ഗുരുഗ്രാമിൽ ബി.ജെ.പി പ്രവർത്തകനെ വെടിവെച്ചു കൊന്നു

ന്യൂഡൽഹി: ഹരിയാനയിലെ ഗുരുഗ്രാമിൽ ബി.ജെ.പി പ്രവർത്തകനെ വെടിവെച്ചു കൊന്നു. സുഖ്ബീർ ഖട്ടാന എന്നയാളെയാണ് അഞ്ചംഗ സംഘം സദാർ ബസാറിലെ തുണിക്കടക്കുള്ളിൽ വെച്ച് വെടിവെച്ചു കൊന്നത്.

പ്രതികളെ തിരിച്ചറിഞ്ഞിട്ടില്ല. സിസിടിവി ദൃശ്യങ്ങൾ പരിശോധിച്ച് പ്രതികൾക്കായി അന്വേഷണം ഊർജിതമാക്കിയെന്ന് പൊലീസ് പറഞ്ഞു.

സോഹ്ന മാർക്കറ്റ് സമിതിയുടെ മുൻ ചെയർമാനാണ് കൊല്ലപ്പെട്ട സുഖ്ബീർ. മുഖ്യമന്ത്രി മനോഹർ ലാൽ ഖട്ടാറുമായി ഏറെ അടുപ്പമുള്ളയാളാണെന്നും റിപ്പോർട്ടുകളുണ്ട്.