ക്ഷേത്രത്തിൽ മോഷണശ്രമം; യുവാവ് പിടിയിൽ

കോതമംഗലം: അയ്യങ്കാവ് ശ്രീധർമശാസ്ത ക്ഷേത്രത്തിൽ മോഷണശ്രമം നടത്തിയ യുവാവ് പിടിയിൽ. ഇടുക്കി ഇരുമ്പുപാലം മംഗലത്ത് വീട്ടിൽ രമേശനെയാണ് (27) കോതമംഗലം പൊലീസ് പിടികൂടിയത്. പുലർച്ച മോഷ്ടിക്കാൻ ക്ഷേത്രത്തിൽ കയറിയപ്പോൾ ആളുകളുടെ ശ്രദ്ധയിൽപെട്ടതോടെ ഓടിമറഞ്ഞു. തുടർന്ന് പൊലീസ് ടീമായി തിരിഞ്ഞ് നടത്തിയ പരിശോധനയിലാണ് പിടിയിലായത്. എസ്.എച്ച്.ഒ ബേസിൽ തോമസ് എസ്.എമാരായ ജോർജ്, മാർട്ടിൻ, എ.എസ്.ഐമാരായ റെജി, രഘുനാഥ്, മുഹമ്മദ്, എസ്.സി.പി.ഒമാരായ നിഷാന്ത്, ഷക്കീർ, ശ്രീജിത്, മെറ്റിൽഡ തുടങ്ങിയവരാണ് അന്വേഷണ സംഘത്തിലുണ്ടായിരുന്നത്.