ഷാ​ബാ ശെ​രീ​ഫി​ന്‍റെ മൃതദേഹം മുറിക്കാനുള്ള കത്തിയും വാളും വാങ്ങിയത് നിലമ്പൂരിൽനിന്ന്

നി​ല​മ്പൂ​ർ: നാ​ട്ടു​വൈ​ദ‍്യ​ൻ ഷാ​ബാ ശെ​രീ​ഫി​ന്‍റെ മൃ​ത​ദേ​ഹം വെ​ട്ടി​നു​റു​ക്കാ​ൻ ക​ത്തി​യും വാ​ളും വാ​ങ്ങി​യ​ത് നി​ല​മ്പൂ​ർ ജി​ല്ല ആ​ശു​പ​ത്രി റോ​ഡി​ലെ ഹാ​ർ​ഡ് വെ​യ​ർ ക​ട​യി​ൽ​നി​ന്ന്. തി​ങ്ക​ളാ​ഴ്ച രാ​വി​ലെ പ​തി​നൊ​ന്ന​ര​യോ​ടെ നി​ല​മ്പൂ​ർ സി.​ഐ പി. ​വി​ഷ്ണു​വി​ന്‍റെ നേ​തൃ​ത്വ​ത്തി​ൽ പൊ​ലീ​സ് പ്ര​തി നൗ​ഷാ​ദു​മാ​യി ക​ട​യി​ലെ​ത്തി തെ​ളി​വെ​ടു​പ്പ് ന​ട​ത്തി. വെ​ട്ടു​ക​ത്തി​യും വാ​ളും മ​റ്റും വാ​ങ്ങി​യ ബി​ല്ലി​ന്‍റെ കോ​പ്പി ക​ട​യി​ൽ​നി​ന്ന്​ പൊ​ലീ​സി​ന് ല​ഭി​ച്ചു.

അ​യ്യാ​യി​ര​ത്തോ​ളം രൂ​പ​യു​ടെ സാ​ധ​ന​ങ്ങ​ളാ​ണ് നൗ​ഷാ​ദ് ഇ​വി​ടെ​നി​ന്ന്​ വാ​ങ്ങി​യ​ത്. മു​ഖ‍്യ​പ്ര​തി ഷൈ​ബി​ൻ അ​ഷ്​​റ​ഫി​ന്‍റെ കാ​റി​ലാ​ണ് ഇ​യാ​ൾ ആ​യു​ധ​ങ്ങ​ൾ വാ​ങ്ങാ​നെ​ത്തി​യ​ത്. മു​ഖ‍്യ​പ്ര​തി ഷൈ​ബി​ന്‍റെ അ​ടു​ത്ത കൂ​ട്ടാ​ളി​യാ​യ നൗ​ഷാ​ദു​മാ​യി ന​ട​ത്തി​യ തെ​ളി​വെ​ടു​പ്പി​ൽ നി​ർ​ണാ​യ​ക വി​വ​ര​ങ്ങ​ൾ പൊ​ലീ​സി​ന് ല​ഭി​ച്ചി​ട്ടു​ണ്ട്.

ക്രൂ​ര​മാ​യ കൊ​ല​പാ​ത​കം ന​ട​ത്തി​യെ​ന്ന​തി​ന് ശ​ക്ത​മാ​യ തെ​ളി​വു​ക​ളാ​ണ് ഇ​വ. നി​ല​മ്പൂ​ർ ജി​ല്ല ആ​ശു​പ​ത്രി​യി​ൽ മെ​ഡി​ക്ക​ൽ പ​രി​ശോ​ധ​ന​ക്കു​ശേ​ഷം നൗ​ഷാ​ദി​നെ​ വൈ​കീ​ട്ട്​ മ​ഞ്ചേ​രി കോ​ട​തി​യി​ൽ ഹാ​ജ​രാ​ക്കി വീ​ണ്ടും ജ​യി​ലി​ല​ട​ച്ചു. ഷൈ​ബി​ൻ അ​ഷ്​​റ​ഫി​നെ​യും കൂ​ട്ടാ​ളി​ക​ളെ​യും ചോ​ദ‍്യം ചെ​യ്ത ശേ​ഷം ആ​വ​ശ‍്യ​മെ​ങ്കി​ൽ നൗ​ഷാ​ദി​നെ വീ​ണ്ടും ക​സ്റ്റ​ഡി​യി​ൽ വാ​ങ്ങും.

പ്രതികൾക്കായി ലുക്ക്ഔട്ട് നോട്ടീസ്

നി​ല​മ്പൂ​ർ: നാ​ട്ടു​വൈ​ദ‍്യ​ൻ ഷാ​ബാ ശെ​രീ​ഫി​ന്‍റെ കൊ​ല​പാ​ത​ക​ക്കേ​സി​ൽ ഒ​ളി​വി​ൽ പോ​യ പ്ര​തി​ക​ൾ​ക്കാ​യി പൊ​ലീ​സ് ലു​ക്ക്ഔ​ട്ട് നോ​ട്ടീ​സ് പു​റ​ത്തി​റ​ക്കി. നി​ല​മ്പൂ​ർ സ്വ​ദേ​ശി​ക​ളാ​യ കൈ​പ്പ​ഞ്ചേ​രി ഫാ​സി​ൽ (31), കു​ന്നേ​ക്കാ​ട​ൻ ഷ​മീം എ​ന്ന പൊ​രി ഷ​മീം (32), പൂ​ള​ക്കു​ള​ങ്ങ​ര ഷ​ബീ​ബ് റ​ഹ്മാ​ൻ (30), കൂ​ത്രാ​ട​ൻ മു​ഹ​മ്മ​ദ്​ അ​ജ്മ​ൽ (30), ചീ​ര ഷ​ഫീ​ഖ്​ (28) എ​ന്നി​വ​രു​ടെ ലു​ക്ക്ഔ​ട്ട് നോ​ട്ടീ​സാ​ണ് നി​ല​മ്പൂ​ർ പൊ​ലീ​സ് പു​റ​ത്തു​വി​ട്ട​ത്. ഇ​വ​രെ എ​വി​ടെ ക​ണ്ടാ​ലും വി​വ​രം അ​റി​യി​ക്ക​ണ​മെ​ന്ന് പൊ​ലീ​സ് ആ​വ​ശ‍്യ​പ്പെ​ട്ടു. നി​ല​മ്പൂ​ർ ഡി​വൈ.​എ​സ്.​പി: 9497940890, നി​ല​മ്പൂ​ർ സി.​ഐ: 9497987173, നി​ല​മ്പൂ​ർ എ​സ്.​ഐ: 9497980671. ഒ​ളി​വി​ൽ പോ​യ പ്ര​തി​ക​ളി​ൽ ഷ​മീം, ഷ​ബീ​ബ് റ​ഹ്മാ​ൻ എ​ന്നി​വ​ർ നി​ല​മ്പൂ​ർ രാ​ധ വ​ധ​ശ്ര​മ​ക്കേ​സി​ൽ പ്ര​തി​ക​ളാ​ണ്. ഈ ​കേ​സി​ന്‍റെ വി​ചാ​ര​ണ ന​ട​ക്കു​ക​യാ​ണ്. ഷാ​ബാ ശെ​രീ​ഫി​നെ കൊ​ല​പ്പെ​ടു​ത്തി​യ കേ​സി​ൽ മു​ഖ‍്യ​പ്ര​തി നി​ല​മ്പൂ​ർ മു​ക്ക​ട്ട​യി​ലെ ഷൈ​ബി​ൻ അ​ഷ്​​റ​ഫ് പൊ​ലീ​സ് പി​ടി​യി​ലാ​യ ദി​വ​സം​ത​ന്നെ പാ​സ്​​പോ​ർ​ട്ടു​ക​ളു​മാ​യി മ​റ്റു​പ്ര​തി​ക​ൾ ഒ​ളി​വി​ൽ പോ​വു​ക​യാ​യി​രു​ന്നു. ഫോ​ണു​ക​ൾ സ്വി​ച്ച് ഓ​ഫാ​ണ്.