തൊഴിൽ പദ്ധതിയുടെ പേരിൽ ലക്ഷങ്ങൾ തട്ടിയതായി​ പരാതി

കൊ​ല്ലം: പ്ര​ധാ​ന​മ​ന്ത്രി തൊ​ഴി​ൽ പ്രോ​ത്സാ​ഹ​ന പ​ദ്ധ​തി (പി.​എം.​ഇ.​ജി.​പി) വാ​യ്പ​യു​ടെ പേ​രി​ൽ ത​ട്ടി​പ്പ്​ ന​ട​ത്തി​യെ​ന്ന്​ പ​രാ​തി. ഈ​ടി​ല്ലാ​തെ ഒ​രാ​ൾ​ക്ക് 10 ല​ക്ഷം രൂ​പ​വ​രെ വാ​യ്പ ല​ഭ്യ​മാ​ക്കി​ത്ത​രു​​മെ​ന്ന്​ വാ​ഗ്ദാ​നം ന​ൽ​കി ല​ക്ഷ​ങ്ങ​ൾ ത​ട്ടി​യെ​ടു​ത്ത​താ​യി ആ​രോ​പി​ച്ച്​ ചാ​ത്ത​ന്നൂ​ർ സ്വ​ദേ​ശി​ക​ളാ​യ പ്ര​സ​ന്ന​കു​മാ​രി, എ​സ്. രാ​ജേ​ഷ് എ​ന്നി​വ​ർ രം​ഗ​ത്തു​വ​ന്നു.

ചാ​ത്ത​ന്നൂ​ർ പൊ​ലീ​സി​ലും മ​റ്റ് ഉ​ന്ന​ത പൊ​ലീ​സ് കേ​ന്ദ്ര​ങ്ങ​ളി​ലും പ​രാ​തി ന​ൽ​കി​യെ​ങ്കി​ലും തു​ട​ർ​ന​ട​പ​ടി ഉ​ണ്ടാ​യി​ല്ലെ​ന്ന്​ അ​വ​ർ ആ​രോ​പി​ച്ചു. ഗ​ൾ​ഫി​ൽ പ്ര​വാ​സ​ജീ​വി​തം ക​ഴി​ഞ്ഞെ​ത്തി​യ​താ​ണ്​ പ്ര​സ​ന്ന​കു​മാ​രി. ഗ്രൂ​പ്പ്​ സ്വ​ഭാ​വ​ത്തി​ൽ എ​ത്തി​യാ​ൽ മാ​ത്ര​മേ വാ​യ്പ അ​നു​വ​ദി​ക്കു​ക​യു​ള്ളൂ എ​ന്നു പ​റ​ഞ്ഞ് മ​ക്ക​ളും അ​വ​രു​ടെ സു​ഹൃ​ത്തു​ക്ക​ളെ​യു​മെ​ല്ലാം പ​ദ്ധ​തി​യു​ടെ ഭാ​ഗ​മാ​ക്കി. ഒ​രാ​ഴ്ച​യ്ക്കു​ള്ളി​ൽ വാ​യ്പ ല​ഭി​ക്കു​മെ​ന്നു പ​റ​ഞ്ഞാ​ണ് ത​ട്ടി​പ്പ് ന​ട​ത്തി​യ​ത്. ത​ഴു​ത്ത​ല സ്വ​ദേ​ശി​ക​ളാ​യ വ​നി​ത​ക​ളാ​ണ് ത​ട്ടി​പ്പ് ന​ട​ത്തി​യ​തെ​ന്നാ​ണ് പ​രാ​തി​യി​ൽ പ​റ​യു​ന്ന​ത്.

ലോ​ൺ പാ​സാ​യെ​ന്നും അ​തെ​ടു​ക്ക​ണ​മെ​ങ്കി​ൽ ഓ​രോ​രു​ത്ത​രും 23,000 രൂ​പ അ​ട​യ്ക്ക​ണ​മെ​ന്നും പ​റ​ഞ്ഞു. ആ ​പൈ​സ ന​ൽ​കി​യ​പ്പോ​ൾ കൂ​ടു​ത​ൽ തു​ക ആ​വ​ശ്യ​പ്പെ​ട്ട് പ​ല സ്ഥ​ല​ങ്ങ​ളി​ലും ക​റ​ക്കി. കൊ​ല്ലം ക​ല​ക്ട​റേ​റ്റി​ലും വ​ക്കീ​ൽ ഓ​ഫി​സു​ക​ളി​ലു​മു​ൾ​പ്പെ​ടെ കൊ​ണ്ടു​പോ​യെ​ന്നും പ​രാ​തി​യി​ൽ പ​റ​യു​ന്നു. സ​ർ​ക്കാ​ർ രേ​ഖ​ക​ൾ എ​ന്നു തോ​ന്നി​പ്പി​ക്കു​ന്ന വി​ധ​ത്തി​ൽ വ്യാ​ജ രേ​ഖ​ക​ൾ ഉ​ൾ​പ്പെ​ടെ​യു​ള്ള​വ ച​മ​ച്ചാ​യി​രു​ന്നു ത​ട്ടി​പ്പെ​ന്ന്​ പ്ര​സ​ന്ന​കു​മാ​രി പ​റ​ഞ്ഞു. വാ​യ്പ വാ​ഗ്ദാ​നം ചെ​യ്ത്​ ത​ട്ടി​പ്പു​കാ​ർ​ക്ക് ഏ​ക​ദേ​ശം 10 ല​ക്ഷം രൂ​പ ന​ൽ​കി. പ്ര​സ​ന്ന​കു​മാ​രി​യു​ടെ മ​ക്ക​ൾ ര​ണ്ടു​പേ​രും ഗ​ൾ​ഫി​ൽ ജോ​ലി ചെ​യ്യു​ക​യാ​യി​രു​ന്നു.

സ​ർ​ക്കാ​ർ പ്ര​തി​നി​ധി​ക​ൾ പ​രി​ശോ​ധ​ന​ക്കെ​ത്തു​മ്പോ​ൾ വാ​യ്പ എ​ടു​ക്കു​ന്ന​വ​ർ സ്ഥ​ല​ത്തു​ണ്ടാ​ക​ണ​മെ​ന്നു പ​റ​ഞ്ഞ്, അ​തു കാ​ത്തി​രു​ന്ന് ഇ​രു​വ​രു​ടെ​യും ജോ​ലി ന​ഷ്ട​പ്പെ​ട്ടെ​ന്നും പ​രാ​തി​യി​ലു​ണ്ട്.