കത്തിക്കരിഞ്ഞ നിലയിൽ മൃതദേഹം: ശാസ്ത്രീയ പരിശോധന നടത്തും

പാലക്കാട്: മലമ്പുഴയിലെ ജനവാസമേഖലയോട് ചേർന്ന് വനത്തിൽ കത്തിക്കരിഞ്ഞ നിലയിൽ കണ്ടെത്തിയ പുരുഷന്റെ മൃതദേഹത്തിൽ ശനി‍യാഴ്ച ശാസ്ത്രീയ പരിശോധന നടത്തും. ബുധനാഴ്ച പോസ്റ്റുമോർട്ടം നടത്തിയതിൽ മരണകാരണം പൊള്ളലേറ്റാണെന്ന് വ്യക്തമായെങ്കിലും കൊലപാതകമാണോ ആത്മഹത്യയാണോ എന്ന് തിരിച്ചറിയാൻ കഴിഞ്ഞിട്ടില്ലെന്ന് പൊലീസ് പറഞ്ഞു.

ഈ സാഹചര്യത്തിലാണ് ജില്ല ആശുപത്രിയിൽ സുക്ഷിച്ച മൃതദേഹം ശനിയാഴ്ച ശാസ്ത്രീയ പരിശോധക്ക് വിധേയമാക്കുന്നത്. അന്വേഷണം അയൽസംസ്ഥാന ജില്ലയിലേക്കും വ്യാപിപ്പിച്ചതായി പൊലീസ് പറഞ്ഞു.