കെ.എസ്.ആർ.ടി.സി ബസ് വെള്ളത്തിലിറക്കിയ ഡ്രൈവർക്കെതിരെ ജാമ്യമില്ലാ വകുപ്പ് പ്രകാരം കേസ്

ഈ​രാ​റ്റു​പേ​ട്ട: വെ​ള്ള​ക്കെ​ട്ടി​ലൂ​ടെ കെ.​എ​സ്.​ആ​ർ.​ടി.​സി ബ​സോ​ടി​ച്ച ഡ്രൈ​വ​ർ​ക്കെ​തി​രെ ഈ​രാ​റ്റു​പേ​ട്ട പൊ​ലീ​സ് കേ​സെ​ടു​ത്തു. പൊ​തു​മു​ത​ൽ ന​ശി​പ്പി​ച്ച​തി​ന്​ ആ​ർ.​ടി.​ഒ ന​ൽ​കി​യ പ​രാ​തി​യി​ലാ​ണ് ജാ​മ്യ​മി​ല്ലാ വ​കു​പ്പ് ചു​മ​ത്തി ജ​യ​ദീ​പി​നെ​തി​രെ കേ​സെ​ടു​ത്തി​രി​ക്കു​ന്ന​ത്. കെ.​എ​സ്.​ആ​ർ.​ടി.​സി​ക്ക് 5.33 ല​ക്ഷം രൂ​പ ന​ഷ്​​ടം വ​രു​ത്തി​യെ​ന്നാ​ണ് എ​ഫ്.​ഐ.​ആ​റി​ൽ പ​റ​യു​ന്ന​ത്.

12000ത്തോ​ളം രൂ​പ ദി​വ​സം ക​ല​ക്​​ഷ​നു​ണ്ടാ​യി​രു​ന്ന ബ​സാ​ണ് വെ​ള്ള​ത്തി​ൽ പോ​യ​ത്. വാ​ഹ​നം നി​ന്ന​തോ​ടെ എ​ൻ​ജി​നു​ള്ളി​ൽ വെ​ള്ളം ക​യ​റി കേ​ടാ​യി. ഇ​ത് ന​ന്നാ​ക്കി​യെ​ടു​ക്കാ​ൻ 3.5 ല​ക്ഷ​ത്തോ​ളം ചെ​ല​വ് വ​രു​മെ​ന്നാ​ണ് വ​ർ​ക്​​ഷോ​പ് വി​ഭാ​ഗം ന​ൽ​കി​യ റി​പ്പോ​ർ​ട്ട്. 15 ദി​വ​സ​ത്തെ ക​ല​ക്​​ഷ​നും കൂ​ടി പ​രി​ഗ​ണി​ച്ച് ന​ഷ്​​ട​പ​രി​ഹാ​രം ഈ​ടാ​ക്കി​യേ​ക്കും.

ഈ​രാ​റ്റു​പേ​ട്ട​യി​ലേ​ക്ക് പോ​യ കെ.​എ​സ്.​ആ​ർ.​ടി.​സി ബ​സ് പൂ​ഞ്ഞാ​ർ സെൻറ് മേ​രീ​സ് പ​ള്ളി​ക്ക് മു​ന്നി​ലെ വ​ലി​യ വെ​ള്ള​ക്കെ​ട്ട് ക​ട​ക്കാ​ൻ ശ്ര​മി​ക്കു​ന്ന​തി​നി​ടെ​യാ​ണ് പ​കു​തി​യോ​ളം മു​ങ്ങി​യ​ത്. തു​ട​ർ​ന്ന് യാ​ത്ര​ക്കാ​രെ നാ​ട്ടു​കാ​ർ പു​റ​ത്ത് എ​ത്തി​ക്കു​ക​യാ​യി​രു​ന്നു.

സം​ഭ​വം വി​വാ​ദ​മാ​യ​ത്തി​ന് പി​ന്നാ​ലെ ഗ​താ​ഗ​ത മ​ന്ത്രി​യു​ടെ നി​ർ​ദേ​ശ​പ്ര​കാ​രം ജ​യ​ദീ​പി​നെ സ​സ്പെ​ൻ​ഡ്​ ചെ​യ്തി​രു​ന്നു. തു​ട​ർ​ന്ന് ജ​യ​ദീ​പ് കെ.​എ​സ്.​ആ​ർ.​ടി.​സി മാ​നേ​ജ്മെൻറി​നെ സോ​ഷ്യ​ൽ മീ​ഡി​യ വ​ഴി പ​രി​ഹ​സി​ക്കു​ക​യും ചെ​യ്​​തു. ഇ​യാ​ളു​ടെ ലൈ​സ​ൻ​സ് സ​സ്പെ​ൻ​ഡ്​ ചെ​യ്യാ​നും ന​ട​പ​ടി ഉ​ണ്ടാ​കും.