എം.എം. മണിയെ തടഞ്ഞുനിർത്തി അസഭ്യം പറഞ്ഞ യുവാവിനെതിരെ കേസ്

രാജാക്കാട്: എം.എം. മണി എം.എൽ.എയുടെ വാഹനം തടഞ്ഞുനിർത്തി അസഭ്യം പറഞ്ഞെന്ന പരാതിയിൽ യുവാവിനെതിരെ കേസെടുത്തു. ഇടുക്കി രാജാക്കാട് ആണ് സംഭവം.

കുഞ്ചിത്തണ്ണി മാട്ടയിൽ അരുണിനെതിരെയാണ് കേസ്. എം.എൽ.എയുടെ വാഹനം അരുണിന്റെ വാഹനത്തെ മറി കടന്നുപോയതിനു പിന്നാലെയാണ് സംഭവം. തുടർന്ന് എം.എൽ.എയുടെ വാഹനം തടഞ്ഞുനിർത്തി അരുൺ എം.എ. മണിക്കു നേരെ അസഭ്യവർഷം നടത്തുകയായിരുന്നു.

എം.എൽ.എയുടെ ഗൺമാന്റെ പരാതിയിലാണ് രാജാക്കാട് പൊലീസ് കേസെടുത്തത്. യുവാവിനെ ഉടൻ അറസ്റ്റ് ചെയ്യും.