ഓട്ടോ ഡ്രൈവർ മരിച്ച സംഭവം കൊലപാതകം; രണ്ട് പേർ കസ്റ്റഡിയിൽ, വയനാട് ചു​ണ്ടേ​ൽ എ​സ്റ്റേ​റ്റ് റോ​ഡി​ലാണ് സംഭവം

കൽപ്പറ്റ: ചു​ണ്ടേ​ൽ എ​സ്റ്റേ​റ്റ് റോ​ഡി​ൽ തി​ങ്ക​ളാ​ഴ്ച രാ​വി​ലെ​യു​ണ്ടാ​യ വാ​ഹ​നാ​പ​ക​ട​ത്തി​ൽ ഓ​ട്ടോ ഡ്രൈ​വ​ർ മ​രി​ച്ച സംഭവം കൊലപാതകം. സം​ഭ​വ​ത്തി​ൽ ദു​രൂ​ഹ​യുണ്ടെന്ന ആരോപണം നേരത്തെ തന്നെ ഉയർന്നിരുന്നു. സംഭവുമായി ബന്ധപ്പെട്ട് രണ്ട് പേർ ​പൊലീസ് കസ്റ്റഡിയിലാണുള്ളത്.

ഥാ​ർ ജീ​പ്പും ഓ​ട്ടോ​യിൽ ഇടിച്ചുണ്ടാക്കിയ അ​പ​ക​ട​ത്തി​ൽ കു​ന്ന​ത്ത് പീ​ടി​യേ​ക്ക​ൽ ന​വാ​സാ​ണ് (43) കൊല്ലപ്പെട്ടത്. സം​ഭ​വ​ത്തി​ൽ ദു​രൂ​ഹ​ത​യു​ണ്ടെ​ന്നാ​രോ​പി​ച്ച് ബ​ന്ധു​ക്ക​ൾ വൈ​ത്തി​രി പൊ​ലീ​സി​ൽ പ​രാ​തി ന​ൽ​കിയതിന്റെ അടിസ്ഥാനത്തിൽ പൊലീസ് നടത്തിയ അ​ന്വേഷണത്തിലാണ് കൊലപാതകമാണെന്ന സംശയം ബലപ്പെട്ടത്. പുത്തൂർ വയൽ സ്വദേശികളും സഹോദരങ്ങളുമായ സുബിൻ ഷാദ്, അജിൻ എന്നിവരാണ് കസ്റ്റഡിയിലുള്ളത്.

തി​ങ്ക​ളാ​ഴ്ച രാ​വി​ലെ എ​ട്ട​ര​ക്കാ​ണ് ന​വാ​സ് ഓ​ടി​ച്ച ഓ​ട്ടോ​റി​ക്ഷ​യി​ൽ സു​ബി​ൻ ഷാ​ദ് ഓ​ടി​ച്ച ഥാ​ർ ജീ​പ്പ് ഇ​ടി​ച്ച​ത്. അ​പ​ക​ട​ത്തി​ൽ ന​വാ​സ് മ​രി​ച്ച​തി​ൽ തി​ങ്ക​ളാ​ഴ്ച ത​ന്നെ ദു​രൂ​ഹ​ത ഉ​യ​ർ​ന്നി​രു​ന്നു. മൃ​ത​ദേ​ഹം മാ​ന​ന്ത​വാ​ടി മെ​ഡി​ക്ക​ൽ കോ​ള​ജി​ലാ​ണ് പോ​സ്റ്റു​മോ​ർ​ട്ടം ന​ട​ത്തി​യ​ത്. ചൊ​വ്വാ​ഴ്ച ഉ​ച്ച​യോ​ടെ ചു​ണ്ട​ത്തോ​ട്ടം ജു​മാ​മ​സ്ജി​ദ് ഖ​ബ​ർ​സ്ഥാ​നി​ൽ ഖ​ബ​റ​ട​ക്കി.

ഥാ​ർ ജീ​പ്പ് ഓ​ടി​ച്ചി​രു​ന്ന​യാ​ളും പി​താ​വും ചു​ണ്ടേ​ൽ ഭാ​ഗ​ത്ത് ന​ട​ത്തി​വ​ന്നി​രു​ന്ന ഹോ​ട്ട​ലി​ന്റെ എ​തി​ർ​വ​ശ​ത്താ​യാ​ണ് ന​വാ​സി​ന്റെ സ്റ്റേ​ഷ​ന​റി ക​ട​യു​ള്ള​ത്. ഇ​തു​മാ​യി ബ​ന്ധ​പ്പെ​ട്ട് ന​വാ​സു​മാ​യി നേ​ര​ത്തേ പ്ര​ശ്ന​ങ്ങ​ളു​ണ്ടാ​യി​രു​ന്ന​ു. ഈ വിഷയവുമായി ബ​ന്ധ​പ്പെ​ട്ട് വൈ​ത്തി​രി പൊ​ലീ​സ് സ്റ്റേ​ഷ​നി​ൽ കേ​സു​മു​ണ്ടാ​യി​രു​ന്നു. ഇതിനിടെ, ചൊവ്വാഴ്ച വൈകീട്ട് നാ​ട്ടു​കാ​ർ ചേ​ർ​ന്ന് ആ​രോ​പ​ണ വി​ധേ​യ​ന്റെ പി​താ​വ് ന​ട​ത്തു​ന്ന മ​ജ്‍ലി​സ് ഹോ​ട്ട​ലി​നു നേ​രെ അക്രമം നടന്നു. ഹോട്ടലിന്റെ ചില്ലുകൾ ത​ക​ർ​ത്തു.