കഞ്ചാവ് ചെടി കണ്ടെത്തി

കട്ടപ്പന: പഴയ ബസ്സ്റ്റാൻഡിലെ നഗരസഭയുടെ മൂത്രപ്പുരക്ക് സമീപത്ത് എക്സൈസ് വകുപ്പ് കഞ്ചാവ് ചെടി കണ്ടെത്തി.

രഹസ്യവിവരത്തെ തുടർന്നായിരുന്നു പരിശോധന. കഞ്ചാവ് വലിച്ചതിനുശേഷം കളഞ്ഞ കുരുവിൽനിന്ന് കിളിർത്തതാകാമെന്ന് കരുതുന്നതായി കട്ടപ്പന എക്സൈസ് ഓഫിസർ പി.കെ. സുരേഷ് പറഞ്ഞു.

ഉദ്യോഗസ്ഥരായ സജിമോൻ തുണ്ടത്തിൽ, സജിമോൻ രാജപ്പൻ, വിജയകുമാർ, സനൽ സാഗർ, സി.എൻ. ജിൻസന്‍റ് എന്നിവരും പരിശോധനയിൽ പങ്കെടുത്തു.