ഭാര്യയെ കഴുത്തുഞെരിച്ച്​ കൊന്ന ഭർത്താവ്​ അറസ്റ്റിൽ; വീട്​ വാങ്ങാൻ പണം നൽകാത്തതിനാണ്​ കൊലയെന്ന്​ കുടുംബം

ദുർഗാപൂർ: ബംഗാളിൽ ഭാര്യയെ കൊലപ്പെടുത്തി പൊലീസിൽ കീഴടങ്ങിയ ഭർത്താവ്​ റിമാൻഡിൽ. ബംഗാളിലെ ബുർദ്​വാൻ പൊലീസ്​ സ്​റ്റേഷൻ പരിധിയിലാണ്​ സംഭവം.

ബാങ്കിലെ അസിസ്റ്റന്‍റ്​ മാനേജറായ ബിപ്ലബ്​ പരിയാദാണ്​ പ്രതി. 35കാരിയായ ഇപ്​സ പ്രിയദർശിനിയുമായി രണ്ടുവർഷം മുമ്പായിരുന്നു ബിപ്ലബിന്‍റെ വിവാഹം. ഒഡീഷയിലെ ദേൻകനാൽ സ്വദേശിയാണ്​ 33കാരിയായ പ്രിയദർശിനി. വിവാഹത്തിന്​ ശേഷം ഇരുവരും കാംക്ഷയിലെ ഇരുനില അപാർട്ട്​മെന്‍റ്​ വാടകക്കെടുത്തായിരുന്നു താമസം.

കഴിഞ്ഞദിവസം ബിപ്ലവ്​ മോ​ട്ടോർ സൈക്കിളിൽ കാംക്ഷ പൊലീസ്​ സ്​റ്റേഷനിലെത്തി ഭാര്യയെ കൊലപ്പെടുത്തിയ വിവരം അറിയിക്കുകയായിരുന്നു. ഭാര്യയുടെ വർധിച്ചുവരുന്ന ആവശ്യങ്ങൾ നിറവേറ്റാൻ സാധിക്കാതെ വരികയും പണം തികയാതെ വരികയും ചെയ്​തതോടെയാണ്​ കൊലപാതകമെന്നായിരുന്നു ബിപ്ലവിന്‍റെ ​െ​മാഴി. ഉടൻതന്നെ ബിപ്ലവിനെയും കൂട്ടി പൊലീസ്​ ഇരുവരുടെയും അപാർട്ട്​മെന്‍റിലെത്തുകയായിരുന്നു. കിടപ്പുമുറിയിൽ തറയിൽ കിടക്കുകയായിരുന്നു മൃത​േദഹം. വളർത്തുമൃഗങ്ങളെ പൂട്ടിയിടുന്ന ബെൽറ്റ്​ ഉപയോഗിച്ച്​ കഴുത്തുഞെരിച്ച്​ കൊലപ്പെടുത്തുകയായിരുന്നുവെന്ന്​ ബിപ്ലവ്​ പറഞ്ഞു.

പ്രതിയെ കസ്റ്റഡിയിലെടുത്ത്​ റിമാൻഡ്​ ചെയ്​തു. പ്രിയദർശിനിയുടെ മൃതദേഹം പോസ്റ്റ്​മോർട്ടത്തിന്​ ശേഷം സംസ്​കരിക്കും.

അതേസമയം സ്​ത്രീധനം നൽകാ​ത്തതിന്‍റെ പേരിൽ മകളെ കൊലപ്പെടുത്തുകയായിരുന്നുവെന്ന്​ പ്രിയദർശിനിയുടെ മാതാപിതാക്കൾ പറഞ്ഞു. വിവാഹത്തിന്​ ശേഷം വീട്​ വാങ്ങാൻ 30ലക്ഷം രൂപ നൽകാൻ ആവശ്യപ്പെട്ട്​ പ്രിയദർശിനിയെ ഉപദ്രവിക്കുമായിരുന്നുവെന്നും കുടുംബം പറഞ്ഞു.

'സ്​ത്രീധനത്തിന്​ പുറമെ 30ലക്ഷം രൂപ കൂടി സ്വന്തം വീട്ടുകാരിൽനിന്ന്​ വാങ്ങണമെന്ന ആവശ്യം പ്രിയദർശിനി നിഷേധിച്ചു. ഇതിൻറെ പകയാണ്​ കൊലപാതക കാരണം. മകളുടെ ജീവന്​ നീതി വേണം' -​പ്രിയദർശിനിയുടെ പിതാവ്​ പറഞ്ഞു.