കാനഡ ജോലി തട്ടിപ്പ്: യുവതി അറസ്റ്റിൽ

പ​ത്ത​നം​തി​ട്ട: കാ​ന​ഡ​യി​ൽ മെ​ക്കാ​നി​ക്ക​ൽ എ​ൻ​ജി​നീ​യ​റാ​യി ജോ​ലി വാ​ഗ്ദാ​നം ചെ​യ്ത് ല​ക്ഷ​ങ്ങ​ൾ ത​ട്ടി​യ കേ​സി​ൽ കോ​യി​പ്രം പൊ​ലീ​സ് ഒ​ന്നാം പ്ര​തി​യു​ടെ അ​റ​സ്റ്റ് രേ​ഖ​പ്പെ​ടു​ത്തി. എ​റ​ണാ​കു​ളം പ​ച്ചാ​ളം ക​ണ​ച്ചാം​തോ​ട് റോ​ഡി​ൽ അ​മ്പാ​ട്ടു​വീ​ട്ടി​ൽ ഹി​ൽ​ഡ സാ​ന്ദ്ര ഡു​റ​യെ (30), പ​റ​വൂ​ർ പൊ​ലീ​സ് സ്റ്റേ​ഷ​നി​ൽ ര​ജി​സ്റ്റ​ർ ചെ​യ്ത കേ​സി​ൽ റി​മാ​ൻ​ഡി​ൽ ക​ഴി​യു​ന്ന എ​റ​ണാ​കു​ളം ജി​ല്ല ജ​യി​ലി​ലെ​ത്തി, കോ​ട​തി​യു​ടെ അ​നു​വാ​ദം വാ​ങ്ങി കോ​യി​പ്രം പൊ​ലീ​സ് അ​റ​സ്റ്റ് രേ​ഖ​പ്പെ​ടു​ത്തു​ക​യാ​യി​രു​ന്നു. പു​റ​മ​റ്റം കു​മ്പ​നാ​ട് വ​ട്ട​ക്കൊ​ട്ടാ​ൽ മു​ക​ളു​കാ​ലാ​യി​ൽ വീ​ട്ടി​ൽ സാ​മു​വ​ലി​ന്റെ മ​ക​ൻ ബാ​ബു​ക്കു​ട്ടി ന​ൽ​കി​യ പ​രാ​തി​യി​ലാ​ണ് ന​ട​പ​ടി.

ഇ​ദ്ദേ​ഹ​ത്തി​ന്റെ മ​ക​ന് കാ​ന​ഡ​യി​ൽ മെ​ക്കാ​നി​ക്ക​ൽ എ​ൻ​ജി​നീ​യ​റാ​യി ജോ​ലി ല​ഭ്യ​മാ​ക്കാ​മെ​ന്ന് പ​റ​ഞ്ഞു പ്ര​തി​ക​ൾ ബാ​ങ്ക് അ​ക്കൗ​ണ്ടി​ലൂ​ടെ നാ​ല് ല​ക്ഷം രൂ​പ ത​ട്ടി​യ​ശേ​ഷം, ജോ​ലി ല​ഭ്യ​മാ​ക്കു​ക​യോ, പ​ണം മു​ഴു​വ​ൻ തി​രി​കെ ന​ൽ​കു​ക​യോ ചെ​യ്തി​ല്ല. ബാ​ബു​ക്കു​ട്ടി​യു​ടെ മ​ക​ന്റെ കു​മ്പ​നാ​ട്ടെ ക​ന​റാ ബാ​ങ്ക് അ​ക്കൗ​ണ്ടി​ൽ​നി​ന്ന്​ ഒ​ന്നാം പ്ര​തി പ​റ​ഞ്ഞ​തു​പ്ര​കാ​രം ര​ണ്ടാം പ്ര​തി​യു​ടെ ബാ​ങ്ക് അ​ക്കൗ​ണ്ടി​ലേ​ക്ക് മൂ​ന്ന് ത​വ​ണ​യാ​യി പ​ണം അ​യ​ക്കു​ക​യാ​യി​രു​ന്നു.

പ്ര​തി​ക​ൾ ഒ​ളി​വി​ൽ പോ​യി​രു​ന്നു. ഒ​ന്നാം പ്ര​തി പ​ല​വി​ലാ​സ​ങ്ങ​ളി​ൽ മാ​റി​മാ​റി താ​മ​സി​ച്ചു. ചി​റ്റാ​ർ സ്റ്റേ​ഷ​നി​ൽ ര​ണ്ടും പ​ന്ത​ളം മ​ണ്ണാ​ഞ്ചേ​രി സ്റ്റേ​ഷ​നു​ക​ളി​ലെ ഒ​ന്നു​വീ​തം വി​ശ്വാ​സ​വ​ഞ്ച​ന​ക്കേ​സു​ക​ളി​ൽ ഹി​ൽ​ഡ സാ​ന്ദ്ര ഡു​റ ഉ​ൾ​പ്പെ​ട്ടി​ട്ടു​ണ്ട്. ഇ​വ​യി​ലെ​ല്ലാം മേ​ൽ​വി​ലാ​സ​ങ്ങ​ൾ വ്യ​ത്യ​സ്ത​മാ​ണ്. പ​ല ജി​ല്ല​ക​ളി​ലും സ​മാ​ന​രീ​തി​യി​ൽ ആ​ളു​ക​ളി​ൽ​നി​ന്ന്​ പ​ണം കൈ​പ്പ​റ്റി വി​ശ്വാ​സ​വ​ഞ്ച​ന കാ​ട്ടി​യ​താ​യി അ​ന്വേ​ഷ​ണ​ത്തി​ൽ തെ​ളി​ഞ്ഞു. അ​ന്വേ​ഷ​ണം തു​ട​രു​ക​യാ​ണ്.