പ്രണയവിവാഹ പക; സഹോദരിയെ 17കാരൻ കഴുത്തറുത്ത്​ ​െകാന്ന്​ മൃതദേഹ​​ത്തോടൊപ്പം സെൽഫിയെടുത്തു

ഔറംഗാബാദ്​: മഹാരാഷ്​ട്രയിലെ ഔറംഗബാദിൽ 17കാരൻ സഹോദരിയുടെ കഴുത്തറുത്ത്​ കൊന്ന നിലയിൽ. പ്രണയ വിവാഹത്തെ തുടർന്നുണ്ടായ വൈരാഗ്യമാണ്​ 19കാരിയുടെ അരുംകൊലക്ക്​ കാരണം.

തലയറ്റ മൃതദേഹ​ത്തോടൊപ്പം നിന്ന്​ 17കാരനും മാതാവും സെൽഫി ​എടുക്കുകയും ചെയ്​തതായി പൊലീസ്​ പറഞ്ഞു. കൊലപാതകത്തിന്​ കൂട്ടുനിന്ന അമ്മയെയും പൊലീസ്​ അറസ്റ്റ്​ ചെയ്​തു.

ഞായറാഴ്ച വൈകിട്ട്​ വൈജാപൂർ തഹ്​സിലിലെ ലാഡ്​ഗോൺ ഗ്രാമത്തിലാണ്​ സംഭവം. മറാത്തി സിനിമയെ മോഡലാക്കിയാണ്​ 17കാരൻ കൊല നടത്തിയതെന്ന്​ പൊലീസ്​ സൂപ്രണ്ട് നിമിത്​ ഗോയൽ പറഞ്ഞു.

സഹോദരനും അമ്മക്കും ​േവണ്ടി 19കാരി അടുക്കളയിൽനിന്ന്​ ചായ ഉണ്ടാക്കുന്നതിനിടെയായിരുന്നു​ കൊലപാതകം. തലയറ്റ മൃതദേഹത്തിനൊപ്പംനിന്ന്​ ഇരുവരും സെൽഫിയുമെടുത്തു.

ഇരുവരുടെയും ഫോൺ പിടിച്ചെടുത്തെങ്കിലും ഫോ​ട്ടോ ഡിലീറ്റ്​ ചെയ്​തിരുന്നതായി പൊലീസ്​ പറഞ്ഞു. ഫോറൻസിക്​ പര​ിശോധനക്കായി ഫോൺ കൈമാറി. കൊലപാതകത്തിന്‍റെ പ്രധാന തെളിവാണ്​ അതെന്നും പൊലീസ്​ അറിയിച്ചു.

പെൺകുട്ടിക്കൊപ്പം കോളജിൽ പഠിച്ചിരുന്ന യുവാവുമായി അടുപ്പത്തിലാകുകയും ഒളിച്ചോടി വിവാഹം കഴിക്കുകയും ചെയ്​തിരുന്നു. വിവാഹത്തിൽ അമ്മക്കും സഹോദരനും എതിർപ്പുണ്ടായിരുന്നു. ജൂണിലാണ്​ ഇരുവരും നാടുവിട്ടത്​. തുടർന്ന്​ ഇരുകുടുംബങ്ങളും പൊലീസിൽ പരാതി നൽകുകയും ചെയ്​തു.

എട്ടുദിവസത്തിന്​ ശേഷം ജൂൺ 21ന്​ പെൺകുട്ടിയും യുവാവും തമ്മിലുള്ള രജിസ്റ്റർ വിവാഹം നടന്നു. ​വൈജാപൂർ പൊലീസ്​ സ്​റ്റേഷനിൽ ഇരുവരും ഹാജരാകുകയും ചെയ്​തു. തുടർന്ന്​ ഭർത്താവിനൊപ്പമായിരുന്നു പെൺകുട്ടിയുടെ താമസം.

ഇരുവരും ഒരേ ജാതിയിൽപ്പെട്ടവരാണെങ്കിലും സമൂഹത്തിന്​ മുന്നിൽ അപമാനിതരാക്കിയെന്ന കാരണത്തെ ചൊല്ലിയാണ്​ ഇരുവർക്കും ​19കാരിയോട്​ പകയുണ്ടായിരുന്നത്​.

10 ദിവസം മുമ്പ്​ അമ്മ പെൺകുട്ടിയുടെ വീട്ടിലേക്ക്​ എത്തുകയും പെൺകുട്ടിയെ കണ്ട ശേഷം മടങ്ങുകയും ചെയ്​തിരുന്നു. ഞായറാഴ്ച അമ്മയും മകനും വീണ്ടും ഇവരുടെ വീട്ടിലെത്തി.

സംഭവം നടക്കു​േമ്പാൾ 19കാരിയുടെ ഭർത്താവും വീട്ടിലുണ്ടായിരുന്നു. അമ്മയും സഹോദരനും തൊട്ടടുത്ത മുറിയിൽ വിശ്രമിക്കുകയായിരുന്നു. യുവതി ഇവർക്കായി ചായയുണ്ടാക്കുകയും ചെയ്​തു. ഇതി​നിടെ സഹോദരൻ അടുക്കളയിൽ അതിക്രമിച്ച്​ കയറുകയും കൊലപാതകം നടത്തുകയുമായിരുന്നു. തലവെട്ടി മാതാവിന്​ നൽകി സെൽഫി എടുക്കുകയും ചെയ്​തതായി പൊലീസ്​ പറഞ്ഞു.