70കാരനായ സൈക്കിൾ യാത്രികനെ കാർ ഇടിച്ച് തെറിപ്പിച്ചു: ബോണറ്റില്‍ വീണയാളുമായി സഞ്ചരിച്ചത് എട്ട് കിലോമീറ്റർ
text_fields
പട്‌ന: അമിത വേഗത്തിൽ എത്തിയ കാർ ഇടിച്ച് 70കാരന് ദാരുണാന്ത്യം. ബംഗ്‌റ സ്വദേശിയായ ശങ്കര്‍ ചൗദൂറാണ് കൊല്ലപ്പെട്ടത്. സൈക്കിളില്‍ ഇടിച്ചതിന് ശേഷം ബോണറ്റിലേക്ക് വീണ യാത്രക്കാരനുമായി എട്ടുകിലോമീറ്ററോളമാണ് കാര്‍ സഞ്ചരിച്ചത്. പിന്നീട് റോഡിലേക്ക് വീണ ശങ്കറിന്റെ ശരീരത്തിലൂടെ വാഹനം കയറിയിറങ്ങുകയായിരുന്നു.
ബിഹാറിലെ ഈസ്റ്റ് ചമ്പാരന്‍ ജില്ലയിലാണ് സംഭവം. പൊലീസ് പിന്നീട് കാര്‍ കസ്റ്റഡിയിലെടുത്തു. ഇടിച്ചകാറിലുണ്ടായിരുന്നവര്‍ രക്ഷപ്പെട്ടതായും ഇവര്‍ക്കായി തിരച്ചില്‍ തുടരുകയാണെന്നും പൊലീസ് അറിയിച്ചു.
സൈക്കിളിൾ റോഡ് മുറിച്ച് കിടക്കുന്നതിനിടെയാണ് 70കാരനെ കാർ ഇടിച്ച് വീഴ്ത്തിയത്. ബോണറ്റിലേക്ക് വീണ ശങ്കര്‍ കാറിന്റെ വൈപ്പറില്‍ തൂങ്ങിപിടിച്ച് എട്ട് കി.മീ കിടന്നെങ്കിലും പിന്നീട് ബ്രേക്കിട്ടതോടെ റോഡിലേക്ക് വീഴുകയായിരുന്നു. വീണ്ടും മുന്നോട്ടെടുത്ത കാര്‍ ശങ്കറിന്റെ ശരീരത്തിലൂടെ കയറിയിറങ്ങി. സംഭവ സ്ഥലത്തുവെച്ച് തന്നെ ശങ്കർ മരിച്ചെന്ന് നാട്ടുകാര്‍ പറയുന്നു.