കൈക്കൂലി കേസ്: കമേഴ്സ്യൽ ടാക്സ് ഓഫിസർക്ക് ഏഴു വർഷം തടവും ലക്ഷം രൂപ പിഴയും

ത​ല​ശ്ശേ​രി: കൈ​ക്കൂ​ലി കേ​സി​ൽ കമേ​ഴ്സ്യ​ൽ ടാ​ക്സ് ഓ​ഫി​സ​ർ​ക്ക് ഏ​ഴു വ​ർ​ഷം ത​ട​വും ല​ക്ഷം രൂ​പ പി​ഴ​യും. മു​ൻ സു​ൽ​ത്താ​ൻ ബ​ത്തേ​രി ക​മേ​ഴ്സ്യ​ൽ ടാ​ക്സ് ഓ​ഫി​സ​ർ കോ​ട്ട​യം ച​ങ്ങ​നാ​ശ്ശേ​രി വാ​ഴ​പ്പ​ള്ളി ഈ​സ്റ്റി​ലെ ബാ​ത്തേ​ൽ ഹൗ​സി​ൽ സ​ജി ജേ​ക്ക​ബി​നെ​യാ​ണ് ത​ല​ശ്ശേ​രി എ​ൻ​ക്വ​യ​റി ക​മീ​ഷ​ണ​ർ ആ​ൻ​ഡ് സ്പെ​ഷ​ൽ ജ​ഡ്ജി കെ. ​രാ​മ​കൃ​ഷ്ണ​ൻ ശി​ക്ഷി​ച്ച​ത്.

വി​ജി​ല​ൻ​സ് ആ​ന്റി ക​റ​പ്ഷ​ൻ ബ്യൂ​റോ വ​യ​നാ​ട് യൂ​നി​റ്റ് ചാ​ർ​ജ് ചെ​യ്ത കേ​സി​ൽ ഒ​ന്നാം പ്ര​തി​യാ​ണ് ഇ​ദ്ദേ​ഹം. കേ​സി​ൽ ര​ണ്ടാം പ്ര​തി​യാ​യ സു​ൽ​ത്താ​ൻ ബ​ത്തേ​രി​യി​ലെ ടാ​ക്സ് പ്രാ​ക്ടീ​ഷ​ണ​ർ ത​മി​ഴ്നാ​ട് എ​രു​മാ​ട് പൊ​ന്ന​ച്ചാ​ൽ ക​ട​ലി​ക്ക​ണ്ട​ത്തി​ൽ ഹൗ​സി​ൽ ബ്ര​ജി​ത്ത് ജോ​സ​ഫി​നെ വെ​റു​തെ വി​ട്ടു. 2015 ജ​നു​വ​രി ഏ​ഴി​നാ​ണ് കേ​സി​നാ​ധാ​ര​മാ​യ സം​ഭ​വം.

സു​ൽ​ത്താ​ൻ ബ​ത്തേ​രി ടൗ​ണി​ൽ ഏ​ഷ്യ​ൻ ഏ​ജ​ൻ​സീ​സ് എ​ന്ന സ്ഥാ​പ​നം ന​ട​ത്തി​വ​ന്നി​രു​ന്ന പ​വി​ത്രം ഹൗ​സി​ൽ ടി. ​മു​രു​കേ​ഷ​നാ​ണ് പ​രാ​തി​ക്കാ​ര​ൻ. സ്ഥാ​പ​ന​ത്തി​ന്റെ അ​ക്കൗ​ണ്ട്സ്, സെ​യി​ൽ ടാ​ക്സ് ക്ലി​യ​റ​ൻ​സ് ല​ഭി​ക്കു​ന്ന​തി​ന് ഒ​ന്നാം പ്ര​തി​യാ​യ സ​ജി ജേ​ക്ക​ബി​നെ സ്വാ​ധീ​നി​ക്കു​ന്ന​തി​നാ​യി 2014 ഡി​സം​ബ​ർ 21ന് ​ര​ണ്ടാം പ്ര​തി ടാ​ക്സ് പ്രാ​ക്ടീ​ഷ​ണ​റാ​യ ബ്ര​ജി​ത്ത് ജോ​സ​ഫ് പ​രാ​തി​ക്കാ​ര​നി​ൽ​നി​ന്നും 10,000 രൂ​പ നി​ർ​ബ​ന്ധ​പൂ​ർ​വം വാ​ങ്ങി ഒ​ന്നാം പ്ര​തി​ക്ക് ന​ൽ​കി.

ഇ​തി​ന് ശേ​ഷം സെ​യി​ൽ ടാ​ക്സ് വി​വ​ര​ങ്ങ​ൾ അ​ന്വേ​ഷി​ക്കാ​ൻ ചെ​ന്ന പ​രാ​തി​ക്കാ​ര​നോ​ട് ഡി​സം​ബ​ർ 30ന് ​ഒ​ന്നാം പ്ര​തി 90,000 രൂ​പ കൈ​ക്കൂ​ലി ആ​വ​ശ്യ​പ്പെ​ടു​ക​യു​ണ്ടാ​യി. സം​ഭ​വ​ത്തി​ൽ മു​രു​കേ​ഷി​ന്റെ പ​രാ​തി​യു​ടെ അ​ടി​സ്ഥാ​ന​ത്തി​ൽ 2015 ജ​നു​വ​രി ഏ​ഴി​ന് വി.​എ.​സി.​ബി വ​യ​നാ​ട് യൂ​നി​റ്റി​ൽ എ​ഫ്.​ഐ.​ആ​ർ ര​ജി​സ്റ്റ​ർ ചെ​യ്തു. പ​രാ​തി​ക്കാ​ര​നി​ൽ​നി​ന്നും 25,000 രൂ​പ കൈ​ക്കൂ​ലി വാ​ങ്ങ​വേ സു​ൽ​ത്താ​ൻ ബ​ത്തേ​രി കമേ​ഴ്സ്യ​ൽ ടാ​ക്സ് ഓ​ഫി​സി​ൽ വെ​ച്ച് പ്ര​തി​യെ അ​റ​സ്റ്റു ചെ​യ്തെ​ന്നാ​ണ് കേ​സ്. ബു​ധ​നാ​ഴ്ച​യാ​ണ് ഒ​ന്നാം പ്ര​തി സ​ജി ജേ​ക്ക​ബി​നെ ശി​ക്ഷി​ച്ചു കൊ​ണ്ട് കോ​ട​തി ഉ​ത്ത​ര​വു​ണ്ടാ​യ​ത്. വ്യ​ത്യ​സ്ത വ​കു​പ്പു​ക​ളി​ലാ​ണ് ശി​ക്ഷ പ്ര​ഖ്യാ​പി​ച്ച​ത്.​പി​ഴ​യ​ട​ച്ചി​ല്ലെ​ങ്കി​ൽ മൂ​ന്നു മാ​സം ക​ഠി​ന ത​ട​വു​മു​ണ്ട്. പ്രോ​സി​ക്യൂ​ഷ​നു​വേ​ണ്ടി പ​ബ്ലി​ക് പ്രോ​സി​ക്യൂ​ട്ട​ർ കെ. ​ഉ​ഷാ​കു​മാ​രി ഹാ​ജ​രാ​യി. വി​ധി പ്ര​സ്താ​വ​ന​ത്തി​ന് ശേ​ഷം പ്ര​തി​യെ ജ​യി​ലി​ലെ​ത്തി​ച്ച് റി​മാ​ൻ​ഡ് ചെ​യ്തു.