​ന്നി​യാ​ൽ എ​ന്റെ മോ​ൻ വീ​ട്ടി​ലേ​ക്കു വ​ന്നേ​ക്ക​ണ’​മെ​ന്ന് പ​റ​യു​മ്പോ​ഴേ​ക്കും നൊ​മ്പ​രം ക​ണ്ണീ​രാ​യൊ​ഴു​കി.

സി​നാ​ജ് സ​ലിം ഉ​മ്മ​യെ ചേ​ർ​ത്തു​പി​ടി​ച്ച് ക​ണ്ണീ​രി​നു ക​ണ്ണീ​രു​കൊ​ണ്ട് മ​റു​പ​ടി ന​ൽ​കി. ശേ​ഷം, സ്വ​പ്ന​ങ്ങ​ൾ​ക്ക് ചി​റ​കു​ന​ൽ​കാ​നാ​യി ന​ട​ന്ന​ക​ന്നു. അ​പ്പോ​ഴൊ​ന്നും, താ​ൻ പോ​കു​ന്ന​തു ന​ര​ക​ത്തി​ലേ​ക്കാ​ണെ​ന്നും അ​വി​ടെ​നി​ന്ന് തി​രി​ച്ചെ​ത്താ​ൻ കെ​ൽ​പുണ്ടാ​ക്കു​ക ഇ​തേ ഉ​മ്മ​യു​ടെ നെ​ഞ്ചു​രു​ക്ക​ങ്ങ​ൾ​ക്കാ​ണെ​ന്നും സി​നാ​ജ് അ​റി​ഞ്ഞി​രു​ന്നി​ല്ല.

2022 ജൂ​ലൈ 20നാ​ണ് സി​നാ​ജ് സ​ലിം യാ​ത്ര തി​രി​ച്ച​ത്. കൂ​ടെ ആ​ല​പ്പു​ഴ സ്വ​ദേ​ശി 23കാ​ര​നാ​യ ക​മ്പ്യൂ​ട്ട​ർ സ​യ​ൻ​സ് ബി​രു​ദ​ധാ​രി​യു​മു​ണ്ടാ​യി​രു​ന്നു. ബം​ഗ​ളൂ​രു​വി​ൽ എ​ത്തി​യ​പ്പോ​ൾ വ​ർ​ക്ക​ല സ്വ​ദേ​ശി​യെ ക​ണ്ടു​മു​ട്ടി (പേ​രു​വെ​ളി​പ്പെ​ടു​ത്താ​ൻ ആ​ഗ്ര​ഹി​ക്കു​ന്നി​ല്ല).

മ​ക്ക​ൾ​ക്കു​വേ​ണ്ടി

വ​ർ​ക്ക​ല സ്വ​ദേ​ശി​യാ​യ 29കാ​ര​ൻ ഫൈ​ബ​ർ കേ​ബി​ൾ സ​ർ​വി​സ് പ്രൊ​വൈ​ഡി​ങ് സം​ഘ​ത്തി​ൽ അ​സി​സ്റ്റ​ന്റ് മാ​നേ​ജ​റാ​യി ജോ​ലി ചെ​യ്യു​ക​യാ​യി​രു​ന്നു. ഭാ​ര്യക്ക് പ്ര​ദേ​ശ​ത്തെ വാ​ഹ​ന ഇ​ൻ​ഷു​റ​ൻ​സ് സ്ഥാ​പ​ന​ത്തി​ൽ ജോ​ലി​യു​ണ്ടാ​യി​രു​ന്നു. ആ ​സ്ഥാ​പ​നം ന​ട​ത്തി​യി​രു​ന്ന വ്യ​ക്തി​യാ​ണ് താ​യ്ല​ൻ​ഡ് ആ​സ്ഥാ​ന​മാ​യ പു​തി​യ സ്റ്റാ​ർ​ട്ട് അ​പ് ക​മ്പ​നി​യി​ൽ ജോ​ലി​യു​ണ്ടെ​ന്ന് അ​റി​യി​ച്ച​ത്. അ​യാ​ൾ 29കാ​ര​നി​ൽ​നി​ന്ന് 30,000 രൂ​പ വാ​ങ്ങി. മി​ക​ച്ച ശ​മ്പ​ള​വും സൗ​ക​ര്യ​ങ്ങ​ളും ഉ​ണ്ടെ​ന്ന​റി​ഞ്ഞ​പ്പോ​ഴാ​ണ് പോ​കാ​ൻ തീ​രു​മാ​നി​ച്ച​ത്. ഒ​ന്നി​ലും മൂ​ന്നി​ലും പ​ഠി​ക്കു​ന്ന ര​ണ്ടു​മ​ക്ക​ളും ഭാ​ര്യ​യു​മ​ട​ങ്ങു​ന്ന കു​ടും​ബ​ത്തി​ന് മെ​ച്ച​പ്പെ​ട്ട ജീ​വി​തം സ്വ​പ്നം ക​ണ്ടാ​ണ് ഇ​യാ​ൾ വി​മാ​നം ക​യ​റി​യ​ത്.

താ​യ്ല​ൻ​ഡ് എ​യ​ർ​പോ​ർ​ട്ടി​ൽ ഇ​റ​ങ്ങി​യ​പ്പോ​ൾ ക​മ്പ​നി​യി​ൽ​നി​ന്നു​ള്ള ഉ​ദ്യോ​ഗ​സ്ഥ​നെ​ത്തി. പാ​സ്പോ​ർ​ട്ട്, ഐ​ഡ​ന്റി​റ്റി കാ​ർ​ഡ് എ​ന്നി​വ പ​രി​ശോ​ധ​ന​ക്കാ​യി വാ​ങ്ങി. വി​സ​യ​ടി​ച്ച ശേ​ഷം ഇ​വ തി​രി​ച്ചു​ത​രു​മെ​ന്ന് അ​റി​യി​ച്ചു. ഒ​പ്പം ഫോ​ണി​ലെ കാ​ൾ ഡീ​റ്റെ​യി​ൽ​സ് മാ​യ്ച്ചു ക​ള​യാ​ൻ ആ​വ​ശ്യ​പ്പെ​ട്ട​പ്പോ​ൾ പ​ന്തി​കേ​ട് തോ​ന്നി​യ​തി​നാ​ൽ സി​നാ​ജ് ഇ​വ മാ​യ്ച്ചു ക​ള​ഞ്ഞി​ല്ല. പ​ക​രം, എ​ല്ലാം ഇ-​മെ​യി​ലി​ലേ​ക്ക് അ​യ​ച്ചു. ഇ​തി​നി​ടെ ഇ​വ​രെ ബാ​ങ്കോ​ക്കി​ലേ​ക്കു​ള്ള വാ​ഹ​ന​ത്തി​ൽ ക​യ​റ്റി. ഡ്രൈ​വ​റും കൂ​ടെ​യു​ണ്ടാ​യി​രു​ന്ന വ്യ​ക്തി​യും തോ​ക്ക് പു​റ​ത്തെ​ടു​ത്തുവെ​ച്ച​പ്പോ​ൾ സു​ര​ക്ഷ​യു​ടെ ഭാ​ഗ​മാ​യാ​ണെ​ന്നു ക​രു​തി. ബാ​ങ്കോ​ക് ന​ഗ​ര​ത്തി​ലേ​ക്ക് ഏ​താ​ണ്ട് 45 കി​ലോ​മീ​റ്റ​ർ മാ​ത്ര​മേ യാ​ത്ര​യു​ണ്ടാ​കൂ​വെ​ന്ന് കേ​ട്ടി​രു​ന്നു. എ​ന്നാ​ൽ, മൂ​ന്ന് മ​ണി​ക്കൂ​ർ ക​ഴി​ഞ്ഞി​ട്ടും യാ​ത്ര അ​വ​സാ​നി​ക്കാ​താ​യ​പ്പോ​ഴാ​ണ് അ​പ​ക​ടം തി​രി​ച്ച​റി​ഞ്ഞ​ത്.

ആ​കെ ഒ​മ്പ​തു മ​ണി​ക്കൂ​റെ​ടു​ത്ത് 450 കി​ലോ​മീ​റ്റ​ർ നീ​ണ്ട യാ​ത്ര​ക്കൊ​ടു​വി​ൽ, ന​ഗ​ര​വും ഗോ​ത്ര​വി​ഭാ​ഗ​ങ്ങ​ൾ താ​മ​സി​ക്കു​ന്ന ഗ്രാ​മ​പ്ര​ദേ​ശ​ങ്ങ​ളും​വി​ട്ട് കാ​ർ ചോ​ള​പ്പാ​ട​ങ്ങ​ൾ മാ​ത്ര​മു​ള്ള സ്ഥ​ല​ത്തെ​ത്തി. അ​വി​ടെ ചെ​മ്മ​ൺ പാ​ത​യു​ടെ അ​രി​കി​ൽ ഇ​വ​രെ കൊ​ണ്ടു​പോ​കാ​നാ​യി ട്ര​ക്ക് കാ​ത്തു​നി​ന്നി​രു​ന്നു. അ​തി​ൽ തോ​ക്കേ​ന്തി​യ, മി​ലി​ട്ട​റി യൂ​നി​ഫോം ധാ​രി​ക​ളു​ണ്ടാ​യി​രു​ന്നു. വി​ജ​ന​മാ​യ പ്ര​ദേ​ശ​ങ്ങ​ളി​ലൂ​ടെ വാ​ഹ​നം നീ​ങ്ങി. പി​ന്നീ​ട് ആ​ളൊ​ഴി​ഞ്ഞ പ്ര​ദേ​ശ​ത്തു കൊ​ണ്ടി​റ​ക്കി, കു​റെ ദൂ​രം ന​ട​ക്കാ​നു​ണ്ടാ​യി​രു​ന്നു. അ​വി​ടെ ന​ദി ക​ട​ക്കാ​ൻ മോ​ട്ടോ​ർ ഘ​ടി​പ്പി​ച്ച വ​ള്ളം ത​യാ​റാ​യി നി​ന്നി​രു​ന്നു. മ​റു​ക​ര​യി​ലെ​ത്തി​യ​പ്പോ​ഴാ​ണ് മൂ​വ​രും ത​ങ്ങ​ളെ​ത്തി​പ്പെ​ട്ട ന​ര​ക​ത്തി​ന്റെ ഭ​യാ​ന​ക​ത മ​ന​സ്സി​ലാ​ക്കി​യ​ത്. ത​ങ്ങ​ൾ മു​റി​ച്ചു​ക​ട​ന്ന​ത് മോ​യി ന​ദി​യാ​ണെ​ന്നും വ​ന്നു​ക​യ​റി​യ​ത് മ്യാ​ന്മ​ർ ആ​ണെ​ന്നും പി​ന്നീ​ട് അ​വ​ർ തി​രി​ച്ച​റി​ഞ്ഞു.

പ്ര​ദേ​ശം മി​ലി​ട്ട​റി ക്യാ​മ്പ് പോ​ലെ കാ​ണ​പ്പെ​ട്ടു. എ​ല്ലാ​യി​ട​ത്തും തോ​ക്കേ​ന്തി​യ യു​വാ​ക്ക​ൾ കാ​വ​ൽ നി​ന്നി​രു​ന്നു. എ​ല്ലാ​വ​ർ​ക്കും പ്രാ​യം ഏ​താ​ണ്ട് 18 -20. ചോ​ള​പ്പാ​ട​ങ്ങ​ൾ​ക്കു ന​ടു​വി​ൽ, ജി​പ്സം ബോ​ർ​ഡും ന​ട്ടും ബോ​ൾ​ട്ടും ഉ​പ​യോ​ഗി​ച്ച് നി​ർ​മി​ച്ച ഗോ​ഡൗ​ൺ ക​ണ​ക്കെ​യു​ള്ള നി​ര​വ​ധി ബി​ൽ​ഡി​ങ്ങു​ക​ളു​ണ്ട്. പ്ര​ധാ​ന ഭാ​ഗ​ങ്ങ​ളി​ലെ​ല്ലാം ട​വ​റി​ൽ 24 മ​ണി​ക്കൂ​റും നി​രീ​ക്ഷ​ണ​ത്തി​നാ​യി ആ​യു​ധ​ധാ​രി​ക​ൾ. ഇ​വ​രെ​ല്ലാം മ​ലേ​ഷ്യ​ൻ ചൈ​നീ​സ് സ​മൂ​ഹ​ത്തി​ൽ​നി​ന്നു​ള്ള​വ​രാ​ണെ​ന്നു പി​ന്നീ​ട് തി​രി​ച്ച​റി​ഞ്ഞു.

ക്യാ​മ്പി​ൽ ആ​യി​ര​ക്ക​ണ​ക്കി​നു തൊ​ഴി​ലാ​ർ​ഥി​ക​ളു​ണ്ട്. പ്ര​ദേ​ശ​ത്ത് നി​ര​വ​ധി ക​മ്പ​നി​ക​ളും അ​തി​ലാ​കെ ര​ണ്ടാ​യി​ര​ത്തി​ല​ധി​കം ഇ​ന്ത്യ​ക്കാ​രു​മു​ണ്ട്. തെ​ക്കു​കി​ഴ​ക്ക​ൻ മ്യാ​ൻ​മ​റി​ലെ ക​യി​ൻ സം​സ്ഥാ​ന​ത്തു​ള്ള മ്യാ​വാ​ഡി​യി​ലാ​യി​രു​ന്നു ഈ ​ക്യാ​മ്പ്. താ​യ് അ​തി​ർ​ത്തി പ​ട്ട​ണ​മാ​യ മേ​സോ​യി​ൽ (Mae Sot)നി​ന്ന് മോ​യി ന​ദി വേ​ർ​തി​രി​ക്കു​ന്ന ഈ ​ന​ഗ​രം മ്യാ​ൻ​മ​റി​നും താ​യ്ല​ൻ​ഡി​നും ഇ​ട​യി​ലു​ള്ള ഏ​റ്റ​വും പ്ര​ധാ​ന​പ്പെ​ട്ട വ്യാ​പാ​ര കേ​ന്ദ്ര​മാ​ണ്. ഈ ​പ്ര​ദേ​ശം 2010 മു​ത​ൽ മ​നു​ഷ്യ​ക്ക​ട​ത്തി​നും സൈ​ബ​ർ ത​ട്ടി​പ്പ് കേ​ന്ദ്ര​ങ്ങ​ൾ​ക്കും ഓ​ൺ​ലൈ​ൻ ചൂ​താ​ട്ടം, വേ​ശ്യാ​വൃ​ത്തി, മ​യ​ക്കു​മ​രു​ന്ന് എ​ന്നി​വ​യു​ടെ കേ​ന്ദ്ര​ങ്ങ​ൾ​ക്കും കു​പ്ര​സി​ദ്ധ​മാ​ണ്.

ഗൂ​ഗ്ൾ മാ​പ്പി​ൽ ഇ​ല്ലാ​ത്ത കെ​ട്ടി​ട​ങ്ങ​ൾ

മ്യാ​ന്മ​റി​ലെ മ്യാ​വാ​ഡി​യി​ൽ ഇ​വ​ർ താ​മ​സി​ച്ചി​രു​ന്ന ക്യാ​മ്പ് ഗൂ​ഗ്ൾ മാ​പ്പി​ൽ കാ​ണി​ല്ല. കെ​ട്ടി​ട​ങ്ങ​ൾ മ​റ​യ്ക്കാ​നും ഒ​ളി​പ്പി​ക്കാ​നു​മൊ​ക്കെ ക​ഴി​യു​ന്ന സാ​ങ്കേ​തി​ക​വി​ദ്യ അ​വ​ർ ഉ​പ​യോ​ഗി​ച്ചി​രു​ന്നു. ക​റു​ത്ത വ​സ്ത്ര​മ​ണി​ഞ്ഞ സു​ര​ക്ഷ​ാസേ​ന കാ​വ​ൽ നി​ന്നു. ചെ​റി​യൊ​രു ടൗ​ൺ​ഷി​പ് പോ​ലെ നി​ർ​മി​ച്ച ഇ​വി​ടെ ബാ​ങ്കും ക്ലി​നി​ക്കു​മു​ണ്ട്. ഈ ​ടൗ​ൺ​ഷി​പ് 30-40 കി​ലോ​മീ​റ്റ​ർ ചു​റ്റ​ള​വി​ൽ വ്യാ​പി​ച്ചു​കി​ട​ക്കു​ക​യാ​ണ്. പ​ടി​ഞ്ഞാ​റ​ൻ താ​യ്ല​ൻ​ഡി​ലെ മേ​സോ എ​ന്ന പ്ര​ദേ​ശ​ത്തും ഇ​ത്ത​രം ടൗ​ൺ​ഷി​പ്പു​ക​ളു​ണ്ട്.

ഡേ​റ്റ എ​ൻ​ട്രി ജോ​ലി​ക്കെ​ന്നു പ​റ​ഞ്ഞു കൊ​ണ്ടു​പോ​യ എ​ല്ലാ​വ​രെ​യും സൈ​ബ​ർ കു​റ്റ​കൃ​ത്യ​ങ്ങ​ൾ​ക്കാ​ണ് വി​നി​യോ​ഗി​ച്ച​ത്. ഓ​ൺ​ലൈ​ൻ ചൂ​താ​ട്ടം, സ്കാ​മി​ങ്, ക്രി​പ്റ്റോ ക​റ​ൻ​സി ഇ​ട​പാ​ട്, ഓ​ൺ​ലൈ​ൻ ഗെ​യി​മു​ക​ൾ എ​ന്നി​വ​യി​ലൂ​ടെ ആ​ളു​ക​ളു​ടെ പ​ണം ത​ട്ടി​യെ​ടു​ക്കു​ക​യാ​ണ് ‘ജോ​ലി’. ബാ​ങ്ക് അ​ക്കൗ​ണ്ട് വി​വ​ര​ങ്ങ​ൾ ചോ​ർ​ത്താ​ൻ ല​വ് ചാ​റ്റ് ന​ട​ത്താ​നും നി​ർ​ബ​ന്ധി​ക്കും. ആ​സ്ട്രേ​ലി​യ, ന്യൂ​സി​ല​ൻ​ഡ് അ​ട​ക്ക​മു​ള്ള രാ​ജ്യ​ങ്ങ​ളി​ലു​ള്ള​വ​രെ​യാ​ണ് ഉ​ന്ന​മി​ട്ടി​രു​ന്ന​ത്. ഇ​ത്ത​രം സൈ​ബ​ർ ത​ട്ടി​പ്പി​നി​ര​യാ​കു​ന്ന​വ​രി​ൽ നി​ര​വ​ധി മ​ല​യാ​ളി​ക​ളു​മു​ണ്ട്.

സൈ​ബ​ർ ക്രൈം ​ജോ​ലി​ക്കാ​രാ​യി ഇ​ന്ത്യ​ക്കാ​ർ​ക്കു പു​റ​മെ, റ​ഷ്യ, പാ​കി​സ്താ​ൻ, ഉ​സ്ബ​കി​സ്താ​ൻ, മ​ലേ​ഷ്യ എ​ന്നി​വി​ട​ങ്ങ​ളി​ൽ​നി​ന്നു​ള്ള ധാ​രാ​ളം പേ​രെ വ്യാ​ജ തൊ​ഴി​ൽ ഓ​ഫ​ർ ന​ൽ​കി ഇ​വി​ടെ എ​ത്തി​ച്ചി​ട്ടു​ണ്ട്. വ​ന്നു ചേ​രു​ന്ന ദി​വ​സ​ങ്ങ​ളു​ടെ ക​ണ​ക്കുനോ​ക്കി ഇ​വ​ർ​ക്ക് ലെ​വ​ൽ ഒ​ന്ന്, ര​ണ്ട്, മൂ​ന്ന് എ​ന്നി​ങ്ങ​നെ​യാ​ണ് ജോ​ലി ന​ൽ​കു​ക. സ​ജീ​വ​മ​ല്ലാ​ത്ത സോ​ഷ്യ​ൽ മീ​ഡി​യ അ​ക്കൗ​ണ്ടു​ക​ൾ ഹാ​ക്ക് ചെ​യ്യും. അ​തി​ലൂ​ടെ ‘പാ​ർ​ട്ട് ടൈം ​ജോ​ലി’​ക്കു​ള്ള അ​വ​സ​ര​ങ്ങ​ളു​ണ്ടെ​ന്നു വ്യാ​പ​ക​മാ​യി പ്ര​ച​രി​പ്പി​ക്കും.

വീ​ട്ട​മ്മ​മാ​രോ നി​ല​വി​ൽ തൊ​ഴി​ലി​ല്ലാ​ത്ത ചെ​റു​പ്പ​ക്കാ​രോ ഗ​ർ​ഭി​ണി​ക​ളാ​യ​തി​നാ​ൽ വീ​ട്ടി​ലി​രു​ന്നു ജോ​ലി ചെ​യ്യ​ണ​മെ​ന്ന് ക​രു​തു​ന്ന​വ​രോ വി​ദേ​ശ​ങ്ങ​ളി​ൽ പ​ഠ​ന​ത്തി​നാ​യി പോ​യ​വ​രി​ൽ പാ​ർട്ട് ടൈം ​ജോ​ലി തേ​ടു​ന്ന​വ​രോ ആ​ണ് ഇ​ര​ക​ൾ. ഈ ​പ​ര​സ്യ​ങ്ങ​ൾ ക​ണ്ട് ജോ​ലി​ക്കാ​യി സ​മീ​പി​ക്കു​ന്ന​വ​രി​ൽ​നി​ന്ന് പേ​രും വ​യ​സ്സും വാ​ട്സ്ആ​പ് ന​മ്പ​റും വാ​ങ്ങു​ന്ന​താ​ണ് ആ​ദ്യ ലെ​വ​ലി​ലു​ള്ള​വ​രു​ടെ തൊ​ഴി​ൽ. ഈ ​വാ​ട്സ്ആ​പ് ന​മ്പ​റു​ക​ളി​ൽ ബ​ന്ധ​പ്പെ​ട്ട് ക്രി​പ്റ്റോ ബി​സി​ന​സി​നു​ള്ള ആ​പ്പു​ക​ൾ ഇ​ൻ​സ്റ്റാ​ൾ ചെ​യ്യി​പ്പി​ക്ക​ലാ​ണ് ലെ​വ​ൽ ര​ണ്ടി​ലു​ള്ള​വ​രു​ടെ ജോ​ലി.

മൂ​ന്നാം ലെ​വ​ലി​ലേ​ക്കെ​ത്തു​മ്പോ​ൾ, 100 ഡോ​ള​ർ അ​ക്കൗ​ണ്ടി​ലി​ട്ടെ​ന്ന് അ​റി​യി​ക്കു​ക​യും അ​വ​രെ ചൂ​താ​ട്ട​ത്തി​നു പ്രേ​രി​പ്പി​ക്കു​ക​യും ചെ​യ്യും. ഗെ​യി​മു​ക​ളി​ൽ തു​ട​ക്ക​ത്തി​ൽ അ​ഞ്ചോ ആ​റോ ക​ളി​ക​ൾ ജ​യി​പ്പി​ച്ചു വി​ടും. അ​തി​നി​ടെ 200 ഡോ​ള​ർ കി​ട്ടി​യെ​ന്ന ത​ര​ത്തി​ൽ അ​വ​രെ ക​ബ​ളി​പ്പി​ക്കും. അ​പ്പോ​ഴേ​ക്കും ഇ​ര​ക​ൾ ഈ ​ഓ​ൺ​ലൈ​ൻ ചൂ​താ​ട്ട​ത്തി​ന് അ​ടി​മ​ക​ളാ​യി മാ​റി​യി​രി​ക്കും. ഇ​ങ്ങ​നെ ക​ളി തു​ട​രു​ക​യും ഒ​രു ഘ​ട്ട​മെ​ത്തു​മ്പോ​ൾ അ​വ​രു​ടെ ബാ​ങ്ക് അ​ക്കൗ​ണ്ടി​ലെ മു​ഴു​വ​ൻ തു​ക​യും ഒ​റ്റ​യ​ടി​ക്ക് പി​ൻ​വ​ലി​ക്കു​ക​യും ചെ​യ്യും. അ​പ്പോ​ഴേ​ക്കും ഇ​ര​ക​ളാ​ക്ക​പ്പെ​ട്ട​വ​ർ പ​ല​തും വി​റ്റും പ​ണ​യം​വെ​ച്ചും ല​ക്ഷ​ങ്ങ​ളു​ടെ ക​ട​ബാ​ധ്യ​ത​യി​ലെ​ത്തും. കാ​റും വീ​ടും വി​റ്റ​വ​രു​മു​ണ്ട്. ചി​ല​ർ ആ​ത്മ​ഹ​ത്യ ചെ​യ്യും. സി​നാ​ജും വ​ർ​ക്ക​ല സ്വ​ദേ​ശി​യും ഒ​ന്നാം ലെ​വ​ൽ ജോ​ലി​ക്കാ​രാ​യി​രു​ന്നു.

ക​റ​ന്റ് അ​ടി​പ്പി​ക്ക​ൽ, മു​ട്ടി​ൽ നി​ർ​ത്ത​ൽ

ഈ ​ജോ​ലി ചെ​യ്യാ​ൻ ക​ഴി​യി​ല്ലെ​ന്നും തി​രി​കെ പോ​ക​ണ​മെ​ന്നും പ​റ​ഞ്ഞ​വ​ർ​ക്കൊ​ക്കെ മ​ർ​ദ​ന​വും അ​തി​ക്രൂ​ര ശി​ക്ഷാ​ന​ട​പ​ടി​ക​ളു​മാ​ണ് ല​ഭി​ക്കു​ക. ക്യാ​മ്പി​ലെ​ത്തു​ന്ന​വ​രു​ടെ ഫോ​ണു​ക​ൾ ആ​ദ്യം ത​ന്നെ ത​ക​ർ​ത്തുക​ള​യും. അ​വ​ർ ത​രു​ന്ന ഫോ​ണി​ൽ മാ​ത്ര​മാ​ണ് വി​ളി​ക്കാ​ൻ ക​ഴി​യു​ക, അ​തു​ത​ന്നെ സൈ​ബ​ർ കു​റ്റ​കൃ​ത്യ​ങ്ങ​ൾ​ക്ക് മാ​ത്ര​മേ ഉ​പ​യോ​ഗി​ക്കാ​നാ​കൂ. അ​തി​നാ​ൽ പു​റം​ലോ​ക​ത്തേ​ക്ക് വി​വ​ര​ങ്ങ​ൾ അ​റി​യി​ക്കാ​ൻ ഒ​രു​വ​ഴി​യു​മി​ല്ല. അ​ടി​മ​ക​ളെ പോ​ലെ ജോ​ലി ചെ​യ്യേ​ണ്ടി വ​രും. ഓ​രോ​രു​ത്ത​രും ദി​വ​സം അ​ഞ്ച് ഇ​ര​ക​ളെ ക​ണ്ടെ​ത്ത​ണം. അ​തി​നു​ക​ഴി​ഞ്ഞി​ല്ലെ​ങ്കി​ൽ ഉ​റ​ങ്ങാ​ൻ സ​മ്മ​തി​ക്കി​ല്ല. അ​ഞ്ചു പേ​രെ ക​ണ്ടെ​ത്തി​ക്കൊ​ടു​ക്കും​വ​രെ ക​മ്പ്യൂ​ട്ട​റി​നു മു​ന്നി​ൽ​നി​ന്ന് എ​ഴു​ന്നേ​ൽ​ക്കാ​ൻ ക​ഴി​യി​ല്ല.

ജോ​ലി ചെ​യ്യി​ല്ലെ​ന്ന് പ​റ​യു​ന്ന​വ​രെ ഭ​ക്ഷ​ണം ന​ൽ​കാ​തെ സെ​ല്ലി​ൽ പ​ട്ടി​ണി​ക്കി​ടും. പ​ല​രെ​യും മു​ട്ടി​ൽ നി​ർ​ത്തി​യാ​ണ് പീ​ഡ​നം. പ​ട്ടാ​ള ക്യാ​മ്പി​ലു​ള്ള​തു​പോ​ലെ ഇ​വി​ടെ​യും ട്രാ​ക്കു​ക​ളു​ണ്ട്. അ​തി​ലൂ​ടെ മ​ണി​ക്കൂ​റു​ക​ൾ ഓ​ടി​പ്പി​ക്കും. 20 കി​ലോ​മീ​റ്റ​റൊ​ക്കെ ഇ​ത്ത​ര​ത്തി​ൽ ഓ​ടേ​ണ്ടി വ​രും. സ്റ്റ​ൺ ഗ​ൺ ഉ​പ​യോ​ഗി​ച്ച് ക​റ​ന്റ​ടി​പ്പി​ച്ചും അ​ക്ര​മി​ക​ൾ ര​സി​ക്കും.

ഇ​തി​നി​ടെ, മോ​ഷ്ടി​ച്ച ഒ​രു മൊ​ബൈ​ലി​ലൂ​ടെ വാ​ട്സ്ആ​പ്പി​ൽ സ​ഹോ​ദ​ര​നെ സി​നാ​ജ് കാ​ര്യ​മ​റി​യി​ച്ചു, അ​ടു​ത്ത സു​ഹൃ​ത്തി​നോ​ടും ഏ​ജ​ന്റി​നോ​ടും കാ​ര്യ​ങ്ങ​ൾ അ​റി​യി​ച്ചു. എ​ങ്ങ​നെ​യും ര​ക്ഷ​പ്പെ​ടാ​നു​ള്ള മാ​ർ​ഗ​ങ്ങ​ളൊ​രു​ക്കാ​മെ​ന്ന് ഏ​ജ​ൻ​റ്റും സു​ഹൃ​ത്തും ഉ​റ​പ്പു​ന​ൽ​കി. മാ​താ​പി​താ​ക്ക​ൾ വി​ഷ​മി​ക്കു​മെ​ന്ന​തി​നാ​ൽ ഇ​ക്കാ​ര്യം പു​റ​ത്തു​പ​റ​യ​രു​തെ​ന്ന് സ​ഹോ​ദ​ര​നോ​ട് ച​ട്ടം കെ​ട്ടി. വി​സ പു​തു​ക്കി​യ ശേ​ഷം അ​റി​യി​ക്കാ​മെ​ന്ന് പ​റ​ഞ്ഞ ഏ​ജ​ന്റി​നെ പി​ന്നീ​ട് വി​ളി​ച്ചാ​ൽ കി​ട്ടാ​ത്ത അ​വ​സ്ഥ വ​ന്നു.

ക്യാ​മ്പി​ലു​ണ്ടാ​യി​രു​ന്ന പെ​ൺ​കു​ട്ടി​ക​ളെ മോ​ഡ​ലി​ങ്ങി​നെ​ന്നു​പ​റ​ഞ്ഞാ​ണ് കൊ​ണ്ടു​വ​ന്ന​ത്. മി​ക്ക​വ​രും ചെ​റി​യ പ്രാ​യ​ത്തി​ലു​ള്ള​വ​രാ​ണ്. അ​വ​രെ ലൈം​ഗി​ക​തൊ​ഴി​ലി​നു നി​യോ​ഗി​ച്ചു. സ​മ്മ​തി​ക്കാ​ത്ത​വ​രെ ബ​ലാ​ത്സം​ഗം ചെ​യ്യു​ക​യോ മ​യ​ക്കു​മ​രു​ന്ന് ക​ഴി​പ്പി​ച്ച ശേ​ഷം ഇ​രു​മ്പു​ദ​ണ്ഡു​കൊ​ണ്ട് അ​ടി​ക്കു​ക​യോ ചെ​യ്യും. മ​യ​ക്കു​മ​രു​ന്നി​ന്റെ മ​ത്തു​തീ​രു​മ്പോ​ൾ വേ​ദ​ന​യ​റി​യാ​ൻ തു​ട​ങ്ങും, എ​ല്ലു​തു​ള​ക്കു​ന്ന വേ​ദ​ന​യെ ഭ​യ​ന്ന് പി​ന്നീ​ട് പെ​ൺ​കു​ട്ടി​ക​ൾ ലൈം​ഗി​ക​തൊ​ഴി​ലി​നു പോ​കും.

മ​ര​ണ​വ​ക്കി​ലെ​ത്തി​യ രാ​ത്രി -ഒ​ന്ന്

സി​നാ​ജ​ട​ക്ക​മു​ള്ള എ​ല്ലാ​വ​രെ​യും നാ​ല് ല​ക്ഷം രൂ​പ വീ​തം ന​ൽ​കി വാ​ങ്ങി​യ​താ​ണ് അ​ക്ര​മി​സം​ഘം. അ​തി​നാ​ൽ, ഒ​ന്നു​കി​ൽ ഈ ​തു​ക തി​രി​കെ ന​ൽ​കു​ക, അ​ല്ലെ​ങ്കി​ൽ അ​ത്ര​യും രൂ​പ​ക്കു​ള്ള പ​ണി​യെ​ടു​ത്തു കൊ​ടു​ക്കു​ക. ശേ​ഷം മാ​ത്രം നാ​ട്ടി​ലേ​ക്ക് മ​ട​ങ്ങാ​നു​ള്ള സൗ​ക​ര്യം ചെ​യ്യാ​മെ​ന്നാ​ണ് അ​വ​ർ പ​റ​ഞ്ഞ​ത്. പൈ​സ തി​രി​ച്ചു​ത​ന്നാ​ൽ അ​തി​ർ​ത്തി​യി​ൽ കൊ​ണ്ടു​ചെ​ന്നു​വി​ടാ​മെ​ന്ന് ഉ​റ​പ്പു​ന​ൽ​കി. പാ​സ്പോ​ർ​ട്ടും രേ​ഖ​ക​ളും ഇ​ല്ലാ​ത്ത​തി​നാ​ൽ, ഇ​വി​ടെ​നി​ന്ന് ര​ക്ഷ​പ്പെ​ട്ടോ​ടാ​നാ​കി​ല്ല. സൈ​ന്യം പി​ടി​ച്ചാ​ൽ ജ​യി​ലി​ൽ കി​ട​ക്കേ​ണ്ടി വ​രും. ആ​ഭ്യ​ന്ത​ര ക​ലാ​പ​ങ്ങ​ളും യു​ദ്ധ​ങ്ങ​ളും രൂ​ക്ഷ​മാ​ണ്. ഭാ​ഷ അ​റി​യാ​ത്ത​ത് പ്ര​ധാ​ന പ്ര​ശ്ന​വു​മാ​ണ്. ഇ​തി​നി​ടെ കേ​ര​ള​ത്തി​ൽ​നി​ന്നും ഇ​ന്ത്യ​യു​ടെ മ​റ്റു സം​സ്ഥാ​ന​ങ്ങ​ളി​ൽ​നി​ന്നും നി​ര​വ​ധി പേ​ർ ഇ​വി​ടെ എ​ത്തി​ച്ചേ​ർ​ന്നു.

സി​നാ​ജ് വ​ന്ന​ശേ​ഷം ഏ​താ​ണ്ട് 850 പേ​ർ ഇ​വി​ടെ ജോ​ലി തേ​ടി​യെ​ത്തി. അ​വ​രി​ൽ 13 മ​ല​യാ​ളി​ക​ളെ​യും 35 ത​മി​ഴ​ന്മാ​രെ​യും ക​ണ്ടു​മു​ട്ടി. പ​ര​സ്പ​രം സം​സാ​രി​ക്കു​ന്ന​തി​ൽ വി​ല​ക്കു​ണ്ട്. എ​ങ്കി​ലും, പ​ല​വി​ധ വ​ഴി​ക​ളി​ലൂ​ടെ ഇ​വ​ർ ആ​ശ​യ​വി​നി​മ​യം ന​ട​ത്തി. പ​ല രാ​ജ്യ​ങ്ങ​ളി​ൽ കു​റ്റ​കൃ​ത്യം ന​ട​ത്തി ഒ​ളി​ച്ചു​താ​മ​സി​ക്കാ​നാ​യി മാ​ത്രം ഇ​വി​ടെ​യെ​ത്തു​ന്ന ആ​ളു​ക​ളു​മു​ണ്ട്. അ​ത്ത​ര​ക്കാ​ർ ഇ​വി​ടെ​യും ത​ട്ടി​പ്പ് ന​ട​ത്തും.

ഗൂ​ഢ​സം​ഘ​ത്തോ​ട് ‘വെ​റു​തെ വി​ട​ണ’​മെ​ന്ന് ക​ര​ഞ്ഞു​കേ​ണ​പേ​ക്ഷി​ച്ചി​ട്ടും അ​വ​ർ​ക്ക് ഭാ​വ​വ്യ​ത്യാ​സ​മു​ണ്ടാ​യി​ല്ല. ഇ​ന്ത്യ​ൻ എം​ബ​സി​യെ അ​റി​യി​ക്കു​മെ​ന്ന് ഭീ​ഷ​ണി​പ്പെ​ടു​ത്തി​യാ​ൽ പ​രി​ഹാ​സ​ച്ചി​രി​യാ​ണ് മ​റു​പ​ടി. ഇ​ന്ത്യ​ൻ പ്ര​സി​ഡ​ന്റ് വ​ന്നാ​ൽ​പോ​ലും ഇ​വി​ടെ​യൊ​ന്നും ചെ​യ്യാ​ൻ ക​ഴി​യി​ല്ലെ​ന്ന് അ​വ​ർ പ്ര​തി​ക​രി​ക്കും.

നി​രാ​ശ​യും നി​സ്സ​ഹാ​യാ​വ​സ്ഥ​യും മ​ര​ണ​ഭ​യ​വും ചൂ​ഴ്ന്നു​നി​ന്ന ഒ​രു രാ​ത്രി​യി​ലാ​ണ് സി​നാ​ജ് മ​ര​ണ​ത്തി​ന്റെ വ​ക്കി​ലെ​ത്തി​യ​ത്. ഉ​റ​ങ്ങാ​ൻ കി​ട​ന്ന സി​നാ​ജ് ജ​ന​ൽ​പാ​ളി തു​റ​ന്നി​ട്ടി​രു​ന്നു. അ​വി​ടെ രാ​ത്രി​കാ​ല​ങ്ങ​ളി​ൽ ക​റു​ത്ത പു​ക വ്യാ​പ​ക​മാ​ണ്. നേ​ര​ത്തേത​ന്നെ അ​ല​ർ​ജി​മൂ​ലം ശ്വാ​സ​ത​ട​സ്സം നേ​രി​ട്ടി​രു​ന്ന സി​നാ​ജ് ഉ​റ​ക്ക​ത്തി​നി​ട​യി​ൽ ഈ ​ക​റു​ത്ത പു​ക ശ്വ​സി​ക്കു​ക​യും ഓ​ക്സി​ജ​ൻ താ​ഴ്ന്ന അ​വ​സ്ഥ​യി​ലെ​ത്തു​ക​യും ചെ​യ്തു. എ​ന്നാ​ൽ, ക്യാ​മ്പി​ലെ ക്ലി​നി​ക്കി​ലു​ണ്ടാ​യി​രു​ന്ന ആ​രോ​ഗ്യ​പ്ര​വ​ർ​ത്ത​ക​ർ നി​സ്സ​ഹാ​യ​രാ​യി. ഓ​ക്സി​ജ​ൻ സി​ലി​ണ്ട​ർ ഘ​ടി​പ്പി​ച്ചും പു​റ​മെ​നി​ന്ന് ഡോ​ക്ട​റെ എ​ത്തി​ച്ചു​മാ​ണ് സി​നാ​ജ് ജീ​വി​ത​ത്തി​ലേ​ക്ക് തി​രി​കെ​യെ​ത്തി​യ​ത്.

മ​ല​യാ​ളി​യു​ടെ സ​മ​ര​വീ​ര്യം, കൊ​ല​പാ​ത​കം

എ​ല്ലാ​യി​ട​ത്തും പോ​രാ​ട്ട​വീ​ര്യം മ​ല​യാ​ളി​യു​ടെ പ്ര​ത്യേ​ക​ത​യാ​ണ്. നേ​ര​ത്തേ പ​ട്ടാ​ള​ക്കാ​ര​നാ​കാ​ൻ ആ​ശി​ച്ച സി​നാ​ജ് പ​ല പ​രി​ശീ​ല​ന ക​ള​രി​ക​ളി​ലും പ​ങ്കെ​ടു​ത്തി​ട്ടു​ണ്ട്. അ​ങ്ങ​നെ​യൊ​രു ധൈ​ര്യം​കൂ​ടി മ​ന​സ്സി​ലു​ണ്ട്. ഇ​ങ്ങ​നെ ഈ ​ന​ര​ക​ത്തി​ൽ കി​ട​ന്നാ​ൽ പ​റ്റി​ല്ലെ​ന്ന് തീ​രു​മാ​നി​ക്കു​ക​യും കൂ​ടെ​യു​ള്ള ജോ​ലി​ക്കാ​രെ ഒ​രു​മി​ച്ചു നി​ൽ​ക്കാ​ൻ പ്ര​ചോ​ദി​പ്പി​ക്കു​ക​യും ചെ​യ്തു. ഒ​രു ദി​വ​സം എ​ല്ലാ​വ​രും ചേ​ർ​ന്ന് പ​ണി​മു​ട​ക്ക് ന​ട​ത്തി. മ​ല​യാ​ളി​ക​ളും ത​മി​ഴ​ന്മാ​രും ഒ​ന്നി​ച്ചു നി​ന്നു. എ​ല്ലാ​വ​രും ഒ​ന്നി​ച്ച് കെ​ട്ടി​ട​ത്തി​ന് വെ​ളി​യി​ലി​റ​ങ്ങി. ഈ ​പ​ണി ചെ​യ്യി​ല്ലെ​ന്നും നാ​ട്ടി​ലേ​ക്കു തി​രി​ച്ചു വി​ട​ണ​മെ​ന്നും ആ​വ​ശ്യ​പ്പെ​ട്ടു.

എ​ന്നാ​ൽ, ഇ​തി​നു ക​ടു​ത്ത പ്ര​തി​കാ​ര​മാ​ണ് അ​വ​രെ കാ​ത്തി​രു​ന്ന​ത്. കൂ​ട്ട​ത്തി​ലു​ള്ള ര​ണ്ടു​പേ​രെ ഈ ​ഗൂ​ഢ​സം​ഘം പി​ടി​ച്ചു​കൊ​ണ്ടു​പോ​യി. അ​ൽ​പ​സ​മ​യം ക​ഴി​ഞ്ഞ​പ്പോ​ൾ ര​ണ്ടു വെ​ടി​യൊ​ച്ച​ക​ൾ കേ​ട്ടു. പി​ന്നീ​ട​റി​ഞ്ഞു, കൂ​ട്ടി​ക്കൊ​ണ്ടു പോ​യ​വ​രെ ഗൂ​ഢ​സം​ഘം വെ​ടി​വെ​ച്ചു​കൊ​ന്നെ​ന്ന്. ഇ​തി​നി​ടെ ര​ണ്ടു​പേ​ർ മു​റി​യി​ൽ പോ​യി​രു​ന്നു. വെ​ടി​ശ​ബ്ദ​ത്തി​നു പിറ​കെ അ​വ​രി​ലൊ​രാ​ൾ ആ​ർ​ത്തു​ക​ര​ഞ്ഞു​കൊ​ണ്ട് ഓ​ടി​വ​ന്നു. അ​യാ​ളു​ടെ ചെ​വി മ​ർ​ദ​ന​ത്തി​ൽ തു​ള​ച്ചു​കീ​റി​യ അ​വ​സ്ഥ​യി​ലാ​യി​രു​ന്നു. വ​ർ​ക്ക​ല സ്വ​ദേ​ശി​യെ ക​റ​ന്റ​ടി​പ്പി​ച്ച​തി​നാ​ൽ എ​ഴു​ന്നേ​റ്റു​നി​ൽ​ക്കാ​ൻ ക​ഴി​യാ​ത്ത അ​വ​സ്ഥ​യി​ലാ​യി​രു​ന്നു.

ര​ക്ഷ​ക്കെ​ത്തി​യ സാ​ങ്കേ​തി​ക വി​ദ്യ

ഇ​തി​നി​ടെ, ഓ​ഫി​സി​ൽ​നി​ന്ന് മോ​ഷ്ടി​ച്ച മൊ​ബൈ​ലി​ൽ സി​നാ​ജ് വി​ഡി​യോ​ക​ളെ​ടു​ത്ത് സി​ഗ്ന​ൽ ആ​പ് വ​ഴി സ​ഹോ​ദ​ര​ന് അ​യ​ച്ചു​കൊ​ടു​ത്തി​രു​ന്നു. പ​ല സ​മ​യ​ത്തെ​ടു​ക്കു​ന്ന വി​ഡി​യോ​ക​ൾ അ​യ​ക്കും. അ​യ​ച്ചാ​ൽ അ​ൽ​പ​സ​മ​യ​ത്തി​ന​ക​ത്ത് അ​വ അ​യ​ച്ച​യാ​ളു​ടെ മൊ​ബൈ​ലി​ൽ​നി​ന്ന് ഡി​ലീ​റ്റ് ആ​കും. എ​ന്നാ​ൽ, കി​ട്ടി​യ ആ​ൾ​ക്ക് അ​ത് സു​ര​ക്ഷി​ത​മാ​യി സൂ​ക്ഷി​ക്കാ​നും ക​ഴി​യും. ഇ​ത്ത​ര​ത്തി​ൽ സി​നാ​ജ് അ​യ​ച്ചു കൊ​ടു​ത്ത വി​ഡി​യോ​ക​ളും ഫോ​ട്ടോ​ക​ളു​മാ​ണ് പി​ന്നീ​ട് ര​ക്ഷാ​ദൗ​ത്യ​ത്തി​നു കാ​ര​ണ​മാ​യ​ത്.

വ്യാ​ജ സമൂ​ഹ മാ​ധ്യ​മ അ​ക്കൗ​ണ്ടു​ക​ളു​ണ്ടാ​ക്കി ഇ​ന്ത്യ​ൻ എം​ബ​സി​യെ​യും വി​വ​ര​ങ്ങ​ൾ അ​റി​യി​ച്ചു. ലൊ​ക്കേ​ഷ​ൻ അ​യ​ച്ചു​കൊ​ടു​ത്തെ​ങ്കി​ലും അ​ത്ത​ര​മൊ​രു സ്ഥ​ല​മോ കെ​ട്ടി​ട​മോ ഗൂ​ഗി​ളി​ൽ കാ​ണു​ന്നി​ല്ലെ​ന്നാ​ണ് മ​റു​പ​ടി കി​ട്ടി​യ​തെ​ന്ന് സി​നാ​ജ് പ​റ​യു​ന്നു. ര​ണ്ടു​മാ​സ​മെ​ങ്കി​ലും ര​ക്ഷ​പ്പെ​ടു​ത്താ​നെ​ടു​ത്തേ​ക്കു​മെ​ന്നും എം​ബ​സി അ​റി​യി​ച്ചു. എ​ന്നാ​ൽ, അ​ത്ര​യും ദി​വ​സം അ​വി​ടെ ക​ഴി​ഞ്ഞാ​ൽ ജീ​വ​ൻ ബാ​ക്കി​യു​ണ്ടാ​കു​മോ​യെ​ന്ന് ഉ​റ​പ്പി​ല്ല. അ​തി​നാ​ൽ, ഗൂ​ഢ​സം​ഘ​ത്തി​ലെ കാ​വ​ൽ​ക്കാ​രു​ടെ ക​ണ്ണു​വെ​ട്ടി​ച്ച് സി​നാ​ജും സം​ഘ​വും ട്വി​റ്റ​ർ വ​ഴി പ​ല പ്ര​മു​ഖ​ർ​ക്കും വി​വ​ര​ങ്ങ​ൾ അ​യ​ക്കാ​ൻ തു​ട​ങ്ങി. മ​ല​യാ​ള സി​നി​മ മേ​ഖ​ല​യി​ലെ പ്ര​മു​ഖ​രും ഇ​ക്കൂ​ട്ട​ത്തി​ലു​ണ്ട്. എ​ന്നാ​ൽ, മ​റു​പ​ടി​ക​ൾ കി​ട്ടാ​താ​യ​പ്പോ​ൾ മാ​ധ്യ​മ​പ്ര​വ​ർ​ത്ത​ക​രെ കോ​ൺ​ടാ​ക്ട് ചെ​യ്യാ​ൻ തു​ട​ങ്ങി. അ​ങ്ങ​നെ മാ​ധ്യ​മ​പ്ര​വ​ർ​ത്ത​ക​ർ​ക്ക് അ​യ​ച്ച വി​ഡി​യോ ക്ലി​പ്പി​ങ്ങു​ക​ളി​ലൂ​ടെ​യാ​ണ് ഒ​രു കൂ​ട്ടം ഇ​ന്ത്യ​ക്കാ​ർ മ്യാ​ന്മ​റി​ലേ​ക്ക് മ​നു​ഷ്യ​ക്ക​ട​ത്തി​ന് ഇ​ര​യാ​യെ​ന്ന് പു​റം​ലോ​ക​മ​റി​ഞ്ഞ​ത്.

ത​മി​ഴ്നാ​ട്ടി​ലെ ഉ​ന്ന​ത പൊ​ലീ​സ് ഉ​ദ്യോ​ഗ​സ്ഥ​ന്റെ മ​ക​നും എ​സ്.​ഐ​യു​ടെ മ​ക​നും മ​നു​ഷ്യ​ക്ക​ട​ത്തി​ന് വി​ധേ​യ​രാ​യെ​ന്ന വി​വ​ര​മ​റി​ഞ്ഞ​തോ​ടെ ത​മി​ഴ്നാ​ട് സ​ർ​ക്കാ​ർ അ​തി​വേ​ഗം ന​ട​പ​ടി​ക​ൾ ആ​രം​ഭി​ച്ചു. എം​ബ​സി​യി​ലും കേ​ന്ദ്ര സ​ർ​ക്കാ​റി​ലും സ​മ്മ​ർ​ദം ചെ​ലു​ത്തി​യ ത​മി​ഴ്നാ​ട് മു​ഖ്യ​മ​ന്ത്രി സ്റ്റാ​ലി​ൻ ശ​ക്ത​മാ​യി ഇ​ട​പെ​ട​ൽ ന​ട​ത്തി. അ​ങ്ങ​നെ എം​ബ​സി​ക​ളും മ്യാ​ന്മ​ർ, താ​യ്ല​ൻ​ഡ് പൊ​ലീ​സ് സം​ഘ​ങ്ങ​ളും ന​ട​ത്തി​യ ര​ക്ഷാ​ദൗ​ത്യ​ത്തി​ൽ 13 ത​മി​ഴ്നാ​ട് സ്വ​ദേ​ശി​ക​ൾ ഇ​ന്ത്യ​യി​ൽ തി​രി​ച്ചെ​ത്തി.

എ​ന്നാ​ൽ, പി​ന്നീ​ടു​ള്ള പ്ര​വ​ർ​ത്ത​ന​ങ്ങ​ളി​ൽ മ​ന്ദ​ത ഉ​ണ്ടാ​യ​തോ​ടെ കേ​ര​ള​ത്തി​ലെ ഇ​ര​ക​ളു​ടെ കു​ടും​ബ​ങ്ങ​ൾ സ​ങ്ക​ട​ക്ക​ട​ലി​ലാ​യി. അ​വ​ർ എം.​പി​മാ​രെ​യും വി​വി​ധ പാ​ർ​ട്ടി​ക​ളു​ടെ നേ​താ​ക്ക​ന്മാ​രെ​യും പോ​യി​ക്ക​ണ്ടു. എം.​പി​മാ​രാ​യ എ.​എം. ആ​രി​ഫ്, കെ.​സി. വേ​ണു​ഗോ​പാ​ൽ, വി​ദേ​ശ​കാ​ര്യ സ​ഹ​മ​ന്ത്രി വി. ​മു​ര​ളീ​ധ​ര​ൻ എ​ന്നി​വ​രും ശ​ക്ത​മാ​യ ഇ​ട​പെ​ട​ൽ ന​ട​ത്തി.

സ​മ​ര​ദി​വ​സ​ത്തെ പ്ര​തി​കാ​ര ന​ട​പ​ടി​ക​ൾ വീ​ട്ടി​ല​റി​യി​ച്ച​പ്പോ​ൾ സ​ഹോ​ദ​ര​ൻ ന​ൽ​കി​യ ഉ​പ​ദേ​ശ​ത്തെ തു​ട​ർ​ന്ന് സി​നാ​ജ് പി​ന്നീ​ട് പേ​ടി​യു​ള്ള ആ​ളെ​പോ​ലെ പെ​രു​മാ​റി. എ​ന്നാ​ൽ, വി​ഡി​യോ ഷൂ​ട്ട് ചെ​യ്യാ​ൻ മ​റ​ന്നി​ല്ല. ഈ ​വി​ഡി​യോ​ക​ൾ​കൂ​ടി പു​റ​ത്തു​വ​ന്ന​തോ​ടെ, ര​ക്ഷാ​ദൗ​ത്യം നേ​ര​ത്തെ​യും ന​ട​ത്തി​യി​ട്ടു​ണ്ടെ​ന്നും ഇ​നി​യും തു​ട​രു​മെ​ന്നും കേ​ന്ദ്ര സ​ർ​ക്കാ​ർ വ്യ​ക്ത​മാ​ക്കി. മ്യാ​ന്മ​ർ ഭ​ര​ണ​കൂ​ട​ത്തി​ന്റെ പ​രി​ധി​ക്ക് പു​റ​ത്താ​യ​തി​നാ​ലാ​ണ് ര​ക്ഷാ​പ്ര​വ​ർ​ത്ത​നം വൈ​കു​ന്ന​തെ​ന്നും കേ​ന്ദ്ര സ​ർ​ക്കാ​ർ വി​ശ​ദീ​ക​രി​ച്ചു.

കൂ​ട്ട​ത്തി​ലെ ഒ​റ്റു​കാ​ര​ൻ, അ​വ​യ​വ ക​ച്ച​വ​ടം

വാ​ർ​ത്ത​ക​ൾ പു​റ​ത്തു​വ​ന്ന​തോ​ടെ വി​വ​ര​ണ​ങ്ങ​ൾ പു​റ​ത്തു​വി​ട്ട​ത് സി​നാ​ജാ​ണെ​ന്ന് സം​ഘ​ത്തി​ലെ ഒ​രാ​ൾ ഒ​റ്റി. ത​മി​ഴ്നാ​ട്ടി​ൽ ഒ​രു​പാ​ട് ക്രി​മി​ന​ൽ കേ​സു​ക​ളു​ള്ള ഇ​യാ​ൾ നാ​ടു​വി​ട്ടു​നി​ൽ​ക്കാ​നാ​ണ് മ്യാ​ന്മ​റി​ൽ വ​ന്ന​ത്. വാ​ർ​ത്ത​ക​ൾ പു​റ​ത്തു​പോ​യെ​ന്ന് വി​വ​രം കി​ട്ടി​യ​തോ​ടെ ഗൂ​ഢ​സം​ഘം ജോ​ലി​ക്കാ​രെ ലാ​വോ​സി​ലേ​ക്കും കം​േ​ബാ​ഡി​യ​യി​ലേ​ക്കും മാ​റ്റാ​ൻ തു​ട​ങ്ങി. പ​ല​രെ​യും വ​ണ്ടി​യി​ൽ ക​യ​റ്റി മാ​ടു​ക​ളെ കൊ​ണ്ടു​പോ​കു​ന്ന​തു പോ​ലെ അ​ട്ടി​യി​ട്ടു കൊ​ണ്ടു​പോ​യി. ചി​ല​രു​ടെ അ​വ​യ​വ​ങ്ങ​ൾ വി​റ്റ​താ​യും പി​ന്നീ​ട് അ​റി​ഞ്ഞു. തി​രി​ച്ചെ​ത്തി​ക്ക​ണ​മെ​ന്നാ​വ​ശ്യ​പ്പെ​ട്ട് എം​ബ​സി ന​ൽ​കി​യ പ​ട്ടി​ക​യി​ൽ​നി​ന്ന് മൂ​വ​രു​ടെ​യും പേ​രു​ക​ൾ വെ​ട്ടി​മാ​റ്റി​യെ​ന്നാ​ണ് സി​നാ​ജ് പ​റ​യു​ന്ന​ത്.

മ​ര​ണ​വ​ക്കി​ലെ​ത്തി​യ രാ​ത്രി -ര​ണ്ട്

ഒ​രു​ദി​വ​സം രാ​ത്രി ഗൂ​ഢ​സം​ഘ​ത്തി​ലെ അം​ഗ​ങ്ങ​ളെ​ത്തി ‘നി​ങ്ങ​ളെ കൊ​ണ്ടു​പോ​വു​ക​യാ​ണ്’ എ​ന്ന​റി​യി​ച്ചു. ചി​ല​പ്പോ​ൾ കൊ​ല്ലും, ചി​ല​പ്പോ​ൾ അ​തി​ർ​ത്തി​യി​ൽ ത​ള്ള​പ്പെ​ടാം, അ​ല്ലെ​ങ്കി​ൽ പൊ​ലീ​സി​ന് കൈ​മാ​റും. ഇ​ങ്ങ​നെ മൂ​ന്നു​സാ​ധ്യ​ത​ക​ളാ​ണ് അ​വ​ർ മു​ന്നി​ൽ വെ​ച്ച​ത്. ശേ​ഷം അ​വ​ർ മൂ​വ​രു​ടെ​യും കൈ​ക​ൾ പി​ന്നി​ലേ​ക്ക് കെ​ട്ടി കു​റെ സ​മ​യം ഒ​രു കാ​ട്ടി​ലി​രു​ത്തി. മു​തു​കി​ൽ തോ​ക്കു​വെ​ച്ച നി​ല​യി​ലാ​ണ് ഇ​രു​ന്ന​ത്.

മൂ​ന്നു​പേ​ർ​ക്കും മാ​ന​സി​ക​നി​ല തെ​റ്റി​യ പോ​ലെ​യാ​യി. പി​ന്നീ​ട്, രാ​വി​ലെ​യാ​ണ് കൊ​ണ്ടു​പോ​വു​ക എ​ന്ന​റി​യി​പ്പ് കി​ട്ടി. മൂ​വ​രും മു​റി​യി​ലെ​ത്തി. സി​നാ​ജ് സ​ഹോ​ദ​ര​നെ വി​ളി​ച്ച് ഉ​മ്മ​ക്ക് ഫോ​ൺ കൊ​ടു​ക്കാ​ൻ ആ​വ​ശ്യ​പ്പെ​ട്ടു. ഉ​മ്മ​യോ​ട് കു​റെ ക​ര​ഞ്ഞു. മ​രി​ച്ചു​പോ​വു​ക​യാ​ണെ​ന്നും മൃ​ത​ശ​രീ​രം കി​ട്ടി​യേ​ക്കി​ല്ലെ​ന്നും പ​റ​ഞ്ഞ് ക​ര​ഞ്ഞു. ഉ​മ്മ വി​വ​ര​ങ്ങ​ളൊ​ക്കെ അ​പ്പോ​ഴാ​ണ് അ​റി​ഞ്ഞ​ത്. ഉ​മ്മ​യും ഹൃ​ദ​യം ത​ക​ർ​ന്നു ക​ര​ഞ്ഞു. ചി​ല കൂ​ട്ടു​കാ​രെ വി​ളി​ച്ച് ജോ​ലി​യെ​ന്ന പേ​രി​ലൊ​രു​ക്കി​യ കെ​ണി​യെ​ക്കു​റി​ച്ച് പ​റ​ഞ്ഞു.

പി​റ്റേ​ന്ന് രാ​വി​ലെ ച​ങ്ങ​ല​യി​ട്ട് ട്ര​ക്കി​ൽ ക​യ​റ്റി. തോ​ക്കു​മാ​യി അം​ഗ​ര​ക്ഷ​ക​ർ ഉ​ണ്ടാ​യി​രു​ന്നു. അ​വ​രു​ടെ കൈ​യി​ൽ വ​യ​ർ​ല​സ് സെ​റ്റു​ക​ളാ​ണ് ഉ​ണ്ടാ​യി​രു​ന്ന​ത്. ടൗ​ണി​ലെ​ത്തി​യ​പ്പോ​ൾ വാ​തി​ൽ​ക്ക​ലേ​ക്കു നീ​ങ്ങി നി​ൽ​ക്കാ​ൻ ആ​വ​ശ്യ​പ്പെ​ട്ടു. വെ​ടി​വെ​ച്ചി​ടാ​നു​ള്ള നീ​ക്ക​മാ​ണെ​ന്ന് തോ​ന്നി​യ​തോ​ടെ ക​ണ്ണി​ൽ ഇ​രു​ട്ടു​ക​യ​റി. എ​ന്നാ​ൽ, ച​വി​ട്ടി താ​ഴെ​യി​ടു​ക​യാ​ണ് ചെ​യ്ത​ത്, വ​ന്നു​വീ​ണ​ത് മ്യാ​ന്മ​ർ പൊ​ലീ​സ് സ്റ്റേ​ഷ​ന് മു​ന്നി​ലാ​ണ്. പൊ​ലീ​സ് അ​വ​രെ അ​റ​സ്റ്റ് ചെ​യ്തു, ഒ​രു രേ​ഖ​യു​മി​ല്ലാ​ത്ത​തി​നാ​ൽ ‘രാ​ജ്യ​ത്തേ​ക്ക് ക​ട​ന്നു​ക​യ​റി’ എ​ന്ന വ​കു​പ്പി​ലാ​ണ് അ​റ​സ്റ്റ്.

എ​ന്നാ​ൽ, ഇ​മി​ഗ്രേ​ഷ​ൻ ഓ​ഫി​സ​റോ​ട് കാ​ര്യ​ങ്ങ​ൾ പ​റ​ഞ്ഞു. അ​വ​ർ എം​ബ​സി​യി​ൽ ആ​രാ​ഞ്ഞു. അ​വി​ടെ​നി​ന്ന് ത​മി​ഴ്നാ​ട് സ്വ​ദേ​ശി​യാ​യ ഉ​ദ്യോ​ഗ​സ്ഥ​ൻ വ​ന്നു. ഫോ​ട്ടോ​ക​ളും വി​ഡി​യോ​ക​ളും സ​ഹോ​ദ​ര​ൻ എം​ബ​സി​യി​ലെ ഉ​ദ്യോ​ഗ​സ്ഥ​ന് അ​യ​ച്ചു​കൊ​ടു​ത്തു. ഇ​തു​ക​ണ്ട​പ്പോ​ഴാ​ണ് പൊ​ലീ​സു​കാ​ർ​ക്കും സ​ത്യാ​വ​സ്ഥ മ​ന​സ്സി​ലാ​യ​ത്. എ​ന്നാ​ൽ, പാ​സ്പോ​ർ​ട്ടും രേ​ഖ​ക​ളും ത​യാ​റാ​ക്കാ​ൻ 15 ദി​വ​സ​മെ​ടു​ത്തേ​ക്കു​മെ​ന്നും അ​തു​വ​രെ ജ​യി​ലി​ൽ ക​ഴി​യേ​ണ്ടി വ​രു​മെ​ന്നും പൊ​ലീ​സ് അ​റി​യി​ച്ചു.

മ​ര​ണ​വ​ക്കി​ലെ​ത്തി​യ രാ​ത്രി -മൂ​ന്ന്

‘‘ന​മ്മു​ടെ നാ​ട്ടി​ലെ പോ​ലെ​യു​ള്ള ജ​യി​ല​ല്ല. ത​ട്ടു​ത​ട്ടു​ക​ളാ​യ ഇ​രു​മ്പു​കൂ​ടു​ക​ളാ​ണ്. അ​തി​ന​ക​ത്തു ത​ന്നെ​യാ​ണ് ടോ​യ്ല​റ്റ്. ഒ​രു സ്വ​കാ​ര്യ​ത​യും ഉ​ണ്ടാ​കി​ല്ല. ദു​ർ​ഗ​ന്ധ​വും സ​ഹി​ക്ക​ണം. മ​ണ്ണി​ലാ​ണ് കി​ട​പ്പ്. പാ​റ്റ​യും തേ​ളും എ​ല്ലാം ക​യ​റി​വ​രും’’ -സി​നാ​ജ് ജ​യി​ലി​ലെ ജീ​വി​തം അ​നു​സ്മ​രി​ച്ചു. മൂ​ന്നു പേ​ർ​ക്കു​ള്ള സെ​ല്ലി​ൽ അ​ഞ്ചാ​റ് പേ​രു​ണ്ട്. കാ​ൽ നീ​ട്ടി​വെ​ച്ച് ഇ​രു​ന്നു​റ​ങ്ങാ​ൻ പാ​ക​ത്തി​ലു​ള്ള സ്ഥ​ല​മേ ഉ​ണ്ടാ​കൂ. അ​തു​കൂ​ടി​യാ​യ​തോ​ടെ മാ​ന​സി​ക​നി​ല തെ​റ്റി​യ പോ​ലെ​യാ​യി പ​ല​ർ​ക്കും. ഒ​രു സെ​ല്ലി​ൽ 13 പേ​ർ വ​രെ ക​ഴി​ഞ്ഞി​ട്ടു​ണ്ട്.

ഒ​ടു​വി​ൽ, മൂ​ന്നാ​ഴ്ച​ക്ക​കം വി​ട്ട​യ​ക്കാ​മെ​ന്ന് കോ​ട​തി വി​ധി വ​ന്നു. ജ​യി​ലി​ലെ​ത്തി 21ാം ദി​വ​സം രാ​ത്രി വീ​ണ്ടും എ​ല്ലാം മാ​റി​മ​റി​ഞ്ഞു. മ​ര​ണ​ഭ​യം മാ​ത്ര​മാ​യി മ​ന​സ്സി​ൽ. ക​സ്റ്റ​ഡി സെ​ല്ലി​ന്റെ അ​ര​ക്കി​ലോ​മീ​റ്റ​ർ അ​പ്പു​റ​ത്താ​ണ് പൊ​ലീ​സ് സ്റ്റേ​ഷ​ൻ. നാ​ട്ടി​ലെ വി​മ​ത വി​ഭാ​ഗ​ത്തി​ൽ ഉ​ൾ​പ്പെ​ടു​ന്ന ഗോ​ത്ര വ​ർ​ഗ​ക്കാ​ർ ഡ്രോ​ണി​ൽ പൊ​ലീ​സ് സ്റ്റേ​ഷ​നി​ലേ​ക്ക് ബോം​ബ് വ​ർ​ഷി​ച്ചു. പ​ര​സ്പ​രം വെ​ടി​വെ​പ്പു​ണ്ടാ​യി. ഓ​ങ് സാ​ൻ സൂ​ചിയെ പു​റ​ത്താ​ക്കി 2021 ലാ​ണ് മ്യാ​ൻ​മ​റി​ൽ സൈ​ന്യം അ​ധി​കാ​രം പി​ടി​ച്ചെ​ടു​ത്ത​ത്. തു​ട​ർ​ന്ന് ആ​രം​ഭി​ച്ച ആ​ഭ്യ​ന്ത​ര യു​ദ്ധ​ത്തി​ൽ ആ​യി​ര​ങ്ങ​ളാ​ണ് മ​രി​ച്ച​ത്.

ഇ​വി​ടെ​യും അ​ത്ത​രം ആ​ഭ്യ​ന്ത​ര യു​ദ്ധ​മാ​ണ് ന​ട​ന്ന​ത്. ഗോ​ത്ര​വി​ഭാ​ഗ​ത്തി​ലെ ഒ​രാ​ളെ പൊ​ലീ​സ് ക​സ്റ്റ​ഡി​യി​ലെ​ടു​ത്ത് കൊ​ന്നെ​ന്നു​ള്ള ആ​രോ​പ​ണ​വു​മാ​യാ​ണ് 250 പേ​ര​ട​ങ്ങു​ന്ന സം​ഘം സ്റ്റേ​ഷ​ൻ ആ​ക്ര​മി​ച്ച​ത്. ജ​യി​ലി​ലെ പൊ​ലീ​സ് ഓ​ഫി​സ​ർ​മാ​ർ ഉ​ട​ന​ടി വി​ള​ക്കു​ക​ൾ അ​ണ​ച്ച്, ആ​യു​ധ​ങ്ങ​ൾ സ​ജ്ജ​മാ​ക്കി. പി​റ്റേ​ന്ന് രാ​വി​ലെ​യാ​ണ് സം​ഭ​വ​ത്തി​ന്റെ മു​ഴു​വ​ൻ വി​വ​ര​ങ്ങ​ളും കി​ട്ടി​യ​ത്. യു​ദ്ധ​ത്തി​ൽ റോ​ഡാ​കെ ത​ക​ർ​ന്നു. ഈ ​റോ​ഡു​ക​ൾ ന​വീ​ക​രി​ക്കു​ക​യും ഗ​താ​ഗ​തം പു​നഃ​സ്ഥാ​പി​ക്കു​ക​യും ചെ​യ്താ​ൽ മാ​ത്ര​മേ ഇ​നി നാ​ട്ടി​ലേ​ക്കു​ള്ള യാ​ത്ര​ക്കു​ള്ള അ​നു​മ​തി കി​ട്ടൂ. ജ​യി​ലി​ലെ​ത്തി 45 ദി​വ​സം പി​ന്നി​ട്ട​പ്പോ​ഴാ​ണ് ഗ​താ​ഗ​തം പു​നഃ​സ്ഥാ​പി​ച്ച​ത്.

ഈ ​സ്റ്റേ​ഷ​നി​ൽ​നി​ന്ന് മ്യാ​ന്മ​റി​ലെ യാംഗോനിലേ​ക്ക് 850 കി​ലോ​മീ​റ്റ​ർ ദൂ​ര​മു​ണ്ട്. സ​ർ​ക്കാ​ർ വ​ക ബു​ള്ള​റ്റ് പ്രൂ​ഫ് ബ​സി​ൽ, നി​ര​വ​ധി ചെ​ക്പോ​സ്റ്റു​ക​ൾ പി​ന്നി​ട്ട്, എ​ട്ടു മ​ണി​ക്കൂ​ർ​കൊ​ണ്ട് എ​ല്ലാ​വ​രെ​യും യാംഗോനിലെ​ത്തി​ച്ചു. വെ​ളു​പ്പി​ന് യാ​ത്ര തു​ട​ങ്ങി ഏ​ഴെ​ട്ടു സം​സ്ഥാ​ന​ങ്ങ​ൾ താ​ണ്ടി​യാ​ണ് അ​വ​ർ ഇ​വി​ടെ​യെ​ത്തി​യ​ത്. എം​ബ​സി​യു​ടെ വാ​ഹ​ന​വും പൊ​ലീ​സ് വാ​ഹ​ന​ങ്ങ​ളും അ​ക​മ്പ​ടി സേ​വി​ച്ചു. ആ​കെ 30 പേ​രെ​യാ​ണ് അ​ന്ന് ര​ക്ഷ​പ്പെ​ടു​ത്തി​യ​ത്. അ​തി​ൽ മ​ല​യാ​ളി​ക​ളാ​യി സി​നാ​ജും മ​റ്റു ര​ണ്ടു​പേ​രും മാ​ത്രം.

വീ​ണ്ടും പ്ര​ശ്നം ഉ​ണ്ടാ​യി. കൊ​ൽ​ക്ക​ത്ത​യി​ലേ​ക്കാ​ണ് ടി​ക്ക​റ്റ്. എ​ന്നാ​ൽ, ടി​ക്ക​റ്റ് തു​ക ഇ​ര​ക​ൾ​ത​ന്നെ അ​ട​ക്ക​ണം. ഒ​ടു​വി​ൽ എ​ല്ലാ​വ​രും നാ​ട്ടി​ലേ​ക്ക് വി​ളി​ച്ച് അ​വ​ര​വ​രു​ടെ കു​ടും​ബാം​ഗ​ങ്ങ​ൾ വ​ഴി ടി​ക്ക​റ്റ് എ​ടു​ത്തു. കൊ​ൽ​ക്ക​ത്ത​യി​ൽ​നി​ന്ന് കേ​ര​ളം വ​രെ​യു​ള്ള ടി​ക്ക​റ്റി​നു​ള്ള പ​ണം നോ​ർ​ക്ക​യാ​ണ് ന​ൽ​കി​യ​ത്. ഒ​രൊ​റ്റ വി​മാ​ന​ത്തി​ലാ​ണ് എ​ല്ലാ​വ​രെ​യും ഇ​ന്ത്യ​യി​ലെ​ത്തി​ച്ച​ത്. ത​മി​ഴ്നാ​ട്ടു​കാ​രു​ടെ മു​ഴു​വ​ൻ ചെ​ല​വും അ​വി​ടു​ത്തെ സ​ർ​ക്കാ​ർ ഏ​റ്റെ​ടു​ത്തു​ന​ൽ​കി​യെ​ന്നാ​ണ് പി​ന്നീ​ട​റി​ഞ്ഞ​തെ​ന്ന് സി​നാ​ജ് പ​റ​യു​ന്നു.

മ​നു​ഷ്യ​ക്ക​ട​ത്തു​കാ​ർ​ക്കെ​തി​രെ പോ​രാ​ട്ടം

സി​നാ​ജി​ന്റെ പോ​രാ​ട്ടം അ​വ​സാ​നി​ച്ചി​ട്ടി​ല്ല. സു​ഹൃ​ത്ത്, സു​ഹൃ​ത്തി​ന്റെ സ​ഹോ​ദ​രി, ഇ​ട​നി​ല​ക്കാ​ര​ൻ എ​ന്നി​വ​രെ ആ​ല​പ്പു​ഴ നോ​ർ​ത്ത് പൊ​ലീ​സ് അ​റ​സ്റ്റ് ചെ​യ്തു. മൂ​വ​രും ജാ​മ്യ​ത്തി​ലി​റ​ങ്ങി. വെ​റും 30,000 രൂ​പ ക​മീ​ഷ​ന് വേ​ണ്ടി​യാ​ണ് കൂ​ട്ടു​കാ​ര​ൻ​ത​ന്നെ ച​തി​ച്ച​തെ​ന്ന് സി​നാ​ജ് പ​റ​യു​ന്നു. ഒ​ര​മ്മ പെ​റ്റ സ​ഹോ​ദ​ര​ങ്ങ​ളെ പോ​ലെ​യാ​ണ് ക​ഴി​ഞ്ഞു വ​ന്ന​ത്. നേ​ര​ത്തേ തു​മ്പോ​ളി സ്വ​ദേ​ശി​യാ​യ ഒ​രു യു​വാ​വ് ഇ​ത്ത​ര​ത്തി​ൽ കെ​ണി​യി​ൽ അ​ക​പ്പെ​ട്ട കാ​ര്യം വി​ളി​ച്ച​റി​യി​ച്ചെ​ന്നും അ​തെ​ല്ലാം അ​റി​ഞ്ഞു​കൊ​ണ്ടു​ത​ന്നെ​യാ​ണ് സി​നാ​ജി​നെ​യും ക​യ​റ്റി​വി​ട്ട​തെ​ന്നും പൊ​ലീ​സ് ചൂ​ണ്ടി​ക്കാ​ണി​ച്ചു. മ്യാ​ന്മ​റി​ൽ കൂ​ടെ​യു​ണ്ടാ​യി​രു​ന്ന കു​റെ​പേ​ർ​ക്ക് ത​ന്റെ നാ​ട്ടി​ലെ ഫോ​ൺ ന​മ്പ​റും ഇ-​മെ​യി​ൽ ഐ.​ഡി​യും സി​നാ​ജ് ന​ൽ​കി​യി​രു​ന്നു. നാ​ട്ടി​ലെ​ത്തി​യ പ​ല​രും സി​നാ​ജി​നെ ബ​ന്ധ​പ്പെ​ട്ടു.

ഇ​ങ്ങ​നെ ര​ക്ഷ​പ്പെ​ട്ടു വ​ന്ന നൂ​റോ​ളം പേ​രു​ടെ വാ​ട്സ്ആ​പ് കൂ​ട്ടാ​യ്മ​യും ഇ​പ്പോ​ഴു​ണ്ട്. ത​ന്റെ ജീ​വി​താ​നു​ഭ​വ​ങ്ങ​ൾ പു​റം​ലോ​ക​ത്തോ​ട് പ​റ​യു​ന്ന​തി​ലൂ​ടെ, മ​നു​ഷ്യ​ക്ക​ട​ത്ത് സം​ഘ​ങ്ങ​ളെ​ക്കു​റി​ച്ച് സാ​ധാ​ര​ണ​ക്കാ​ർ​ക്ക് അ​റി​വു​ല​ഭി​ക്കു​മെ​ന്നും സി​നാ​ജ് പ​റ​യു​ന്നു. സി​നാ​ജി​പ്പോ​ൾ മെ​ഡി​ക്ക​ൽ റ​പ്ര​സ​ന്റേ​റ്റി​വാ​യും വ​ർ​ക്ക​ല സ്വ​ദേ​ശി സ്വ​ന്ത​മാ​യി ബേ​ക്ക​റി ന​ട​ത്തി​യും മു​ന്നോ​ട്ടു​പോ​കു​ന്നു. ത​ന്റെ കാ​ര്യ​ത്തി​ൽ ഉ​മ്മ​യു​ടെ ക​ണ്ണീ​രും പ്രാ​ർ​ഥ​ന​യു​മാ​ണ് ജീ​വ​ൻ ര​ക്ഷ​പ്പെ​ടാ​ൻ കാ​ര​ണ​മെ​ന്ന് സി​നാ​ജ് വി​ശ്വ​സി​ക്കു​ന്നു.

ഓ​പ​റേ​ഷ​ൻ ശു​ഭ​യാ​ത്ര

കേ​ര​ള​ത്തി​ലാ​കെ മൂ​ന്ന​ര​ക്കോ​ടി ജ​ന​മു​ണ്ട്. ഇ​തി​ലെ 22 ല​ക്ഷം പേ​ർ കു​ടി​യേ​റ്റ തൊ​ഴി​ലാ​ളി​ക​ളാ​ണെ​ന്ന് കേ​ര​ള മൈ​ഗ്രേ​ഷ​ൻ സ​ർ​വേ ക​ണ​ക്കു​ക​ൾ പ​റ​യു​ന്നു. സ്റ്റേ​റ്റ് ലെ​വ​ൽ ബാ​ങ്കേ​ഴ്സ് ക​മ്മി​റ്റി​യു​ടെ ക​ണ​ക്കു​ക​ൾ പ്ര​കാ​രം 2022 മാ​ർ​ച്ചി​ൽ, കേ​ര​ള​ത്തി​ലെ മൊ​ത്തം ബാ​ങ്ക് നി​ക്ഷേ​പ​ത്തി​ൽ 4,27,811 കോ​ടി രൂ​പ ആ​ഭ്യ​ന്ത​ര നി​ക്ഷേ​പ​വും (64.21 ശ​ത​മാ​നം), 2,38,409 കോ​ടി രൂ​പ പ്ര​വാ​സി നി​ക്ഷേ​പ​വു​മാ​ണ് (35.79 ശ​ത​മാ​നം). 2021 മാ​ർ​ച്ചി​ൽ ഇ​ത് യ​ഥാ​ക്ര​മം 3,76,278 കോ​ടി രൂ​പ​യും 2,29,636 കോ​ടി രൂ​പ​യു​മാ​യി​രു​ന്നു. 2022 മാ​ർ​ച്ചി​ൽ മൊ​ത്തം ആ​ഭ്യ​ന്ത​ര നി​ക്ഷേ​പ​ത്തി​ന്റെ വാ​ർ​ഷി​ക വ​ള​ർ​ച്ച നി​ര​ക്ക് 13.70 ശ​ത​മാ​ന​മാ​ണ്. ഇ​ത് മു​ൻ​വ​ർ​ഷ​ത്തേ​ക്കാ​ൾ കൂ​ടു​ത​ലാ​ണ്.

കോ​വി​ഡ് കാ​ല​ത്ത് കേ​ര​ള​ത്തി​ലേ​ക്ക് പ്ര​വാ​സി മ​ല​യാ​ളി​ക​ൾ കൂ​ട്ട​ത്തോ​ടെ തി​രി​ച്ചെ​ത്തി. അ​വ​രു​ടെ കു​ടും​ബ​ങ്ങ​ളെ സ​ഹാ​യി​ക്കാ​ൻ സ​ർ​ക്കാ​ർ പ​ല​വി​ധ പ​ദ്ധ​തി​ക​ളും ന​ട​പ്പാ​ക്കി. എ​ന്നാ​ൽ, കോ​വി​ഡ് കാ​ല​ത്തി​നു​ശേ​ഷം പ​ഠ​ന​ത്തി​നും ജോ​ലി​ക്കു​മാ​യി യു​വാ​ക്ക​ൾ വി​ദേ​ശ​ത്തേ​ക്ക് വ്യാ​പ​ക​മാ​യി കു​ടി​യേ​റു​ന്നു​ണ്ട്. നേ​ര​ത്തേ ഗ​ൾ​ഫ് രാ​ജ്യ​ങ്ങ​ളി​ലേ​ക്കാ​ണ് ഒ​ഴു​ക്കെ​ങ്കി​ൽ, ഇ​പ്പോ​ൾ യൂ​റോ​പ്യ​ൻ രാ​ജ്യ​ങ്ങ​ളി​ലേ​ക്കും അ​മേ​രി​ക്ക​യി​ലേ​ക്കും കൂ​ടു​ത​ൽ പേ​ർ പോ​കു​ന്നു​ണ്ട്. അ​ത​നു​സ​രി​ച്ച് റി​ക്രൂ​ട്ടി​ങ്, ട്രാ​വ​ൽ ഏ​ജ​ൻ​സി​ക​ളു​ടെ എ​ണ്ണ​ത്തി​ലും വ​ർ​ധ​ന​യു​ണ്ട്. അ​തി​നാ​ൽ, കൃ​ത്യ​മാ​യ പ​രി​ശോ​ധ​ന​ക​ൾ ന​ട​ത്തി​യ​ശേ​ഷം മാ​ത്രം, അ​ധി​കൃ​ത​രു​ടെ സ്ഥി​രീ​ക​ര​ണ​ത്തോ​ടെ മാ​ത്ര​മേ വി​ദേ​ശ​ങ്ങ​ളി​ലേ​ക്കു പോ​കാ​വൂ എ​ന്ന് കേ​ന്ദ്ര-​സം​സ്ഥാ​ന സ​ർ​ക്കാ​റു​ക​ളും മ​നു​ഷ്യ​ക്ക​ട​ത്ത് കേ​സു​ക​ളി​ലെ ഇ​ര​ക​ളും ചൂ​ണ്ടി​ക്കാ​ട്ടു​ന്നു.

അ​ന​ധി​കൃ​ത റി​ക്രൂ​ട്ട്മെ​ന്റ്, വി​സ ത​ട്ടി​പ്പ് എ​ന്നി​വ​യി​ലൂ​ടെ​യു​ള്ള മ​നു​ഷ്യ​ക്ക​ട​ത്ത് ത​ട​യാ​ൻ കേ​ര​ള സ​ർ​ക്കാ​റും കേ​ന്ദ്ര​സ​ർ​ക്കാ​റും ചേ​ർ​ന്ന് ക​ർ​ശ​ന നി​രീ​ക്ഷ​ണ സം​വി​ധാ​നം ഏ​ർ​പ്പെ​ടു​ത്തി​യ​താ​യി മു​ഖ്യ​മ​ന്ത്രി പി​ണ​റാ​യി വി​ജ​യ​ൻ 2022 ജൂ​ലൈ​യി​ൽ നി​യ​മ​സ​ഭ​യി​ൽ അ​റി​യി​ച്ചി​രു​ന്നു. അ​ന​ധി​കൃ​ത റി​ക്രൂ​ട്ട്മെ​ന്റു​ക​ളാ​ലോ മ​നു​ഷ്യ​ക്ക​ട​ത്തു​മൂ​ല​മോ വി​ദേ​ശ​ത്ത് കു​ടു​ങ്ങി​ക്കി​ട​ക്കു​ന്ന​വ​രെ നാ​ട്ടി​ലെ​ത്തി​ക്കാ​ൻ ഇ​ന്ത്യ​ൻ എം​ബ​സി​ക​ളു​ടെ​യും പ്ര​വാ​സി സം​ഘ​ട​ന​ക​ളു​ടെ​യും സ​ഹാ​യ​ത്തോ​ടെ നോ​ർ​ക്ക (നോ​ൺ റ​സി​ഡ​ന്റ് കേ​ര​ളൈ​റ്റ് അ​ഫ​യേ​ഴ്സ്) അ​ടി​യ​ന്ത​ര ന​ട​പ​ടി​ക​ൾ സ്വീ​ക​രി​ക്കു​ന്നു​ണ്ട്.

സോ​ഷ്യ​ൽ മീ​ഡി​യ വ​ഴി​യു​ള്ള വ്യാ​ജ റി​ക്രൂ​ട്ട്മെ​ന്റ് ത​ട​യാ​ൻ സൈ​ബ​ർ സെ​ല്ലി​ലെ പൊ​ലീ​സി​ന്റെ സ​ഹാ​യ​വും സം​സ്ഥാ​ന സ​ർ​ക്കാ​ർ സ്വീ​ക​രി​ക്കു​ന്നു​ണ്ട്. നി​യ​മ​വി​രു​ദ്ധ റി​ക്രൂ​ട്ട്മെ​ന്റ്, വി​സ ത​ട്ടി​പ്പ് തു​ട​ങ്ങി​യ പ​രാ​തി​ക​ളി​ൽ ക​ർ​ശ​ന ന​ട​പ​ടി​യെ​ടു​ക്കാ​ൻ സം​സ്ഥാ​ന സ​ർ​ക്കാ​ർ ‘ഓ​പ​റേ​ഷ​ൻ ശു​ഭ​യാ​ത്ര’ എ​ന്ന പ​ദ്ധ​തി​യും കൊ​ണ്ടു​വ​ന്നു. വ്യാ​ജ റി​ക്രൂ​ട്ട്മെ​ന്റു​ക​ൾ, വി​സ ത​ട്ടി​പ്പു​ക​ൾ, മ​റ്റ് കു​റ്റ​കൃ​ത്യ​ങ്ങ​ൾ എ​ന്നി​വ സം​ബ​ന്ധി​ച്ച് 0471-2721547 എ​ന്ന ഹെ​ൽ​പ് ലൈ​ൻ ന​മ്പ​റി​ലോ spnri.pol@kerala.gov.in, dyspnri.pol@kerala.gov.in എ​ന്നീ ഇ-​മെ​യി​ലി​ലൂ​ടെ​യോ പ​രാ​തി ന​ൽ​കാം. ക്രൈം​ബ്രാ​ഞ്ച് ഐ.​ജി​യാ​ണ് നോ​ഡ​ൽ ഓ​ഫി​സ​റാ​യി സ്റ്റേ​റ്റ് സെ​ല്ലും എ​ല്ലാ പൊ​ലീ​സ് ജി​ല്ല​ക​ളി​ലും മ​നു​ഷ്യ​ക്ക​ട​ത്ത് വി​രു​ദ്ധ യൂ​നി​റ്റു​ക​ളും രൂ​പ​വ​ത്ക​രി​ച്ചി​ട്ടു​ണ്ട്.